1पतरुस 1:22 - Dhimal NT

²² हाइपालिपानु नेलाइ सत्ये पालन पातेङ सुद्द जेङका हिसुना, एला नेलाइ ताइको दोफाङको खान्धुराइगेलाइहेङ चोखो प्रेम पासु। कालाउ एमिसो भेनेङहेङ ताइको ह्रदयको लिता सोङ प्रेम पातेङ हिसु।

धिमाल

²² एला नेलाइ सतहेङ साअ्‍तेङ ताइको मन चोखाइका हिसुन्‍हा, कालाउ ताइको दादाओने बाइओनेगेलाइहेङ ताइमिहेङ भाइपाङ इन्‍ताना पासु रो एमि भेनेङहेङ कोन्‍धाङसोङ मान पासु।

1पतरुस 1:22 Iomraidhean Croise

युहन्‍ना 15:17

का नेलाइहेङ इदोइ आग्या पिखा, कि नेलाइ एमिसो भेनेङहेङ प्रेम पासु।

युहन्‍ना 15:3

का दोङ नेलाइहेङ दोअ्का काङको सिक्स्याहोइ नेलाइ लाम्फा दोङ सुद्द जेङलि दोअ्का हिसुना।

युहन्‍ना 17:17

इम्बालाइहेङ सत्येसो पबित्तरो पाअ्पि, हाइपालिपानु नाङको बचन सत्ये हि।

युहन्‍ना 17:19

इम्बालाइको फाइदाको भाअ्सिङ का ताइमिहेङ दोङ पबित्तरो बानाइखा, कालाउकि इम्बालाइ बुङ सत्येसो पबित्तरो जेनाको।

साल्न्हाका चात्या 15:9

कालाउ खाङधुरिसो ओबालाइको मन सुद्द पातेङ परमेस्वर केलाइको कालाउ ओबालाइको माझाता हिदोइ बुङ खाल्को भेदभाव माअ्ताहि।

साल्न्हाका चात्या 6:7

एसापा परमेस्वरको बचन बाढेकाताङ हानिहि, कालाउ यरुसेलेमता चात्यागेलाइको सङख्या हेन्जाङ बदेहि। कालाउ हेन्जा यहुदि पुजारिगेलाइ बुङ येसु ख्रिस्टको खाङधुरिको सन्देसहेङ सुइकार पाहि।

रोमि 1:5

कालाउ प्रभु येसु ख्रिस्टसो परमेस्वर कासेहेङ आनुग्रह पातेङ साल्न्हाका चात्याको काम पिहि, कालाउकि का ख्रिस्टको काम पालि द्वाको कालाउ गोताङ गैर-यहुदिगेलाइ येसु ख्रिस्टको मिङता खाङधुरि पाको कालाउ वाको आग्या किताको।

रोमि 2:8

कालाउ स्वार्थि कालाउ सत्येको पालन माकेम्का कालाउ दुस्ट काम पाका ह्रुता चाहि परमेस्वरको क्रोड कालाउ चेरचुङता परियाङ।

रोमि 8:13

हाइपालिपानु जेसापा नेलाइ ताइको पापमय स्वभाबको आन्सार जियाइस्वाना पानु, नेलाइ आत्मिक रुपसो सिस्वाना, कालाउ जेसापा नेलाइ पबित्तरो आत्मासो जिउको पापमय स्वभाबहेङ नासा पास्वाना पानु, नेलाइ बान्चिस्वाना।

2 कोरिन्थि 6:6

सुद्दता, ग्यानता, धैर्यता, दायाकाता, पबित्तरो आत्माता, सत्ये प्रेम,

गलाति 3:1

नेलाइ गलातिको खान्धुराइगेलाइ, हाइ नेलाइ ताइको बुद्दि राम्पासुन्हा, हासु नेलाइहेङ थोगिहि? येसु ख्रिस्ट हेसा क्रुस्टता सिहि, का नेलाइहेङ इङको गोताङ काथा झालाफालापा दोअ्काङ हिघाखा।

गलाति 5:5

का एसा दोअ्खा हाइपालिपानु केलाइहेङ पबित्तरो आत्मासो पुरा खाङधुरि हि, कि परमेस्वर केलाइहेङ धर्मि कोनिङ सुइकार पावा, हाइपालिपानु केलाइ ख्रिस्टता खाङधुरि पान्हाखे।

गलाति 5:7

नेलाइ ख्रिस्टको खाङधुरिता रेम्कासो बाराकाताङ हानिघा सुखेना। एला हासु नेलाइहेङ सत्ये मानिलिसो रोकिदोङखे?

