१ युहन्‍ना 5:11 - Dhimal NT

¹¹ साक्सि चाहि इदोइ दोङ हि, कि परमेस्वर केलाइहेङ आनान्त जिबन पिका हि कालाउ इदोइ आनान्त जिबन वा केलाइहेङ वाको चान येसु पाहासो पिहि।

धिमाल

¹¹ परमेस्‍वरको पिका दासि इदोइ एइ, वा केलाइहेङ असिम ज्‍यान पिहि। कालाउ इदोइ असिम ज्‍यान वाको चानता हि।

१ युहन्‍ना 5:11 Iomraidhean Croise

मत्‍ति 25:46

जेलाउ आधार्मिगेलाइ जाइ काङको केपाहा योम्का हि इम्बालाइ आनान्तको दन्ड निनावा, कालाउ जाइ धर्मिगेलाइ काङको दाम्पाहा योम्का हि इम्बालाइ आनान्त जिबन निनावा।

युहन्‍ना 1:19

जेलाउ यरुसेलेम सहरसो यहुदि आगुवागेलाइ आधे पुजारिगेलाइ कालाउ लेबिगेलाइहेङ युहान्‍ना हासु दोअ्तेङ हिअ्लि दिङगिल्हि? कालाउ युहान्नाको साक्सि इसिका हिघाहि,

युहन्‍ना 1:4

वा दोङ जिबनको स्रोत हि, कालाउ वा दोङ गोताङ द्‍याङगेलाइहेङ फाइसालामका पिखे।

युहन्‍ना 10:28

इम्बालाइहेङ का आनान्त जिबन पिखा। कालाउ इम्बालाइ हेलाउ बुङ नास माजेनाङ, कालाउ हासु बुङ इम्बालाइहेङ काङकोसो घिङतेङ चुम्पुलि माद्वाङ।

युहन्‍ना 12:50

का गिखा कि, वाको आग्या केम्नाङ आनान्त जिबन पिखे। ओदोङ भाअ्सिङ का ओदोङ धुइखा जेदोङ आबा परमेस्वर कासेहेङ दोअ्खे।

युहन्‍ना 14:6

येसु थोमाहेङ दोअ्हि, दामा, सत्ये, कालाउ जिबन पिका का दोङ हिघा। का बाहेक हासु बुङ आबाकोता हानिलि माद्वाङ।

युहन्‍ना 19:35

जेदोङ द्‍याङ इदोइ गोताङ काथा तिङहि, वा साक्सि पिहि, कालाउकि नेलाइ बुङ येसुता खाङधुरि पालि दोअ्सु। कालाउ वाको साक्सि सत्ये हि। कालाउ वा गिखे कि वा सत्ये धुइका हि।

युहन्‍ना 3:36

जाइ परमेस्वरको चान ह्रुता खाङधुरि पाखे, वाको दोफा आनान्त जिबन हि। जाइ परमेस्वरको चानको आग्या माकिखे वा आनान्त जिबन मानिनाङ, कालाउ परमेस्वरको दन्ड वाको ह्रुता परियावा।

युहन्‍ना 4:36

जाइ सिसा चेखे वा दोङ ज्याला निङखे, कालाउ आनान्त जिबनको भाअ्सिङ सिसा जोम्पाखे, कालाउ बिकालाइ कालाउ चेकालाइ ए-दोफाङ हाउसाइखे।

युहन्‍ना 4:4

वासेहेङ सामारिया जिल्ला पाहासो जेङतेङ हानेलि गोइघाहि।

युहन्‍ना 5:21

हाइपालिपानु जेसाङ आबा परमेस्वर सिका द्‍याङगेलाइहेङ आरोङ सिन्हु पाङ, एन्साङ का चान बुङ जाइहेङ इच्छा पाखा वासेहेङ जिबन प्याङका।

युहन्‍ना 5:26

हाइपालिपानु जेसाङ आबा परमेस्वर ताइमिङ जिबनको मुहान हि, एन्साङ पातेङ वा दोङ ताइको चानहेङ बुङ जिबनको मुहान बानाइका हि।

युहन्‍ना 6:40

हाइपालिपानु काङको आबा परमेस्वरको इच्छा इदोइ दोङ हि, कि का चानहेङ खाङका कालाउ का ह्रुता खाङधुरि पाका झाराङ आनान्त जिबन निनाको, कालाउ का वासेहेङ आन्त्यको दिनाता सिकासो सिन्हु पाङका।

युहन्‍ना 6:47

“जातिङ भारि का नेलाइहेङ दोअ्खा, जाइ का ह्रुता खाङधुरि पाखे वाको दोफा आनान्त जिबन हि।

युहन्‍ना 6:68

कालाउ सिमोन पतरुस जोबाफ पिहि, हे प्रभु, केलाइ हासुकोता हानिलि? नाअ् दोफा आनान्त जिबनको बचन हि।

