1पतरुस 1:5 - Dhimal NT

⁵ कालाउ नेलाइको खाङधुरि पाहासोङ, परमेस्वर ताइको सरबुङ पाहासो नेलाइहेङ बान्चिपाङ, जेलाउ थेकापा नेलाइ साइतानको सरबुङसो पुरा मालान्हास्वाना। कालाउ ख्रिस्ट लोका दिनाता या पुरा जेनावा।

धिमाल

⁵ नेलाइ आखिरि पहरता देखाल जेङलि तोम्‍का छुटकाराको भाअ्‌सिङ खान्‍धुरसो परमेस्‍वरको सरबङसो सामर्‍हाइतेङ ताअ्‌न्‍हाका हिसुन्‍हा।

1पतरुस 1:5 Iomraidhean Croise

युहन्‍ना 12:48

जाइ कासेहेङ इन्कार पावा कालाउ काङको बचनको आग्या माकेम्नु वाको भाअ्सिङ एमि न्याय पाका हि। जेदोङ बचन का दोअ्घा इङको बचनहोइ आन्तको दिनाता वासेहेङ न्याय पावा।

युहन्‍ना 17:15

इम्बालाइहेङ नाअ् सुमिङसो चुम्पुवाको दोअ्तेङ का प्रार्थाना मापाखा, भरु इम्बालाइहेङ साइतानसो जोगाइतेङ तापिसु।

युहन्‍ना 4:14

कालाउ जाइ-जाइ काङको पिका चि आम्खे उङको हेलाउ बुङ चि आम्लि माकिताङ। जेदोङ चिका प्याङका, इङको चि वासेहेङ आनान्त जिबनको भाअ्सिङ मुर्तेङ हिका चिको मुहान जेनाङ।”

युहन्‍ना 5:24

जातिङ भारि का नेलाइहेङ दोअ्खा, जाइ काङको बचन हिङखे कालाउ कासेहेङ दिङगिल्काहेङ खाङधुरि पाखे, उङको दोफा आनान्त जिबन हि। ओबालाइहेङ दन्ड माप्याङ कालाउ इम्बालाइ आनान्त कालको सिकासो बान्चियाङ कालाउ लाम्फासोङ नावा जिबनता दुल्लि दोका हि।

रोमि 11:20

इङको सत्ये दोङ हि, इम्बालाइ खाङधुरि मापानाङ दालेङगेलाइ कोनिङ थुर्तेङ हानिहि, कालाउ नेलाइ चाहि इम्बालाइको थामेता खाङधुरि पासुन्हा कालाउ कलमि जिङसुन्हा। ओदोङ भाअ्सिङ नेलाइ इदोइ काथाता घमन्ड मापासु कालाउ थिसु।

रोमि 8:18

का पाक्का हिघा, कि इङको महिमा जेदोङ परमेस्वर केलाइहेङ प्याङ, इङको केलाइ एला भोगेका कस्टगेलाइ खान्तेङ बार्का जेनाङ।

1 कोरिन्थि 1:21

हाइपालिपानु परमेस्वर ताइको बुद्दि पाहासो थाहा गिहि, कि सुमिङको द्‍याङगेलाइ ताइको बुद्दिहोइ परमेस्वरहेङ नाल्लि मादोखे, ओदोङ भाअ्सिङ परमेस्वर केलाइको सुसमाचारको प्राचार खान्धुराइगेलाइहेङ बान्चिपालिको भाअ्सिङ प्रयोग पाहि, कालाउ आधिमिहेङ इदोइ आनाइ भाइका लागिखे।

2 कोरिन्थि 1:24

नेलाइको खाङधुरि ह्रुता केलाइ खाबारा जामाइलि माचाहिनाखे, भरु नेलाइको आनान्दको भाअ्सिङ नेलाइ दोफा मिलितेङ काम पाङ। हाइपालिपानु नेलाइ ताइको खाङधुरिता सिकापा हिसुखेना।

गलाति 2:20

या इसिका हि, कि का बुङ येसु ख्रिस्ट दोफाङ क्रुस्टता सिघा, एला उसो का जियाइका माको भरु येसु ख्रिस्ट का लिता जियाइखे। जेदोङ जिबन जिउता एला जियाइखा, इङको परमेस्वरको चान ह्रुता खाङधुरि पातेङ जियाइखा, जाइ कासेहेङ हेन्जा प्रेम पाखे कालाउ काङको भाअ्सिङ ताइको जिबन बुङ आरपन पाहि।

एफिसि 2:8

हाइपालिपानु जेलाउ नेलाइ खाङधुरि पासुन्हा कालाउ परमेस्वर ताइको आनुग्रह पाहासो नेलाइको मुक्ति पाका हि, नेलाइ ताइमिङ दोङ उद्दार निङका माको, भरु इङकोते परमेस्वरको दान हि।

एफिसि 3:17

नेलाइ आत्माता बल्लियाका जेङलि गोइखे, कालाउकि नेलाइको खाङधुरिहोइ ख्रिस्ट नेलाइको ह्रदयता ह्याको। का प्रार्थाना पाखा, कि नेलाइको परमेस्वर दोफाको प्रेम कालाउ एमिसो भेनेङ दोफा प्रेमहोइ नेलाइहेङ बल्लियाका बानाइलि द्वाको कालाउ पाप पालिसो बान्चि पाको।

