1पतरुस 1:21 - Dhimal NT

²¹ हाइपालिपानु ख्रिस्टको पाका कामको कारनहोइ, नेलाइ एला परमेस्वरता खाङधुरि पासुखेना। कालाउ नेलाइ ताइको खाङधुरि कालाउ आस परमेस्वरता ताअ्का हिसुना, हाइपालिपानु वा ख्रिस्टहेङ सिकासो सिन्चाल पाहि कालाउ वासेहेङ बारका महिमा पिहि।

धिमाल

²¹ ख्रिस्‍टसो नेलाइ परमेस्‍वरता खान्‍धुर पासुन्‍हा, जाइ वासेहेङ सिकासो सिन्‍हुपाहि रो वासेहेङ प्रताप पिहि, इदोइभाअ्‌सिङ नेलाइ खान्‍धुर रो आस परमेस्‍वरता ताअ्‌सुखेना।

1पतरुस 1:21 Iomraidhean Croise

मत्‍ति 28:18

कालाउ येसु इम्बालाइ दोफा लोतेङ दोअ्हि, “स्वर्ग कालाउ प्रिथिबिको गोताङ खाबारा कासेहेङ पिका हि।

युहन्‍ना 12:44

येसु जेरहेङ तिराराइका गालाहोइ दोअ्हि, कासेहेङ खाङधुरि पाकालाइ कासेहेङ माको, भरु कासेहेङ दिङगिल्का परमेस्वरहेङ खाङधुरि पाखे।

युहन्‍ना 14:1

येसु चात्यागेलाइहेङ दोअ्हि, नेलाइ दुख मामानिसु। नेलाइ ताइको खाङधुरि परमेस्वरता ताअ्सु कालाउ का ह्रुता बुङ ताअ्सु।

युहन्‍ना 14:6

येसु थोमाहेङ दोअ्हि, दामा, सत्ये, कालाउ जिबन पिका का दोङ हिघा। का बाहेक हासु बुङ आबाकोता हानिलि माद्वाङ।

युहन्‍ना 17:1

येसु इदोइ काथा ताइको चात्यागेलाइहेङ दोअ्लि दोअ्तेङ न्हुसो, येसु आकास भरि म्हाल्तेङ खाङहि कालाउ दोअ्हि, हे आबा, सोमोइ लोलि दोहोइ, का चानहेङ महिमित पाअ्‌, कालाउकि का चान नाङको महिमा पालि द्वाको।

युहन्‍ना 17:24

हे आबा का मन पाखा कि नाअ् कासेहेङ पिका द्‍याङगेलाइ का जेता हिघा काङको दोफा ह्याको, कालाउ नाङको पिका महिमा इम्बालाइ तिङलि द्वाको। जेदोङ महिमा नाअ् दोङ सुमिङ सिर्जाइनालि खान्तेङ लाम्फा कासेहेङ प्रेम पाकानाङ नाअ् कासेहेङ पिका हिघाखेना।

युहन्‍ना 17:5

एला हे आबा, नाअ् दोङ लोकाता काङको महिमा पि, जेदोङ महिमा सुमिङ सिर्जाइनालि खान्तेङ लाम्फाङ नाङको दोफा हिलाउ का दोफा हिघाना।

युहन्‍ना 3:34

हाइपालिपानु जाइहेङ परमेस्वर दिङगिल्हि, वा दोङ परमेस्वरको काथा धुइखे, हाइपालिपानु वासेहेङ परमेस्वर पबित्तरो आत्मा भरि पुर्न पिका हि।

साल्न्हाका चात्या 2:24

जेलाउ येसु सिहि, वा हेन्जा दुख निङचाहि कालाउ परमेस्वर वासेहेङ आरोङ सिन्हु पाहि। परमेस्वरले वासेहेङ सितेङ हिलि मापिहि, हाइपालिपानु वा सिकाको आधिनता हिलि आसम्भब हिघाहि।

