१ युहन्‍ना 5:16 - Dhimal NT

¹⁶ जेसापा हासु बुङ ताइको खान्धुराइ ओने पाप पाका तिङखे, कालाउ इङको पाप चाहि आत्मिक सिकाता माचुम्पुखे पानु, वा उङको ओनेको भाअ्सिङ परमेस्वर दोफा प्रार्थाना पापिलि गोइखे, कालाउ जाइको पाप सिकाता चुम्पुका खाल्को मान्थु, वासेहेङ परमेस्वर जिबन पिखे। कालाउ इसिका पाप बुङ हिखे, जेदोङ आत्मिक सिकाता चुम्पुखे, जाइको भाअ्सिङ हासु बुङ बिन्ति पालि गोयाङ दोअ्तेङ का माअ्दोताङका।

धिमाल

¹⁶ एदि हासुङ ताइको दादाओने बाइओने कुकरम पाका तिङखे, कालाउ इङको कुकरमचाहिँ सिकाता थुकापाका माको पानु, वा इङको दादाओने बाइओनेको भाअ्‌सिङ परमेस्‍वरदोफा पुकार पाप्‍याको। कालाउ इङकोहेङ परमेस्‍वर ज्‍यान प्‍यावा। कालाउ इसिका कुकरम बुङ हिखे, जाइ सिकाता थुकापाका हिखे, जाइको भाअ्‌सिङ हासुङ पुकार पापिलिगोयाङ दोअ्‌तेङ का मादोअ्‌ताङका।

१ युहन्‍ना 5:16 Iomraidhean Croise

लुका 12:10

जेसापा हासु बुङ का द्‍याङको चानको बिरोधता काथा पाहे पानु वासेहेङ स्यामा जेनावा, कालाउ हिदोइ बुङ द्‍याङ पबित्तरो आत्माको बिरोधता मन्दा माताकालाइहेङ मिधुलाउ बुङ स्यामा माजेनाङ।

युहन्‍ना 17:9

इम्बालाइको भाअ्सिङ का प्रार्थाना पाखा, कालाउ सुमिङको सामान्दा ताअ्का द्‍याङको भाअ्सिङ का प्रार्थाना मापाङका। भरु इम्बालाइको भाअ्सिङ, जाइहेङ नाअ् कासेहेङ पिका हिना। हाइपालिपानु इम्बालाइ नाङको दोङ हि।

2 तिमोथि 4:14

चिरको काम पाका आलेकज्यानडर कासेहेङ हेन्जा पोल्ति चित्ता तुपापिका हि। प्रभु वासेहेङ वाको मारेम्का काम आन्सार बद्ला ह्रुकावा।

१ युहन्‍ना 5:17

गोताङ खाराब काम चाहि पाप हि, कालाउ इसिका पाप बुङ हिखे जेदोङ आत्मिक सिकाता माचुम्पुखे।