एफिसि 4:3

इसिका पालि मेनाङ कोसिस पासु, कालाउकि नेलाइ जेलाउ बुङ मिलितेङ हिलि दोसु, हाइपालिपानु नेलाइ पबित्तरो आत्मा पाहासो ए-जेङका हिसुन्हा।

फिलिप्पि 1:9

का प्रार्थाना पाङका, कि परमेस्वरको ग्यान कालाउ बिबेकता ता-ताइमिको भाअ्सिङ नेलाइको प्रेम झन बाढेकाताङ हानाको,

1 थेस्लोनिकि 3:12

केलाइ प्रार्थाना पाङ कि जेसाङ केलाइ नेलाइहेङ प्रेम पानाखे, एन्साङ दोङ प्रभु नेलाइहेङ बुङ एमिसो-भेनेङ दोफा कालाउ गोताङ द्‍याङगेलाइ दोफा प्रेमता आझाइ बाढेपाको।

2 थेस्लोनिकि 1:3

खान्धुराइ ओनेगेलाइ, नेलाइको भाअ्सिङ परमेस्वरहेङ जेलाउ बुङ धन्यबाद पिनाखे। एन्सा पालि केलाइहेङ ठिक हि, हाइपालिपानु नेलाइको खाङधुरि येसु ख्रिस्टता बाढेतेङ हानिका हि। कालाउ नेलाइको प्रेम बुङ एमिसो-भेनेङ दोफा झन बाढेतेङ हि।

2 थेस्लोनिकि 2:13

प्रभुको प्रेम पाका खान्धुराइ ओनेगेलाइ, नेलाइको भाअ्सिङ केलाइ परमेस्वरता जेलाउ बुङ धन्यबाद पिनाखे, हाइपालिपानु परमेस्वर नेलाइहेङ बान्चिपालिको भाअ्सिङ सुमिङहेङ सिरजाइका खान्तेङ लाम्फा छाल्हि। वा दोङ पबित्तरो आत्माको काम पाहासो नेलाइहेङ पबित्तरो बानाइहि, कालाउ येसु ख्रिस्टको सत्येको सन्देसहेङ खाङधुरि पानाङ नेलाइहेङ बान्चिपाहि।

1तिमोथि 1:3

जेलाउ म्यासिडोनिया प्रदेस हानेलि तोमलाउ का आरोङ नेलाइहेङ आनुरोध पाखा कि, नेलाइ एफिसस सहरता दोङ हिसु कालाउ धाताइका सिक्स्या धिरपाका द्‍याङगेलाइहेङ एन्सा मापा दोअ्तेङ थाङका आग्या पि।

1तिमोथि 1:5

का नेलाइहेङ आदेस पिका उदेस्य इदोइ हि, कि नेलाइ एमिसो-भेनेङहेङ पुरा ह्रदयहोइ, प्रेम पासु, जेदोङ चाहि सुद्द मन, आसल बिबेक, कालाउ सत्ये खाङधुरिसो लोखे।

1तिमोथि 4:12

इसिका ब्याभार पाअ्‌ कि, हासु बुङ नाअ् धाना हिना दोअ्तेङ हेला मापाको कालाउ नाङको आदार पाअ्को। कालाउ खान्धुराइगेलाइको आगाता बोलिचालि, बानिबेहुरा कालाउ प्रेमता कालाउ ख्रिस्टको खाङधुरिता, कालाउ सुद्दता जिबन जियाइतेङ नाअ् एनोङ नमुना जेङ।

1तिमोथि 5:2

ताइमि खान्तेङ बार्का उमेरको बेबालाइहेङ ताइको आमाइ भाइपाङ कालाउ ताइमि खान्तेङ म्हुइका बेजान ओने दोफा चाहि सुद्द मनहोइ ताइकोङ बेजान ओने भाइपाङ ब्यभाहार पासु।

2 तिमोथि 1:14

परमेस्वर पिका सत्ये सिक्स्याहेङ जोगाइतेङ ताअ्सु, कालाउ पबित्तरो आत्मा नासेहेङ इङको सिक्स्या जोगाइतेङ ताअ्लि साघाइयाङ, जेदोङ पबित्तरो आत्मा केलाइ दोफा हिखे।