फिलिप्पि 1:6

का इदोइ काथाता पुरा खाङधुरि पाखा, कि परमेस्वर नेलाइकोता जेदोङ आसल काम सुरु पाहि, इङको वासेहेङ दोङ जेलाउ येसु ख्रिस्ट आरोङ ल्वाङ कालाउ पुरा पावा।

फिलिप्पि 4:7

कालाउ परमेस्वरको सान्तिहोइ जेदोङ द्‍याङको सोचाइ खान्तेङ बाहार हि, नेलाइको मन कालाउ ह्रदयहेङ येसु ख्रिस्टता जोगाइतेङ ताअ्प्याङ।

2 तिमोथि 3:15

नाअ् जामालसोङ पबित्तरो धर्मसास्तरको काथागेलाइ धिरका हिना। इदोइ धर्मसास्तर दोङ नासेहेङ इदोइ बुझिलि साघाइयाङ कि येसु ख्रिस्टता खाङधुरि पानाङ परमेस्वर नासेहेङ बान्चि पावा।

तितस 2:13

कालाउ केलाइ आस पाका दिनाको दामा खाङतेङ हिनाखे: जेदोङ दिना येसु ख्रिस्ट, जाइ केलाइको माहान परमेस्वर मुक्ति दाता हि, वा ताइको गोताङ महिमा दोफाङ इदोइ प्रिथिबिता ल्वाङ।

हिब्रु 9:28

एसा पासोङ हेन्जा द्‍याङगेलाइको पाप ल्होपातेङ चुम्पुलिको भाअ्सिङ ख्रिस्ट ताइमिहेङ एखे भोग पिहि, कालाउ वा आरोङ ल्वाङ, इङको बेला ताइमिहेङ पापको भोगको भाअ्सिङ माको, भरु वाको लोका दामा खाङतेङ हिकालाइहेङ बान्चिपालिको भाअ्सिङ ल्वाङ।

1पतरुस 1:13

ओदोङ भाअ्सिङ, नेलाइ हाइ पादोङ सुखेना दोअ्का बारे रेम्फा सोचिसु कालाउ आत्माहेङ तहता ताअ्सु मुक्ति निङका आस पासु, जेदोङ आनुग्रहसो लोखे, जाइ नेलाइहेङ येसु ख्रिस्ट इदोइ सुमिङता धुरितेङ लोका दिनाता प्यावा।

1पतरुस 4:13

याको बारेता लेङचासु, कालाउकि नेलाइ ख्रिस्ट भोगिका क्रुस्टता झ्वाइनाका हिसुना। ओदोङ भाअ्सिङ जेलाउ ख्रिस्ट गोताङ द्‍याङगेलाइहेङ ताइको महिमाता देखाल पिलि आरोङ ल्वाङ, कालाउ नेलाइको आनान्द जातिङकोङ बार्का जेनाङ।

1पतरुस 5:1

का नाअ् इन्ताको मन्डलिको आगुवागेलाइहेङ हाइ दोङ दोअ्लि भोखा, हाइपालिपानु का बुङ नेलाइ भाइकाङ एमि आगुवा हिघा। का ताइमिङ ख्रिस्टको हेन्जाङ सोमोइ लाम्फा निङका कस्ट तिङका हिघा। जेलाउ वा आरोङ धुरितेङ ल्वाङ, का बुङ वाको महिमाता साझेदार जेनाङका। एला का नेलाइहेङ आग्राह पाङका।

२ पत्‍रुस 1:3

केलाइ परमेस्वरहेङ नाल्कानाङ वा केलाइहेङ वाको दोफा हिका इङको सरबुङ पिका हि। ओदोङ भाअ्सिङ केलाइ वासेहेङ लेङचापाका जिबन जियाइलि गोइका गोताङ काथा हि। वाको ताइकोङ पुर्न कालाउ महिमा पुर्न चरित्तरोको कारन वा केलाइहेङ ताइकोङ द्‍याङ जेङलि छाल्का हि।

१ युहन्‍ना 3:2

ओइ आनाउ, एला केलाइ परमेस्वरको सान्तान दोङ, कालाउ केलाइ भबिस्यता हिसिका जेनाङ इङको एला थेकापा देखाल जेङका मान्थु। इदोइ झोको गिनाखे कि, जेलाउ वा ल्वावा, केलाइ वा भाइकाङ जेनाङ। हाइपालिपानु वा जिस्काङ हि केलाइ वासेहेङ इन्सिकाङ तिनाङ।

यहुदा 1:1

इदोइ पात्तारा का यहुदासो हि, का येसु ख्रिस्टको बान्धाइति कालाउ याकुबको ओने हिघा। का इदोइ पात्तारा परमेस्वरता खाङधुरि पाका वाको पाहासो काइका द्‍याङगेलाइहेङ लेखेदोङखा। नेलाइहेङ परमेस्वर केलाइको आबा प्रेम पाखे कालाउ येसु ख्रिस्टता रेम्फा ताअ्का हि।

यहुदा 1:24

परमेस्वर नेलाइहेङ बान्चिपालि द्वाङ कालाउकि नेलाइ पापता जिबन जियाइलिको भाअ्सिङ धोकाता मापरिसु। वा महिमित परमेस्वर नेलाइहेङ निस्कलङ कालाउ आनान्दहोइ भरिका बानाइलि नेलाइहेङ ताइमिकोता घुरिपातेङ चुमालि द्वाङ।