1पतरुस 1:19 - Dhimal NT

¹⁹ कालाउ ख्रिस्टको मेनाङ जाङका हितिहोइ, जाइ सुद्द भेडाको भाइका हिघाहि।

धिमाल

¹⁹ कालाउ निखोट रो खोटमान्‍थुका परमेस्‍वरको थुमा ख्रिस्‍टको जाङका हितिहोइ नेलाइ छुटकारा निङका हिसुन्‍हा।

1पतरुस 1:19 Iomraidhean Croise

मत्‍ति 20:28

जेसाङ का द्‍याङको चान, बोगेलाइको सेवा पालि इदोइ सुमिङता लोघा। कालाउ का एसापा लोका माको कि बोगेलाइ दोङ काङको सेवा पाको। का हेन्जाङ झनाहेङ काङको पापसो लाअ्पालि दोअ्तेङ ताइको जिउ पिलि लोका हिघा।

मत्‍ति 26:28

इदोइ काङको आङगुरको रस काङको हिति, काङको हिति परमेस्वर पाहासो वाको द्‍याङगेलाइको भाअ्सिङ नावा बाचा सुरु जेनावा। इदोइ हिति हेन्जाङ द्‍याङगेलाइ ओबालाइको पाप स्यामाको भाअ्सिङ होपावा।

युहन्‍ना 1:29

न्हु दिना युहान्‍ना येसुहेङ ताइकोभारि लोका तिङतेङ दोअ्हि, खाङ, या दोङ ताइमिहेङ बलि पितेङ, सुमिङको पाप तोल्हितेङ चुम्पुका परमेस्वरको थुमा हि!

युहन्‍ना 1:36

युहान्‍ना येसुहेङ हानिकाताङ पाका तिङतेङ दोअ्हि, “खाङ, वा दोङ परमेस्वरको थुमा हि!”

साल्न्हाका चात्या 20:28

नेलाइ ताइको कालाउ ताइको गोताङ हुलको भाअ्सिङ चङख हिसु, पबित्तरो आत्मा नेलाइहेङ मन्डलिको आगुवा बानाइकानाङ हि। वा ताइकोङ हितिहोइ चोल्का परमेस्वरको मन्डलिहेङ नेलाइ सामाराइसु।

रोमि 3:25

परमेस्वर येसु ख्रिस्टहेङ वाको हितिसो पाप स्यामाको भाअ्सिङ बलिदान भाइपाङ पिगिल्हि, कालाउकि येसु ख्रिस्ट ह्रुता खाङधुरि पाकालाइको पाप स्यामा जेनाको, इदोइ काम परमेस्वर ताइको धार्मिकता तिङपालि पाहि, हाइपालिपानु परमेस्वर हानिका सोमोइता ताइको धर्यता तिङपातेङ द्‍याङगेलाइहेङ इम्बालाइको पापको दन्ड मापिहि।

एफिसि 1:7

ख्रिस्ट केलाइको भाअ्सिङ ताइको हिति होपातेङ सिकानाङ केलाइको पाप स्यामा जेङका हि कालाउ केलाइ स्वतन्तरो जेङका हिनाहि। ओह, परमेस्वरको आनुग्रह हेथे माहान हि, जाइ वा केलाइहेङ प्रसस्त पिका हि।

कलस्सि 1:14

वा केलाइहेङ लाअ्पाका हि, कालाउ वा केलाइको पापगेलाइ स्यामा पापिका हि।

1पतरुस 1:2

आबा परमेस्वर लाम्फाङ नेलाइहेङ वाको द्‍याङ जेङलि कालाउ पबित्तरो आत्माको काम पाहासो नेलाइहेङ पबित्तरो बानाइलि चुनिलि निर्नय पाका हिघाहि। वा इसिका पाहि कालाउकि नेलाइ येसु ख्रिस्टको आग्या केम्सु कालाउ वाको हिति पाहासो सुद्द जेङलि दोसु। का प्रार्थाना पाखा कि परमेस्वर नेलाइहेङ नुगामारि थेकापा आनुग्रह कालाउ सान्ति प्याको।