हिब्रु 11:8

खाङधुरि पाहासो आब्राहाम दोअ्का द्‍याङ परमेस्वर दोङ काइका बेला वाको आग्या केम्हि कालाउ हाने दोअ्का थामे भारि हानिहि, जेदोङ थामे परमेस्वर उत्तराधिकारको रुपता वासेहेङ न्हुसो पिधावा, कालाउ हिसो हानेलि थाहा मानिङसिङ वा ताइको सारभि लाअ्तेङ हानिहि।

हिब्रु 13:1

नेलाइ ख्रिस्टता खान्धुराइ दादा कालाउ बाइ ओनेगेलाइ भाइपा एमिसो-भेनेङहेङ मायारु पातेङ हिसु।

हिब्रु 5:9

परमेस्वर येसुहेङ मल्किसेदेक प्राधान पुजारिको लाहारिपा साम्मान पिहि। कालाउ जेलाउ येसु पुराङ सिद्द जेङहि वाको आग्या किका झाराङको भाअ्सिङ वा आनान्तको मुक्तिको मुलि जेङहि।

हिब्रु 6:10

जेसाङ नेलाइ आसल कामगेलाइ पाका हिसुना कालाउ एला परमेस्वरको मिङता परमेस्वरको द्‍याङगेलाइको भाअ्सिङ प्रेम दोफाङ सेवाको काम पाकाताङ हिसुना, परमेस्वर नेलाइहेङ मानिल्याङ। हाइपालिपानु वा धर्मि हि।

हिब्रु 9:14

या सोचिसु कि सिका भारि चुम्पुका कामगेलाइसो ख्रिस्टको हितिहोइ केलाइको ह्रदयहेङ ते झन हेथे हेन्जा सुद्द बानाइलि दोखे, कालाउकि केलाइ सिन्हुका परमेस्वरको आराधाना पालि द्वाको, हाइपालिपानु आनान्त आत्माको सरबुङ पाहासो ताइमिहेङ केलाइको पापको भाअ्सिङ एमि सिद्द भोगको रुपता परमेस्वरहेङ चाढाइहि।

याकुब 1:21

ओदोङ भाअ्सिङ गोताङ आखेका काथा कालाउ गोताङ दुस्टताहेङ हाताइ, कालाउ नेलाइको हृदयता ताअ्का परमेस्वरको बचन मोनोइतेङ ग्रहन पासु, जाइ दोङ नेलाइको प्रानहेङ आनान्तको दन्डसो बान्चिपालि द्वावा।

याकुब 4:8

परमेस्वरको भेरपाङ लोसु, कालाउ वा नेलाइको भेरपाङ लावा। पापिगेलाइ! ताइको जिबनसो पाप पालि लाअ्पासु। न्हेनोङ मन हिका द्‍याङगेलाइ! नेलाइको हृदय सुद्द पासु।

1पतरुस 1:2

आबा परमेस्वर लाम्फाङ नेलाइहेङ वाको द्‍याङ जेङलि कालाउ पबित्तरो आत्माको काम पाहासो नेलाइहेङ पबित्तरो बानाइलि चुनिलि निर्नय पाका हिघाहि। वा इसिका पाहि कालाउकि नेलाइ येसु ख्रिस्टको आग्या केम्सु कालाउ वाको हिति पाहासो सुद्द जेङलि दोसु। का प्रार्थाना पाखा कि परमेस्वर नेलाइहेङ नुगामारि थेकापा आनुग्रह कालाउ सान्ति प्याको।

1पतरुस 2:17

झाराङ द्‍याङगेलाइहेङ आदार पासु। खान्धुराइ दादा-ओनेगेलाइ कालाउ बाइ-ओनेगेलाइहेङ प्रेम पासु, परमेस्वरसो थिसु राजाको आदार पासु।

1पतरुस 3:1

बे गेलाइ, नेलाइ बुङ ताइको के को आधिनता हिसु, कालाउकि जेसापा इम्बालाइ मध्ये हासु बुङ परमेस्वरको बचनता खाङधुरि पालिसो इन्कार पाखे पानु, नेलाइको ब्यभारहोइ इम्बालाइहेङ हाइ दोङ मादोअ्सिङ बुङ खान्धुराइ बानाइलि इम्बालाइ ख्रिस्टता खाङधुरि पावा, जेलाउ इम्बालाइ नेलाइहेङ सुद्द कालाउ भक्ति ब्यभार तिनावा।