साल्न्हाका चात्या 3:13

आब्राहाम, इसाहाक, कालाउ याकुबको परमेस्वर केलाइको पुर्खागेलाइको परमेस्वर दोङ ताइको सेवक येसुहेङ महिमित पाहि। कालाउ इम्बालाइ वासेहेङ सेअ्ताको दोअ्तेङ यहुदि आगुवागेलाइको खुरता सुम्पिपिहि। कालाउ पिलातस येसुहेङ लाअ्पिलि खाङलाउ बुङ नेलाइ मालाअ्पिलि दोअ्सुना।

साल्न्हाका चात्या 3:15

कालाउ जाइ द्‍याङगेलाइहेङ आनान्त जिबन पिखे, नेलाइ वासेहेङ सेअ्सुन्हा वासेहेङ परमेस्वर दोङ सिकासो आरोङ सिन्हु पाहि, केलाइ या काथाको साक्सि हिनाहि।

साल्न्हाका चात्या 4:10

नेलाइ झाराङ कालाउ इस्राएलको गोताङ द्‍याङगेलाइहेङ थाहा जेनाको, कि इदोइ लेङग्रा द्‍याङ नासरतको येसु ख्रिस्टको मिङता एल्का बानाइका हि। जाइहेङ नेलाइ क्रुस्टा तोइका हिघासुन्हा कालाउ परमेस्वर वासेहेङ सिकासो सिन्हु पाहि। नानि या द्‍याङ वाकोङ मिङसो नेलाइको आगाता एल्तेङ जाअ्का हि।

रोमि 10:9

हाइपालिपानु जेसापा नाअ् येसुहेङ प्रभु दोअ्तेङ ताइको नुइहोइ द्‍याङगेलाइको आगाता सुइकार पान्हा, कालाउ परमेस्वर वासेहेङ सिकालाइसो सिन्चाल पाहि दोअ्तेङ ताइको हृदयता खाङधुरि पान्हा पानु परमेस्वर नाङको मुक्ति पावा।

रोमि 4:24

कालाउ केलाइको भाअ्सिङ बुङ हि, परमेस्वर केलाइहेङ बुङ धर्मि बानाइयाङ, जेसापा केलाइ परमेस्वरता खाङधुरि पानाखे, जाइ केलाइको प्रभु येसुहेङ सिकासो सिन्हु पाहि।

2 कोरिन्थि 6:15

ख्रिस्टको कालाउ साइतानको हिदोइ बुङ सोरोकार मान्थुखे, माकुनु एन्साङ दोङ खाङधुरि पाका कालाउ मापाका दोफा हाइ दोङ बानाबोर माजेङखे।

एफिसि 1:15

इदोइ गोताङको कारन जेलाउ का नेलाइको प्रभु येसुता खाङधुरि कालाउ गोताङ परमेस्वरको जनगेलाइको भाअ्सिङ नेलाइको प्रेमको बिसोइता हिङखा,

कलस्सि 1:27

परमेस्वर ताइको द्‍याङगेलाइहेङ इदोइ सम्पति कालाउ महिमामय रहस्यको काथा बाताइलि निर्नय पाहि, जेदोङ वाको दोफा सुमिङको गोताङ द्‍याङगेलाइको भाअ्सिङ हि। कालाउ या रहस्य ख्रिस्ट ताइमिङ हि, वा नेलाइ दोफा हि। जाइ महिमाको भाअ्सिङ केलाइको एमि खिनिङ आस हि।

1तिमोथि 1:1

का पावल इदोइ पात्तारा लेखेदोङखा। का केलाइको मुक्ति दाता परमेस्वर कालाउ येसु ख्रिस्ट जाइता केलाइ आस ताअ्नाखे, का वाको छाल्न्हाका चात्या हिघा।