रोमि 5:21

जेलाउ गोताङ द्‍याङगेलाइ पाप पाहि कालाउ उङको गोताङ सिहि, एन्साङ पातेङ येसु ख्रिस्ट केलाइको प्रभुसो परमेस्वरको आनुग्रहहोइ इम्बालाइहेङ धर्मि बानाइतेङ आनान्त जिबन प्याङ।

रोमि 6:23

हाइपालिपानु पापको परिनाम चाहि सिका दोङ, कालाउ परमेस्वरको पिका बरदान चाहि ख्रिस्ट येसु केलाइको प्रभुता आनान्त जिबन दोङ।

1तिमोथि 1:16

कालाउ येसु ख्रिस्ट कासेहेङ क्रिपा तिङपाहि, कि का पापिगेलाइ मध्येसो हेन्जा पापि हिलाउ बुङ स्यामा पितेङ तिङपाहि कि, वा ओसारापाङ सहनसिल हि। कालाउकि का न्हुसो वाको ह्रुता खाङधुरि पातेङ आनान्त जिबन निङकागेलाइको भाअ्सिङ का एनोङ उधाहरन जेङलि द्वाको।

तितस 1:2

एसापा इम्बालाइ परमेस्वर दोफा आनान्त जिबनको आस पाखे। हाइपालिपानु हेलाउ बुङ माधाताइका परमेस्वर, सुमिङ सिरजाइका खान्तेङ लाम्फा दोङ ताइको द्‍याङगेलाइहेङ आनान्त जिबन प्याङका दोअ्तेङ प्रतिग्या पाका हिघाहि।

१ युहन्‍ना 2:25

परमेस्वर केलाइहेङ प्रतिग्या पाका हि, कि वा केलाइहेङ आनान्त जिबन प्याङ।

१ युहन्‍ना 4:10

सत्ये प्रेम या दोङ हि: केलाइ परमेस्वरहेङ प्रेम पाकानाङ माको, कालाउ वा दोङ केलाइहेङ प्रेम पाहि, कालाउ ताइको चानहेङ दिङगिल्पिहि। कालाउकि वाको बलिदानसो केलाइको पापको दन्ड स्यामा जेनाको।

१ युहन्‍ना 4:9

परमेस्वर केलाइहेङ एसापा प्रेम तिङपाहि, कि वा दोङ ताइको एमि खिनिङ चानहेङ सुमिङता दिङगिल्हि, कालाउकि केलाइ वाकोसो आनान्त जिबन निङलि द्वाको।

१ युहन्‍ना 5:10

जाइ परमेस्वरको चान येसु ह्रुता खाङधुरि पाखे, वाको हृदयता इङको काथाको साक्सि हिखे। परमेस्वरता खाङधुरि मापाका परमेस्वरहेङ धातुवा बानाइका हिखे, हाइपालिपानु परमेस्वर ताइको चानको बिसोइता पिका साक्सिता वा खाङधुरि पाका मान्थुखे।

१ युहन्‍ना 5:20

केलाइ गिनाखे, कि परमेस्वरको चान येसु ख्रिस्ट इदोइ सुमिङता लोका हि, जाइ सत्ये हि वासेहेङ नाल्लि द्वाको दोअ्तेङ परमेस्वर केलाइहेङ समझ पिका हि। जाइ सत्ये हि, केलाइ वा दोफा ए जेङतेङ हिनाहि, माकुनु वाको चान येसु ख्रिस्ट दोफा, वा दोङ सत्ये परमेस्वर कालाउ आनान्त जिबन हि।

१ युहन्‍ना 5:7

इदोइ सुमनोङ साक्सिगेलाइ हि:

३ युहन्‍ना 1:12

मन्डलिता झाराङ दोअ्खे, कि डेमेतिरियस एमि रेम्का द्‍याङ दोङ हि, हाइपालिपानु वा सत्ये परमेस्वरको बचन आन्सार ताइको जिबन जियाइखे। कालाउ केलाइ बुङ दोअ्न्हाखे कि वा एमि रेम्का द्‍याङ हि, कालाउ नाअ् गिखेना कि केलाइको साक्सि सत्ये हि।

यहुदा 1:21

केलाइको प्रभु येसु ख्रिस्ट नेलाइहेङ ताइको क्रिपाता आनान्त जिबन पिलिको भाअ्सिङ नेलाइ ह्रुम्काताङ पालाउ नेलाइको भाअ्सिङ परमेस्वरको प्रेम आनुभब पाकाताङ हानेसु।

प्रकास 1:2

युहान्‍ना ताइमिङ तिङका गोताङ काथा लेखेहि, इङको परमेस्वरसो लोका सन्‍देस हि कालाउ गोताङ काथा जेदोङ येसु ख्रिस्ट दोअ्का हि।

प्रकास 22:1

आरोङ स्वर्गदुत कासेहेङ जिबन पिका चि हिका एनोङ झोरा तिङपाहि। इङको चि झाला-झालाका सिसा भाइका चिल्कातेङ हिघाहि। इङको परमेस्वर कालाउ थुमाको सिङहासनसो झोतेङ हिघाहि।