1पतरुस 3:20

इदोइ ते इङको आत्मागेलाइ हिघाहि, जाइ हेन्जाङ सोमोइ लाम्फा परमेस्वरको आग्या माकेम्हि। जेलाउ नुहा ताइको जाहाज बानाइदोङघाहि, कालाउ द्‍याङगेलाइ पक्स्य पात पाङ कि दोअ्तेङ परमेस्वर धर्य पातेङ ह्रुतेङ हिघाहि। कालाउ येए झनाहेङ खिनिङ थिलि गोइका बानेसो बान्चिपाहि।

1पतरुस 3:8

आन्ताता, का नेलाइहेङ या दोअ्लि चाहिखा, कि ए जेङतेङ हिसु, एमिसो भेनेङहेङ सामाराइसु, एनोङ दोङ जाहानको सदस्यगेलाइ भाइपाङ झाराङ एमिसो भेनेङहेङ प्रेम पासु। एमिसो-भेनेङ दोफा दायाका जेङसु, कालाउ एमिसो भेनेङ दोफा मोनोइ जेङसु।

1पतरुस 4:17

हाइपालिपानु परमेस्वरको ताइकोङ जाहान दोफा न्याय सुरु जेङका सोमोइ लोलि दोका हि। जेसापा परमेस्वर लाम्फा केलाइ खाङधुरि पाकालाइको न्याय पाङ, कालाउ वाकोसो लोका सुसमाचार माकिकालाइहेङ हिसिका हि वाला इङको काथाको बारेता सोचेसु।

1पतरुस 4:8

झाराङ खान्तेङ मुलि काथा, एमिसो भेनेङहेङ लिताङसो प्रेम पासु। हाइपालिपानु जेसापा नेलाइ द्‍याङगेलाइहेङ प्रेम पासुन्हा, नेलाइ जेलाउ बुङ इम्बालाइको हिदोइ बुङ पाप पाका काम स्यामा पालि तियार जेङस्वाना।

२ पत्‍रुस 1:7

नेलाइ परमेस्वरहेङ लेङचापाका जिबन जियाइलि खिनिङ माको, कालाउ ताइकोङ जाहानको सदस्य जेसाङ नेलाइ एमिसो-भेनेङ दोफा प्रेम पालि गोइखे। कालाउ झाराङ द्‍याङगेलाइहेङ बुङ प्रेम पालि गोइखे।

१ युहन्‍ना 3:11

नेलाइ लाम्फासोङ हिङका सन्‍देस इदोइ दोङ, कि केलाइ एमिसो-भेनेङहेङ प्रेम पालि गोइखे।

१ युहन्‍ना 3:23

कालाउ परमेस्वरको आग्या इदोइ दोङ हि, कि केलाइ वाको चान येसु ख्रिस्टता खाङधुरि पालि गोइखे, कालाउ वा केलाइहेङ आग्या पिका बमोजिम केलाइ एमिसो-भेनेङहेङ प्रेम पालि गोइखे।

१ युहन्‍ना 4:12

परमेस्वरहेङ हासु बुङ हेलाउ बुङ तिङका मान्थु। जेसापा केलाइ एमिसो-भेनेङहेङ प्रेम पानाहे पानु परमेस्वर केलाइ दोफा ह्यावा, कालाउ वाको प्रेम केलाइता सिद्द जेङका हिखे।

१ युहन्‍ना 4:20

जेसापा हासु बुङ का परमेस्वरहेङ प्रेम पाखा दोअ्खे, कालाउ ताइको खान्धुराइ ओनेहेङ मन्दा माताखे पानु उङको धातुवा हि, हाइपालिपानु ताइमिङ तिङका खान्धुराइ ओनेहेङते प्रेम मापाखे पानु मातिङका परमेस्वरहेङ प्रेम पालि माद्वावा।

१ युहन्‍ना 4:7

आनाउ, केलाइ एमिसो-भेनेङहेङ प्रेम पाइने, हाइपालिपानु प्रेम परमेस्वरसो लोखे जाइ आरुहेङ प्रेम पाखे उङको परमेस्वरको सान्तान दोङ, कालाउ वा परमेस्वरहेङ नाल्खे।

प्रकास 2:4

कालाउ नेलाइको बिरोधता कासेहेङ या गुनासो हि: नेलाइ एला कासेहेङ इन्सिका प्रेम मापा सुखेना जेसाङ नेलाइ लाम्फा प्रेम पाघासुखेना जेलाउ नेलाइ कासेहेङ खाङधुरि पासुना।