१ युहन्‍ना 5:9 - Dhimal NT

⁹ केलाइ द्‍याङको साक्सि किनाखे पानुते परमेस्वरको साक्सि झन बार्का हि। हाइपालिपानु इदोइ दोङ परमेस्वरको साक्सि हि, जेदोङ साक्सि वा ताइको चानको बिसोइता पिका हि।

धिमाल

⁹ द्‍याङको पिका दासिता केलाइ खान्‍धुर पान्‍हाखे पानु परमेस्‍वरको दासि झन पाकाङ हि। हाइदोनु परमेस्‍वर दोङ ताइको चानको बारेता दासि पिका हि।

१ युहन्‍ना 5:9 Iomraidhean Croise

मत्‍ति 17:5

जेलाउ पतरुस काथा पाकाताङ हिघाहि, एन्सालाउ दोङ ह्रिवापा एनोङ फाइसालामका बादेलहोइ इम्बालाइहेङ थुम्हि। बादेल लितासो परमेस्वर नुइ धुइलि तेङहि, “वा काङको मायारु चान, वा दोफा का लेङचाका हिघा वाको दोअ्का काथाता मन पिसु।”

युहन्‍ना 10:38

कालाउ जेसापा का आबाको काम पाखा कालाउ बुङ नेलाइ कासेहेङ खाङधुरि मापासुन्हा पानु इदोइ कामगेलाइ ह्रुता खाङधुरि पासु, कालाउ नेलाइ थाहा निङलि दोस्वाना कालाउ बुझिस्वाना, कि आबा काङकोता हि, कालाउ का आबा दोफा हिघा।

युहन्‍ना 5:39

नेलाइ धर्मसास्तरता ध्यान पातेङ आध्यान पासुखेना, हाइपालिपानु इन्ता आनान्त जिबन निनाङबे दोअ्तेङ, नेलाइ मानिसुखेना। काङको बिसोइता धर्मसास्तर दोङ साक्सि पिखे।

साल्न्हाका चात्या 17:31

हाइपालिपानु परमेस्वर सुमिङको सारा द्‍याङगेलाइहेङ ठिक दोफा न्याय पाका दिना तोकि पिका हि। याको भाअ्सिङ वा एमि द्‍याङहेङ चुनिका हि। जाइसो सुमिङको न्याय जेनाङ। वासेहेङ सिकासो सिन्हु पातेङ परमेस्वर गोताङ द्‍याङगेलाइहेङ इङको को प्रमान पिका हि।

साल्न्हाका चात्या 5:32

केलाइ इदोइ गोताङ काथाको साक्सि हिनाहि, कालाउ एन्साङ पातेङ पबित्तरो आत्मा बुङ जाइहेङ परमेस्वर ताइको आग्या केम्कालाइहेङ पिका हि।”

हिब्रु 2:4

कालाउ परमेस्वर ताइको इच्छा आन्सार इदोइ सन्देसहेङ चिन्हागेलाइ कालाउ आचाम्माको कामगेलाइ पाहासो कालाउ हेन्जाङ खाल-खाल्को सरबुङसाइका कामगेलाइ पातेङ कालाउ पबित्तरो आत्माको बरदानगेलाइ पितेङ सत्ये साबित पाहि।

हिब्रु 6:18

कालाउ इदोइ न्हेनोङ काथागेलाइ हि: वाको प्रतिग्या कालाउ वाको केरा चाका, जाइ हेलाउ बुङ फेरिलि मादोअ्खे, हाइपालिपानु परमेस्वर हेलाउ बुङ धाताइलि माद्वाङ। ओदोङ भाअ्सिङ जाइ केलाइ परमेस्वरको भेरपा सुरुक्सिया निङलिको भाअ्सिङ लोका हिन्हाहि, कालाउ जेदोङ आस वा केलाइहेङ पिका हि, इङकोहेङ हेन्जाङ साहाससोङ थामितेङ ताअ्का हिनाहि।

१ युहन्‍ना 5:10

जाइ परमेस्वरको चान येसु ह्रुता खाङधुरि पाखे, वाको हृदयता इङको काथाको साक्सि हिखे। परमेस्वरता खाङधुरि मापाका परमेस्वरहेङ धातुवा बानाइका हिखे, हाइपालिपानु परमेस्वर ताइको चानको बिसोइता पिका साक्सिता वा खाङधुरि पाका मान्थुखे।

१ युहन्‍ना 5:8

केलाइ येसु ख्रिस्टको बारेता सत्ये काथा गिनाखे, हाइपालिपानु पबित्तरो आत्मा दोङ केलाइहेङ दोअ्खे, कालाउ येसु युहान्‍ना पाहासो बप्तिस्ता ह्रुहि कालाउ वा सिहि कालाउ ताइको हिति क्रुस्टता होपाहि। कालाउ इदोइ सुमनोङ काथागेलाइ एनोङ काथाको साक्सि पिखे।