1पतरुस 1:4 - Dhimal NT

⁴ परमेस्वर ताइको द्‍याङगेलाइको भाअ्सिङ ताअ्का नुगामारि आसिस निङका आस पानाखे। वा इम्बालाइको भाअ्सिङ इङको आसिस स्वर्गता ताअ्खे, जेता इङको आसिस नासालि माकुनु बिगिरलि माकुनु राम्लि माद्वाङ।

धिमाल

⁴ परमेस्‍वर आबा नेलाइको भाअ्‌सिङ हेअ्‌लाउ मामुअ्‌का, दगामान्‍थुका रो माचुअ्‌का सहसाम्‍पा सादेलता ताअ्‌पिका हि।

1पतरुस 1:4 Iomraidhean Croise

मत्‍ति 25:34

कालाउ का राजा ताइको दाम्पाहा योम्कालाइहेङ दोअ्ताङका, लोसु काङको आबा परमेस्वर नेलाइहेङ आसिरबाद पिका हि। लोसु कालाउ परमेस्वर नेलाइको भाअ्सिङ प्रतिग्या पाका सासनता आधिकारि हिसुना। सुमिङ सिरजाइकाको लाम्फासोङ इदोइ नेलाइको भाअ्सिङ तियार पाका हिघाहि।

मर्कुस 10:17

येसु ताइको चात्यागेलाइ दोफा दामाता हानिकाताङ पालाउ एमि द्‍याङ धाअ्तेङसाङ लोतेङ वाको खोकोइता तिरु थोअ्तेङ हिअ्हि, “ओइ एल्का प्रभु, परमेस्वरसो आनान्त जिबन निङलिको भाअ्सिङ का हाइ काम पालि गोयाङ?”

साल्न्हाका चात्या 20:32

एला का नेलाइहेङ परमेस्वरता कालाउ वाको आनुग्रहको बचनता सुम्पिप्याङका, जाइ नेलाइहेङ खाङधुरिता बल्लियाका बानाइयावा, कालाउ जाइहेङ परमेस्वर पबित्तरो बानाइका हि, इम्बालाइ झाराङहेङ वा प्रतिग्या पाका आन्सार उत्तराधिकारि बानाइयाङ।

साल्न्हाका चात्या 26:18

कि नाअ् द्‍याङगेलाइहेङ सत्ये तिङपाना, कालाउकि इम्बालाइ कितिकितिकासो फाइसालामकाता कालाउ साइतानको सरबुङसो परमेस्वर भारि घुरियाको। कालाउ परमेस्वर इम्बालाइको पापगेलाइ स्यामा पापियाङ कालाउ इम्बालाइ कासेहेङ खाङधुरि पानाङ पबित्तरो हिकालाइको थामे इम्बालाइ बुङ निनावा।

रोमि 8:17

कालाउ केलाइ परमेस्वरको सान्तान नुते उत्ताराधिकारि बुङ हिनाहि, परमेस्वरको उत्ताराधिकार कालाउ ख्रिस्ट दोफा साझा-उत्ताराधिकारि। कालाउ जेसापा केलाइ ख्रिस्ट भाइपाङ दुख पिडागेलाइ भोगिन्हाखे पानुते केलाइ बुङ ख्रिस्ट दोफाङ महिमित जेनाङ।

1 कोरिन्थि 9:25

धाअ्काता भाग ह्रुलि गोइका खेलाडिगेलाइ जिउहेङ काबुता पालि आभ्यास पाखे। इम्बालाइते जितिलि कालाउ साम्मान निङलि एन्सा पाखे, इम्बालाइते चुतेङ हानिका ल्हाफाको माला निङखे जेदोङ हेन्जा सोमोइ थेकापा माहिखे। कालाउ केलाइ चाहि साम्मान कालाउ जेलाउ बुङ हिका आसिसको भाअ्सिङ इसिका पानाखे।

गलाति 3:18

हाइपालिपानु द्‍याङगेलाइ मोसाको व्यवस्था मानिनाङ परमेस्वर आसिस पिकानुते, बाचासो लोका आसिस मानिङधाङ। भरु परमेस्वर ताइको बार्का आनुग्रहसो आब्राहामहेङ आसिस पिहि, हाइपालिपानु परमेस्वर एसा पालि बाचा हेन्जाङ लाम्फासोङ पाका हिघाहि।

एफिसि 1:11

हाइपालिपानु गोताङ काथा परमेस्वरको योजाना कालाउ निर्नय आन्सार जेङका हि। परमेस्वर केलाइ यहुदिगेलाइहेङ बुङ ताइकोङ इच्छा आन्सार केलाइको ख्रिस्ट दोफाको सम्बनधको कारन इदोइ चाहि परमेस्वर लाम्फासोङ पाका निर्नय आन्सार पाका हि।

एफिसि 1:14

हाइपालिपानु परमेस्वर केलाइहेङ पबित्तरो आत्मा पिलि दोका हि पानु, पाक्का दोङ वा केलाइहेङ प्रतिग्या पाका आरु रेम्का आमेनेगेलाइ बुङ प्याङ। कालाउ या जेनावा जेलाउ परमेस्वर केलाइहेङ वाकोङ द्‍याङगेलाइको रुपता पुर्न रितहोइ लाअ्पावा। कालाउकि केलाइ परमेस्वरको बाखिन कालाउ महिमा पाइने।

