1पतरुस 1:1 - Dhimal NT

¹ इदोइ पात्तारा येसु ख्रिस्टको साल्न्हाका चात्या पतरुससो हि। या पात्तारा परमेस्वरको चुनिका द्‍याङगेलाइको भाअ्सिङ लेखेका हि, जाइ परदेसि भाइपाङ जेङतेङ पोनट्स राइजि, गलातिया इलाका, कापाडोकिया, एसिया प्रदेस कालाउ बिथिनिया प्रदेसको भेनेङ-भेनेङ सहरगेलाइता हिखे।

धिमाल

¹ का इसु ख्रिस्‍टको साल्‍तेङ दिङगिल्‍का पत्‍रुससोः पोन्‍टस, गलातिया, कापाडोकिया, एसिया रो बिथिनिया माउजाता बोमुलुकि हानेतेङ राइन्‍हातेङ हिका परमेस्‍वरको साल्‍का वाको जनगेलाइहेङ इदोइ चिथि लेखेदोङखा।

1पतरुस 1:1 Iomraidhean Croise

मत्‍ति 10:2

कालाउ उङको तेन्हे साल्न्हाका चात्यागेलाइको मिङ एसा पाहि सिमोन जाइहेङ पतरुस बुङ दोअ्खे, कालाउ वाको दादा आन्द्रियास, जब्दियाको न्हेमि चानगेलाइ याकुब कालाउ युहान्‍ना,

मत्‍ति 24:22

परमेस्वर इङको माहा कस्ट कालाउ दुखको दिना आसा पोतो पाका हि जेसापा वा मापोतो पानु कालाउ बढेपानु हिदोइ बुङ द्‍याङ बान्चिलि मादोधाङ, कालाउ बुङ ताइको साल्कालाइको भाअ्सिङ इङको दिना पोतो पावा।

मत्‍ति 4:18

गालिल समुन्द्रको आलि-आलि हानिकाताङ पालाउ वा पतरुस दोअ्का सिमोन कालाउ वाको ओने आन्द्रियास, न्हेमि दादा ओने दोङ समुन्द्रता जाले आकाताङ पाका तिङहि। इम्बालाइ हाया माङकालाइ हिघाहि।

लुका 18:7

कालाउ परमेस्वर ताइको साल्का द्‍याङगेलाइहेङ जाइ झेम्पाङ-लिपाङ वाको आगाता न्याय निनाङकाबे दोअ्तेङ खार्खे, परमेस्वर वासेहेङ साघाइलि माबेलोम्खे।

युहन्‍ना 11:52

कालाउ इस्राएललिगेलाइको भाअ्सिङ खिनिङ माको कालाउ इदोइ सुमिङता आउलि गिल्का परमेस्वरको आरु सान्तानगेलाइहेङ ए दोफाङ जोम्पालि येसु सियाङ दोअ्का हिघाहि।

युहन्‍ना 7:35

कालाउ यहुदि आगुवागेलाइ ता-ताइमिता दोअ्हि, “वा हिसो हानिलि तोम्हि, कालाउ केलाइ वासेहेङ मादुसुताङ? जेङलि दोअ्, वा ग्रिक सहरगेलाइता जोसो-ओसोङ हिका यहुदिगेलाइकोता हानितेङ सिक्स्या पिहि।

साल्न्हाका चात्या 18:2

वा इन्ता आकिलास मिङ हिका एमि यहुदिहेङ दुसुहि, आकिलास पोनट्स दोअ्का प्रदेसता जोलोम जेङका हिघाहि, वा ताइको बे प्रिस्किला दोफा इटालि सारभिसो लोका हिघाहि। हाइपालिपानु साम्रात क्लौदियस गोताङ यहुदिगेलाइहेङ रोमसो ओल्लेतेङ हानिलि आदेस पाका हिघाहि। ओदोङ भाअ्सिङ पावल इम्बालाइहेङ भेतिलि कोरिन्थि सहरता हानिहि।

साल्न्हाका चात्या 18:23

पावल एन्टिओक सहरता आले सोमोइ थेकापा हि, कालाउ न्हुसो इन्तासो वा गलातिया इलाका कालाउ फ्रिगिया प्रदेस जेङतेङ गोताङ चात्यागेलाइहेङ हाउसाइ पातेङ भेनेङ-भेनेङ थामेगेलाइता हानिहि।

साल्न्हाका चात्या 19:10

पावल इसिका काम न्हे बासार थेकापा पाहि, इता थेकापा कि, एसिया प्रदेसता हिकालाइ, यहुदि कालाउ ग्रिकगेलाइ न्हेमिङ दोङ प्रभुको बचन हिङहि।

साल्न्हाका चात्या 6:9

कालाउ हेथेते द्‍याङगेलाइ चाहि वाको बिरोध पालि तेङहि। इम्बालाइ यहुदिगेलाइको चाउघारा साअ्को स्वतन्तरो दोअ्का दलको द्‍याङगेलाइ कालाउ उङको यहुदिगेलाइ कुरेनि कालाउ आलेकजेन्द्रिया सहरगेलाइ कालाउ किलिकिया कालाउ एसिया प्रदेसगेलाइसो बुङ हिघाहि। इम्बालाइ झाराङ मिलितेङ स्तिफन दोफा बहस पाहि।

साल्न्हाका चात्या 8:4

कालाउ आउलिगिल्तेङ हिका खान्धुराइगेलाइ द्‍यापाहाङ हानितेङ प्रभुको बचन द्‍याङगेलाइहेङ हिङपाहि।

