1पतरुस 1:10 - Dhimal NT

¹⁰ इदोइ मुक्तिको बारेता परमेस्वरको बक्तागेलाइ आझाइ हेन्जा गिलि भोघाखे। इम्बालाइ आगमबानि पाहि कि परमेस्वर नेलाइहेङ बान्चिपालिको भाअ्सिङ नेलाइको पक्स्यता हेसा दायाका ब्यभार पावा, जाइको नेलाइ योग्यको मान्थु घासुखेना। इम्बालाइ उत्तारा निङलिको भाअ्सिङ ध्यान पितेङ आध्यान पाहि।

धिमाल

¹⁰ इदोइ छुटकाराको बारेता आगाधुइकालाइ भोहि कालाउ परमेस्‍वर नेलाइहेङ पिका छुटकाराको बारेता लाम्‍फासोङ दोअ्‌का हिघाहि।

1पतरुस 1:10 Iomraidhean Croise

मत्‍ति 13:17

जातिङ भारि, का नेलाइहेङ दोअ्खा, नेलाइ तिङका काथा हेन्जाङ परमेस्वरको बक्तागेलाइ, कालाउ धर्मिगेलाइ खाङलि मन पाघाखे, कालाउ बुङ मातिङहि, कालाउ इम्बालाइ हिङका काथा हिङलि खाङघाखे, कालाउ बुङ माहिङहि।

मत्‍ति 26:24

हाइपालिपानु का द्‍याङको चानको भाअ्सिङ लेखेका हि, द्‍याङको चान धर्मसास्तरता लेखेका भाइपाङ सिलि गोयाङ कालाउ उङकोहेङ धिक्कार हि। जाइ द्‍याङको चानहेङ धोका पितेङ रिम्पावा, वाकोते जोलोम जेङका खान्तेङते माजेङका रेम्का जेङधाङ।

लुका 10:24

हाइपालिपानु का नेलाइहेङ दोअ्खा, नेलाइ तिङका काथा हेन्जाङ परमेस्वरको बक्तागेलाइ, कालाउ राजागेलाइ खाङलि मन पाघाखे, कालाउ बुङ मातिङहि, कालाउ इम्बालाइ हिङका काथा हिङलि खाङघाखे, कालाउ बुङ माहिङहि।

लुका 24:44

कालाउ येसु ओबालाइहेङ दोअ्हि, जेलाउ का नेलाइ दोफा हिघाखा का हाइ दोअ्घा इङको फोम पासु। का दोअ्घा, मोसाको व्यवस्थाता, परमेस्वरको बक्तागेलाइको पुस्तकता कालाउ भजन सङग्रहता काङको बिसोइता लेखेका गोताङ काथा पुरा जेनाको।

युहन्‍ना 5:39

नेलाइ धर्मसास्तरता ध्यान पातेङ आध्यान पासुखेना, हाइपालिपानु इन्ता आनान्त जिबन निनाङबे दोअ्तेङ, नेलाइ मानिसुखेना। काङको बिसोइता धर्मसास्तर दोङ साक्सि पिखे।

युहन्‍ना 7:52

इम्बालाइ वासेहेङ उत्तारा पिहि, हाइ नाअ् बुङ गालिल जिल्लाको दोङ? धर्मसास्तर भोतेङ खाङसु, कालाउ नाअ् थाहा ग्याना कि गालिल जिल्लासो हिदोइ बुङ परमेस्वरको बक्ता मालोवाङ।

साल्न्हाका चात्या 10:43

गोताङ परमेस्वरको बक्तागेलाइ येसुको साक्सि पिका हि, कि ख्रिस्ट क्रुस्टता जेदोङ पाहि वाको ह्रुता खाङधुरि पाका झाराङ वाको मिङसो पापको स्यामा निनावा।”

साल्न्हाका चात्या 17:11

इताको यहुदिगेलाइ थेसलोनिकि सहरको द्‍याङगेलाइ खान्तेङ हेन्जा आसल हिघाहि। हाइपालिपानु इम्बालाइ मेनाङ चासो पातेङ पावल कालाउ सिलासको दोअ्का बचन हिङतेङ हिघाहि। कालाउ इङको काथागेलाइ ठिक हि कि मान्थु दोअ्तेङ दिनाङ-दिनाङ धर्मसास्तर पढेतेङ जाचिघाखे।

साल्न्हाका चात्या 28:23

उङको यहुदिगेलाइ पावलको भाअ्सिङ एनोङ दिना साल्हि, इङको दिना हेन्जा द्‍याङगेलाइ पावलहेङ देराता भेतिहि। कालाउ पावल इम्बालाइहेङ ह्रिमासो बेलापा थेकापा परमेस्वरको सासनको बिसोइता कालाउ मोसाको व्यवस्था कालाउ परमेस्वरको बक्तागेलाइ लेखेका कितापगेलाइसो बुझि पाहि। कालाउ इम्बालाइहेङ येसुको खाङधुरिता चुमालि कोसिस पाहि।

साल्न्हाका चात्या 7:52

नेलाइको पुर्खागेलाइ गोताङ परमेस्वरको बक्तागेलाइहेङ साताइहि, कालाउ ख्रिस्ट जाइ धर्मि हि दोअ्तेङ बानाल हिङपाका परमेस्वरको बक्तागेलाइहेङ सुधाङ इम्बालाइ सेअ्हि। कालाउ जेलाउ ख्रिस्ट लोहि वासेहेङ बुङ धोका पितेङ नेलाइ सेअ्सुन्हा।

हिब्रु 11:13

इदोइ गोताङ परमेस्वरता खाङधुरि पाका द्‍याङगेलाइ परमेस्वरको प्रतिग्या पाका काथा मानिङतेङ सिहि, कालाउ इम्बालाइ परमेस्वरको भबिस्यता पाका कामगेलाइ बुझितेङ खुसि जेङहि, कालाउ इम्बालाइ या बुङ बुझिहि कि, इम्बालाइ इदोइ प्रिथिबिता परदेसि कालाउ सरनार्थि खिनिङ हिघाहि।

हिब्रु 11:40

हाइपालिपानु परमेस्वर दोफा इम्बालाइको भाअ्सिङ खिनिङ माको, भरु केलाइको भाअ्सिङ बुङ झन रेम्का योजाना हि, परमेस्वर इम्बालाइहेङ केलाइ दोफा खिनिङ सिद्द बानाइलि चाहिखे।

1पतरुस 1:11

ख्रिस्टको आत्मा परमेस्वरको बक्तागेलाइ ह्रुता हिघाहि कालाउ इम्बालाहेङ ख्रिस्टको कस्टगेलाइ कालाउ इङको दुखगेलाइ न्हुसो निङका महिमाको बारेता लाम्फाङ दोअ्का हिघाहि। जेदोङ इङको दुख कस्टगेलाइ न्हुसो ल्वाङ, दोअ्काताङ हिघाहि।

1पतरुस 1:13

ओदोङ भाअ्सिङ, नेलाइ हाइ पादोङ सुखेना दोअ्का बारे रेम्फा सोचिसु कालाउ आत्माहेङ तहता ताअ्सु मुक्ति निङका आस पासु, जेदोङ आनुग्रहसो लोखे, जाइ नेलाइहेङ येसु ख्रिस्ट इदोइ सुमिङता धुरितेङ लोका दिनाता प्यावा।