एफिसि 1:18

का या बुङ प्रार्थाना पाखा कि, वा नेलाइको ह्रदय हेअ्प्याको, कि हिदोइ आसको भाअ्सिङ वा नेलाइहेङ काइका हि, कालाउ परमेस्वरको जनगेलाइ निङलि गोइका आसिस हेथे बारका कालाउ महिमामय हि दोअ्तेङ नेलाइ गिलि दोसु।

कलस्सि 1:12

नाअ् आबा परमेस्वरहेङ धन्यबाद पि, जाइ नासेहेङ परमेस्वरको जनगेलाइहेङ निङका काथा नेलाइहेङ बुङ निङलि योग्य बानाइका हि, जाइ चाहि परमेस्वर स्वर्गता तियार पाका हि।

कलस्सि 1:5

नेलाइ इङको पासुखेना हाइपालिपानु नेलाइको आस स्वर्गता ताअ्का काथाता हि। जेदोङको येसु ख्रिस्टको सत्ये सन्देसको बिसोइता नेलाइ लाम्फाङ सुसमाचार हिङका हिसुना।

कलस्सि 3:24

या गितेङ कि, प्रभु ख्रिस्ट नेलाइहेङ इनाम प्याङ, इङको चाहि वा गोताङ द्‍याङको भाअ्सिङ तियार पापिका हि, जेदोङ चाहि नेलाइ उत्तराधिकारको रुपता निङस्वाना। हाइपालिपानु नेलाइ येसु ख्रिस्टको सेवा पातेङ हिसुना।

2 तिमोथि 4:8

एला प्रभु कासेहेङ एनोङ इनाम प्याङ, जेदोङ चाहि काङको आसल पाका कामको इनाम हि। ठिकसो न्याय पाका प्रभु दोङ कासेहेङ इङको इनाम प्याङ जेलाउ वा आरोङ ल्वाङ। कालाउ का खिनिङ माको, कालाउ वाको लोका दामा खाङका झाराङहेङ इङको इनाम प्याङ।

हिब्रु 10:34

कालाउ नेलाइ कैदिगेलाइ ह्रुता दाया तिङपासुन्हा ताइको सम्पति घिङतेङ चुम्पुलाउ बुङ खुसि जेङतेङ सहिसुन्हा, हाइपालिपानु नेलाइ गिघासुखेना कि, नेलाइ दोफा आझाइ बुङ परमेस्वरको प्रतिग्या पाका आमेनेगेलाइ हि, जेदोङ आझाइ उत्तम हि कालाउ जेलाउबुङको भाअ्सिङ हितेङ ह्यावा।

हिब्रु 9:15

ओदोङ भाअ्सिङ ख्रिस्ट द्‍याङगेलाइ दोफा नावा कारार धेउका हि, कालाउकि परमेस्वर पाहासो काइन्हाका द्‍याङगेलाइ वाको पाका प्रतिग्यासो आनान्तको भाअ्सिङ आसिस निङलि द्वाको। एसा बुङ जेङलि द्वाङ कि, हाइपालिपानु इम्बालाइ लाङ कारारता हिलाउ पाका पापको दन्डसो स्वतन्तरो पालिको भाअ्सिङ ख्रिस्ट सिहि।

याकुब 1:11

जेसापा ओपाका धाङकासो सान्हे ल्होखे, कालाउ घासिहेङ चुपापिखे। ल्हे हुल्खे कालाउ वाको सोबाइका नासाखे। एन्सा पाङ धनि द्‍याङ बुङ ताइको काम धान्दाता ब्यस्त जेङतेङ दोङ सिखे।

1पतरुस 3:9

खाराबिको बदला खाराबि मापालि माकुनु आपामानको बदला आपामान मापालि, भरु इङको को सातोता आसिस पिका जेङसु, नेलाइ इम्बालाइको भाअ्सिङ आसिस ह्रेलि गोइखे हाइपालिपानु नेलाइ परमेस्वर पाहासो आसिस पिलिको भाअ्सिङ काइन्हाका हिसुना, कालाउकि नेलाइ परमेस्वरसो आसिस निङलि दोसु।

1पतरुस 5:4

जेलाउ येसु ख्रिस्ट धुरितेङ ल्वाङ, जाइ केलाइको मुख्य लाखुरिया हिका हि, कालाउ नेलाइहेङ एनोङ कोइनाका मुकुट प्याङ। जाइको चिल्काका हेलाउ बुङ कम माजेनाङ।

प्रकास 21:27

कालाउ हिदोइ बुङ आसुद्द आमेने इङको सहरता माल्वाङ। मारेङका काम पाकालाइ माकुनु धाताइका द्‍याङगेलाइ, इन्ता मादुल्लाङ थुमाको जिबनको कितापता जाइको मिङ लेखेका हि खिनिङ इङको द्‍याङ इङको सहरता दुल्लि द्वावा।