1तिमोथि 3:16

हिदोइ बुङ साङखा माकोसिङ केलाइ मानिन्हाखे, कि केलाइको खाङधुरिको रहस्य हेन्जाङ माहान हि: ख्रिस्ट एमि द्‍याङको रुपता देखाल जेङहि, वा पबित्तरो आत्मासो परमेस्वरको चान साबित जेङहि, स्वर्गदुतगेलाइ वासेहेङ तिङहि, गोताङ सारभिगेलाइता वाको बारेता सुसमाचार हिङपाहि, सुमिङको गोताङ द्‍याङगेलाइ वाको ह्रुता खाङधुरि पाहि, कालाउ परमेस्वर वासेहेङ महिमाको स्वर्गता चुम्पुहि।

हिब्रु 2:9

कालाउ सत्ये इदोइ दोङ हि कि, आले सोमोइको भाअ्सिङ येसु ख्रिस्ट स्वर्गदुतगेलाइ खान्तेङ आतुइसा म्हुइका जेङपिहि, कालाउ परमेस्वरको आनुग्रहहोइ येसु सुमिङको गोताङ द्‍याङगेलाइको भाअ्सिङ कस्ट भोगिहि कालाउ सिहि। ओदोङ भाअ्सिङ परमेस्वर वासेहेङ महिमा कालाउ आदार पिहि।

हिब्रु 6:1

ओदोङ भाअ्सिङ एला केलाइ ख्रिस्टको बारेता धिरका प्रार्थामिक सिक्स्याहेङ खिनिङ मानितेङ खाङधुरिता परिपक्का बानाइका सिक्स्या भारि लागियाइने, प्रार्थामिक सिक्स्याहेङ एनोङ बार्का जग भाइपा माकिताइने, हाइपालिपानु इङको सिक्स्या ते परमेस्वरता खाङधुरि पाका कालाउ पापमय कामसो पासताइ पापाका को बारेता खिनिङ हि, जाइहोइ सिका भारि चुम्पुखे।

हिब्रु 7:25

ओदोङ भाअ्सिङ येसु पाहासो परमेस्वरको भेरपा लोकालाइहेङ वा जेलाउ बुङ उद्दार पालि द्वाङ, हाइपालिपानु इम्बालाइको भाअ्सिङ मध्येस्ताको प्रार्थाना चढाइलि वा जेलाउ बुङ सिन्हुतेङ हिखे।

1पतरुस 1:11

ख्रिस्टको आत्मा परमेस्वरको बक्तागेलाइ ह्रुता हिघाहि कालाउ इम्बालाहेङ ख्रिस्टको कस्टगेलाइ कालाउ इङको दुखगेलाइ न्हुसो निङका महिमाको बारेता लाम्फाङ दोअ्का हिघाहि। जेदोङ इङको दुख कस्टगेलाइ न्हुसो ल्वाङ, दोअ्काताङ हिघाहि।

1पतरुस 1:3

केलाइको प्रभु येसु ख्रिस्टको आबा कालाउ परमेस्वरको बाखानाइ ज्याको। परमेस्वर केलाइ दोफाको माहान क्रिपा होइ वा केलाइहेङ एनोङ नावा जिबन पिका हि। हाइपालिपानु परमेस्वर येसु ख्रिस्टहेङ सिकासो सिन्चाल पाका हि, वा दोङ केलाइहेङ धुक्कसो बान्चिलि दोका बानाइका हि, इङको दोअ्का वा केलाइहेङ प्रतिग्या पाका काथा निङका पुरा आस पाका हि।

1पतरुस 3:22

कालाउ वा स्वर्गता हानिका हि। वा एला परमेस्वरको दाम्पाहा खुर भारि झाराङ खान्तेङ महत्वय पुर्न थामेता हि, कालाउ वा स्वर्गदुतगेलाइ कालाउ गोताङ आधिकारिगेलाइ कालाउ सरबुङगेलाइ ह्रुता सासन चालाइखे।