1 कोरिन्थि 16:19

एसिया प्रदेसको मन्डलिको खान्धुराइगेलाइ नेलाइहेङ सेउपाखा पिगिल्का हि। आकिलास कालाउ वाको बे प्रिस्किला कालाउ इम्बालाइको साअ्ता जोम्का मन्डलि नेलाइहेङ प्रभुता हार्दिक सेउपाखा पिगिल्का हि।

2 कोरिन्थि 1:8

खान्धुराइ ओनेगेलाइ, केलाइ एसिया प्रदेसता भोगिका दुखको बिसोइता नेलाइहेङ थाहा जेनाको दोअ्तेङ का इच्छा पाखा। हाइपालिपानु केलाइ ओसारापा हेन्जा ल्हिकाहोइ दुबिका हिघान्हाहि, कि इङको ल्हिका केलाइको सहिलि मादोका सरबुङ खाङतेङ बुङ बाहार हिघाहि, इता थेकापा कि केलाइ बान्चियाङ दोका गोताङ आस बुङ लाअ्का हिघान्हाहि।

गलाति 1:2

का या पात्तारा का दोफा हिका झाराङ खान्धुराइ ओनेगेलाइसो गलातिया इलाकाता हिका खान्धुराइगेलाइको समुहहेङ लेखेदोङखा।

एफिसि 2:12

नेलाइ परमेस्वर दोङ यहुदि द्‍याङगेलाइहेङ प्रतिग्या पाका काथाता बुङ सहभागि माजेङसुन्हा। फोम ताअ्सु, हानिका दिनागेलाइता नेलाइ ख्रिस्टहेङ नाल्का मान्थु घासुखेना, कालाउ नेलाइ परमेस्वरको चुनिका इस्राएलको द्‍याङगेलाइको रुपता मान्थु घासुखेना। कालाउ परमेस्वर प्रतिग्या पाका बाचाता नेलाइको हिदोइ बुङ थामे मान्थुघाखे। कालाउ नेलाइ इदोइ सुमिङता आस माकोसिङको कालाउ परमेस्वर बिनाको हिघासुखेना।

एफिसि 2:19

ओदोङ भाअ्सिङ नाअ् गैर-यहुदिगेलाइ एला नेलाइ परदेसि कालाउ प्रबासि माको, भरु परमेस्वरको पबित्तरो जनगेलाइ दोफाङ परमेस्वरको सदस्यगेलाइ जेङका हिसुना।

2 तिमोथि 1:15

नासेहेङ थाहा हि, कि एसिया प्रदेसता हिका हेन्जा जोसो खान्धुराइगेलाइ कासेहेङ लाअ्का हि, कालाउ इङको मध्ये फुगेलस कालाउ हर्मोगेनस हि।

हिब्रु 11:13

इदोइ गोताङ परमेस्वरता खाङधुरि पाका द्‍याङगेलाइ परमेस्वरको प्रतिग्या पाका काथा मानिङतेङ सिहि, कालाउ इम्बालाइ परमेस्वरको भबिस्यता पाका कामगेलाइ बुझितेङ खुसि जेङहि, कालाउ इम्बालाइ या बुङ बुझिहि कि, इम्बालाइ इदोइ प्रिथिबिता परदेसि कालाउ सरनार्थि खिनिङ हिघाहि।

याकुब 1:1

का याकुब परमेस्वर कालाउ प्रभु येसु ख्रिस्टको बान्धाइति इदोइ पात्तारा इस्राएल सारभिको तेन्हे कुलहेङ लेखेदोङखा, जाइ सारभिगेलाइ भरि चार-बिराइतेङ हिका उङको झाराङहेङ का सेउपाखा।

1पतरुस 2:11

आनाउ सानाइतिगेलाइ, नेलाइ इदोइ सुमिङता बिदेसिगेलाइ कालाउ प्रबासिगेलाइ भाइपाङ हिसुना। का नेलाइहेङ बिन्ति पाखा कि इङको गोताङ दुस्ट जिउको इच्छागेलाइसो दुरे हिसु, हाइपालिपानु इसिका लान्सागेलाइ जेलाउ बुङ नेलाइको आत्मा दोफा जुधेखे।

२ पत्‍रुस 1:1

का, सिमोन पतरुस नेलाइहेङ लेखेदोङखा, का येसु ख्रिस्टको सेवक कालाउ छाल्न्हाका चात्या हिघा। का नेलाइ झाराङहेङ लेखेदोङखा, जाइ केलाइ झाराङको ओदोङ झोको आनमोल खाङधुरि निङका हि, इदोइ खाङधुरि केलाइको परमेस्वर कालाउ मुक्ति दाता येसु ख्रिस्ट पाहासो केलाइहेङ पिका हि, जाइ केलाइहेङ परमेस्वर दोफा धर्मि बानाइखे।

प्रकास 1:11

इङको गालाहोइ एसा दोअ्हि, “नाअ् जेदोङ तिङखेना इङको एनोङ कितापता लेखे, कालाउ इङकोहेङ न्हि लोङ दोङ मन्डलिगेलाइहेङ दिङगिल्सु, जेदोङ चाहि एफिसस सहर, स्मुरना सहर, परगाम सहर, थिआटिरा सहर, सार्दिस सहर, फिलाडेलफिया सहर कालाउ लाउडिकिया सहर हि।”