१ युहन्‍ना 5:2 - Dhimal NT

² जेलाउ केलाइ परमेस्वरहेङ प्रेम पानाखे कालाउ वाको आग्यागेलाइ केम्न्हाखे, इदोइ पाहासो थाहा निङनाखे, कि केलाइ परमेस्वरको जामालहेङ प्रेम पानाखे।

धिमाल

² केलाइ परमेस्‍वरहेङ माया पान्‍हाखे रो वाको हुकुमगेलाइ मानेन्‍हाखे पानु वाको जाहानहेङ माया पान्‍हाखे दोअ्‌तेङ केलाइ गेन्‍हाखे।

१ युहन्‍ना 5:2 Iomraidhean Croise

युहन्‍ना 15:17

का नेलाइहेङ इदोइ आग्या पिखा, कि नेलाइ एमिसो भेनेङहेङ प्रेम पासु।

१ युहन्‍ना 2:3

जेसापा केलाइ परमेस्वरको आग्यागेलाइ केम्न्हाहि पानु एसा पासोङ केलाइ थाहा गिलि द्वाङ, कि केलाइ वासेहेङ नाल्नाखे।

१ युहन्‍ना 2:5

कालाउ जाइ परमेस्वरको बचन केम्खे, वाकोता परमेस्वरको प्रेम जातिङकोङ सिद्द जेङका हिखे। केलाइ परमेस्वर दोफा ए जेङतेङ हिनाहि दोअ्का काथा इदोइसोङ निस्चित जेङन्हाखे।

१ युहन्‍ना 3:14

केलाइ गिनाखे, कि केलाइ सिकाको सरबुङसो स्वतन्तरो जेङका हिनाहि कालाउ एला केलाइ दोफा आनान्तको जिबन हि। हाइपालिपानु केलाइ आरु खान्धुराइगेलाइहेङ प्रेम पानाखे, जाइ प्रेम मापाखे वा सिकाको सरबुङको आधिनता हिखे।

१ युहन्‍ना 4:21

केलाइ वाकोसो इदोइ आग्या निङका हिनाहि, कि जाइ परमेस्वरहेङ प्रेम पाखे वा ताइको खान्धुराइ ओनेहेङ बुङ प्रेम पालि गोइखे।