1पतरुस 1:11 - Dhimal NT

¹¹ ख्रिस्टको आत्मा परमेस्वरको बक्तागेलाइ ह्रुता हिघाहि कालाउ इम्बालाहेङ ख्रिस्टको कस्टगेलाइ कालाउ इङको दुखगेलाइ न्हुसो निङका महिमाको बारेता लाम्फाङ दोअ्का हिघाहि। जेदोङ इङको दुख कस्टगेलाइ न्हुसो ल्वाङ, दोअ्काताङ हिघाहि।

धिमाल

¹¹ आगाधुइकालाइ इङको हेसापा रो हेअ्‌लाउ ज्‍याङ दोअ्‌तेङ गेलि भोहि। कालाउ ख्रिस्‍टको पुनित हाङसा एम्‍बालाइहेङ वा तु: भोगेलि गोयाङ रो इङकोन्‍हुअ्‌सो बाराका मान निनावा दोअ्‌तेङ लाम्‍फा दोङ दोअ्‌पिका हिघाहि।

1पतरुस 1:11 Iomraidhean Croise

मत्‍ति 26:24

हाइपालिपानु का द्‍याङको चानको भाअ्सिङ लेखेका हि, द्‍याङको चान धर्मसास्तरता लेखेका भाइपाङ सिलि गोयाङ कालाउ उङकोहेङ धिक्कार हि। जाइ द्‍याङको चानहेङ धोका पितेङ रिम्पावा, वाकोते जोलोम जेङका खान्तेङते माजेङका रेम्का जेङधाङ।

लुका 24:44

कालाउ येसु ओबालाइहेङ दोअ्हि, जेलाउ का नेलाइ दोफा हिघाखा का हाइ दोअ्घा इङको फोम पासु। का दोअ्घा, मोसाको व्यवस्थाता, परमेस्वरको बक्तागेलाइको पुस्तकता कालाउ भजन सङग्रहता काङको बिसोइता लेखेका गोताङ काथा पुरा जेनाको।

युहन्‍ना 12:41

यासाइया परमेस्वरको बक्ता इदोइ काथा वाको बिसोइता दोअ्हि, हाइपालिपानु वा येसुको महिमा सोमोइ खान्तेङ लाम्फा तिङका हिघाहि।

साल्न्हाका चात्या 16:7

पावल कालाउ तिमोथि माइसिया प्रदेसको सिमानाता लोतेङ न्हुसो, इम्बालाइ बिथिनिया प्रदेसता हानिलि बिचार पाहि। कालाउ येसुको आत्मा इम्बालाइहेङ इन्सो हानिलि मापिहि।

रोमि 8:9

जेसापा साचिकोङ नेलाइ दोफा पबित्तरो आत्मा हिखे पानु, नेलाइ ताइको पापमय स्वभाबको आधिनता माको, भरु पबित्तरो आत्माको आधिनता हिस्वाना। कालाउ हिदोइ बुङ द्‍याङता ख्रिस्टको आत्मा मान्थुहि पानुते वा ख्रिस्टको मिधुलाउ बुङ माको।

गलाति 4:6

हाइपालिपानु केलाइ वाको सान्तान हिनाहि, परमेस्वर ताइको चानको आत्मा केलाइको ह्रदयता दिङगिल्पिहि, जाइ “हे आबा” दोअ्तेङ दोअ्खे।

२ पत्‍रुस 1:21

हाइपालिपानु बक्तागेलाइ ताइमिङ हेलाउ बुङ हाइ दोङ माधुइहि, हाइपालिपानु आरु हासु बुङ नेलाइको नुइ धुइका चाहिघाखे। भरु पबित्तरो आत्मा नेलाइको बिचारहेङ काबुता ताअ्हि कालाउ इम्बालाइहेङ वा गोइका परमेस्वरको बचन धुइका बानाइहि।

प्रकास 19:10

जेलाउ का इदोइ हिङघा, काङको दोफा काथा पातेङ हिघाहि का वाको आगाता तुघुरघा, हाइपालिपानु का वाको आराधाना पालि हानिदोङघाखा। कालाउ वा कासेहेङ दोअ्हि, “काङको आराधाना मापासु। नाअ् सिरिप परमेस्वरको आराधाना पालि गोइखे। हाइपालिपानु, का बुङ नाङको कालाउ नाङको दोफा खान्धुराइ पाका सेवक हिघा। नेलाइ झाराङ भाइपा का बुङ इदोइ वा हृुता सुइकार पाका हिघा कि येसु दोङ प्रभु हि। हाइपालिपानु इङको पबित्तरो आत्मा दोङ हि जाइ परमेस्वरको द्‍याङगेलाइ येसुहेङ देखाल पाका सत्ये काथाको घोसाना पालिको भाअ्सिङ साघाइखे।”