1पतरुस 3:18

का एसा दोअ्खा हाइपालिपानु केलाइको पापको कारन ख्रिस्ट बुङ कस्ट भोगिहि। कालाउ सिहि। वा एखे खिनिङ सिहि कालाउ यासेहेङ आरोङ घुरितेङ सिलि मागोइयाङ। वा एमि धर्मि द्‍याङ हिघाहि, जाइ पापि द्‍याङगेलाइको भाअ्सिङ सिहि कालाउकि वा केलाइहेङ परमेस्वरको भेरपा चुमालि दोका हि। इम्बालाइ वाको जिउ ते सेअ्हि कालाउ वाको आत्मा सिन्हुका हि।

१ युहन्‍ना 1:7

कालाउ जेसाङ परमेस्वर ताइको पबित्तरोता आन्सार जेलाउ बुङ आसाल काम पाखे। एन्साङ जेलाउ केलाइ परमेस्वरको फाइसालामकाहोइ तिङपाका आसल काम पाखे कालाउ केलाइको सङगति एमिसो-भेनेङ दोफा हिखे, कालाउ वाको चान येसुको हितिहोइ केलाइ झाराङहेङ पापसो सुद्द पाखे।

१ युहन्‍ना 2:2

कालाउ केलाइको पापको भाअ्सिङ ख्रिस्ट बलि जेङपिहि, कालाउ केलाइको भाअ्सिङ खिनिङ माको, कालाउ सारा सुमिङको द्‍याङगेलाइको पापको भाअ्सिङ बुङ।

प्रकास 1:5

कालाउ येसु ख्रिस्टसो, जाइ परमेस्वरको सत्येता खाङधुरि योग्यता देखाल पापियाङ। वा दोङ हि जाइ सिका न्हुसो आरोङ सिन्हु पाहि, कालाउ वा इदोइ सुमिङको गोताङ राजागेलाइको सासक हि। कालाउ येसु ख्रिस्ट केलाइहेङ मायारु पाखे कालाउ वाको हितिहोइ केलाइहेङ केलाइको पापगेलाइसो बान्चिपाखे। वा केलाइहेङ एनोङ जाति बानाइहि जाइ दोफा परमेस्वर ओबालाइको राजाको रुपता हिका हि। कालाउ वा केलाइहेङ वाको आबा परमेस्वरको भाअ्सिङ पुजारिगेलाइ बानाइहि। वा दोङ जेलाउलाउको भाअ्सिङ साम्मान कालाउ खाबारा गोताङ सोमोइ निङलि गोयाङ। आमेन।

प्रकास 14:1

कालाउ न्हुसो का आरोङ स्वर्गदुतहेङ थुमाको सियोनको तिकारता जाअ्तेङ हिका तिङघा। वाको दोफाङ वाको ए लाख न्हे कुरि द्‍या हाजार द्‍याङगेलाइ हिघाहि। इम्बालाइको कापालता थुमाको कालाउ वाको आबाको मिङ लेखेका हिघाहि।

प्रकास 14:5

इम्बालाइ हेलाउ बुङ माधाताइहि कालाउ इम्बालाइ दुसिन्हाका मान्थु।

प्रकास 5:6

जेलाउ का सिङहासनको भेर्पा एनोङ थुमाहेङ द्‍यालोङ हुसि हिका प्रानिगेलाइ कालाउ ए कुरि द्‍यामि आगुवागेलाइको माझाता जाअ्तेङ हिका तिङघा। थुमाको जिउता भोगको चिन्हागेलाइ हिघाहि। वाको न्हि लोङ दाङगेलाइ कालाउ न्हि लोङ मिसियाँगेलाइ हिघाहि, जेदोङ परमेस्वरको न्हि लोङ आत्मागेलाइ हि, जाइहेङ गोताङ प्रिथिबिता पिगिल्का हिघाहि।

प्रकास 5:9

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।

प्रकास 7:14

कालाउ का वासेहेङ दोअ्घा, “कासेहेङ थाहा मान्थु भरु नेउ, नासेहेङ दोङ थाहा हि।” वा कासेहेङ दोअ्हि, “इदोइ द्‍याङगेलाइ हि जाइ दुख भोगिका हि। इम्बालाइ ताइको धाबा थुमाको हितिता झाअ्हि कालाउ जे:का जेङहि, याको मतलब हि कि इम्बालाइको पाप लाअ्पाका हि।