1पतरुस 1:23 - Dhimal NT

²³ हाइपालिपानु नेलाइ परमेस्वरसो नावा जिबन निङका हिसुन्हा। कालाउ या जिबन नासाका काथासो निङका मान्थु सुन्हा कालाउ जेलाउलाउको भाअ्सिङ हिका काथासो निङका हिसुन्हा। केलाइ या नावा जिबन सिन्हुका कालाउ आनान्त परमेस्वरको बचनसो निङका हिनाहि।

धिमाल

²³ परमेस्‍वरको सिन्‍हुका रो दिनाङ हितेङहिका कथनसो नेलाइ नावा जेङतेङ जोल्‍मिका हिसुन्‍हा। नेलाइ मुअ्‌का आबाको चानचामिन्‍दिगेलाइ माको, कालाउ मामुअ्‌का आबाको चानचामिन्‍दिगेलाइ जेङका हिसुन्‍हा।

1पतरुस 1:23 Iomraidhean Croise

मत्‍ति 24:35

आकास कालाउ प्रिथिबि माअ्तेङ हानावा, जेलाउलाउको भाअ्सिङ माह्याङ कालाउ का जेदोङ दोअ्का हिघा इङको जेलाउलाउको भाअ्सिङ ह्यावा।

लुका 8:11

एला निङपिका या, चालाइ चाहि परमेस्वरको बचन।

युहन्‍ना 1:13

इम्बालाइ ताइको आमाइ-आबासो जोलोम जेङका माको, ना ते हिदोइ बुङ द्‍याङको इच्छासो, ना ते द्‍याङको सान्तान निङलिको इच्साहोइ, कालाउ परमेस्वर पाहासो जोलोम जेङखे।

युहन्‍ना 1:3

गोताङ आनेमाने वाको पाहासो सिरजाइन्हाका हिदोइ बुङ आनेमाने वा माकोसिङ माजेङघाहि।

युहन्‍ना 3:3

येसु उङकोहेङ उत्तारा पिहि, “जातिङ भारि का नासेहेङ दोअ्खा, हासु बुङ नावा जेन्तेङ जोलोम माजेङनु वा परमेस्वरको सासन आनुभब पालि माद्वाङ।”

युहन्‍ना 3:5

येसु उत्तारा पिहि, “जातिङ भारि का नासेहेङ दोअ्खा, चि कालाउ आत्मासो जोलोम माजेङपा थेकापा हासु बुङ परमेस्वरको सासनता दुल्लि माद्वाङ।

युहन्‍ना 6:63

कालाउ जिबन पिका आत्मा हि, जिउसो हिदोइ बुङ फाइदा माजेङखे। जेदोङ काथा का नेलाइ दोफा धुइका हिघा, इङको आत्मा कालाउ जिबन दोङ।

रोमि 1:23

इम्बालाइ महिमित परमेस्वरहेङ आराधाना पालि गोइकाता नासाका द्‍याङ, गुपुसगेलाइ, जिहाँ-जुइलेङगेलाइ कालाउ सेसालाइतेङ तेगिल्का जन्तुगेलाइको मुर्तिगेलाइहेङ पुजा पाहि जेदोङ जेलाउ बुङ सिन्हुतेङ माहिखे।

हिब्रु 4:12

परमेस्वरको बचन ते काम पातेङ हिका कालाउ हुसि हिका हि, कालाउ वाको बचन न्हेपाहाङ धार हिका कात्ति खान्तेङ बुङ चुका हि। इङकोहोइ लिता हानितेङ प्रान कालाउ आत्माहेङ खेङन्हा पापिखे। इङकोहोइ जोरनि कालाउ हारा सुधाङ पाल्खे। इङको परमेस्वरको बचनहोइ द्‍याङगेलाइको ह्रदयको बिचार कालाउ इच्छाहेङ झोअ्तेङ जाचिखे।

याकुब 1:18

वा ताइकोङ इच्छासो सत्येको बचनसो केलाइहेङ नावा जिबन पिहि, कालाउकि केलाइ वा दोङ सिरजाइका सेकाको लाङ फल भाइपा जेङलि द्वाइने।

1पतरुस 1:25

कालाउ प्रभुको बचन जेलाउलाउ बुङ हितेङ हिखे।” कालाउ नेलाइहेङ प्राचार पाका सुसमाचारको बचन इदोइ दोङ हि।

1पतरुस 1:3

केलाइको प्रभु येसु ख्रिस्टको आबा कालाउ परमेस्वरको बाखानाइ ज्याको। परमेस्वर केलाइ दोफाको माहान क्रिपा होइ वा केलाइहेङ एनोङ नावा जिबन पिका हि। हाइपालिपानु परमेस्वर येसु ख्रिस्टहेङ सिकासो सिन्चाल पाका हि, वा दोङ केलाइहेङ धुक्कसो बान्चिलि दोका बानाइका हि, इङको दोअ्का वा केलाइहेङ प्रतिग्या पाका काथा निङका पुरा आस पाका हि।

१ युहन्‍ना 3:9

जाइ परमेस्वरको सान्तान हि इम्बालाइ लागातार पाप मापाखे, हाइपालिपानु वाकोता परमेस्वरको स्वभाव हिखे, कालाउ वा लागातार पाप पालि मादोखे, हाइपालिपानु उङको परमेस्वरको सान्तान हि।

१ युहन्‍ना 5:18

परमेस्वरको सान्तान हासु बुङ पाप पातेङ माहिखे, हाइपालिपानु परमेस्वरको चान येसु वासेहेङ सामाराइतेङ ताअ्खे, कालाउ साइतान बुङ वासेहेङ मासाइखे।