१ युहन्‍ना 5:1 - Dhimal NT

¹ येसु दोङ ख्रिस्ट हि दोअ्तेङ खाङधुरि पाका झाराङ परमेस्वरको सान्तान दोङ। जाइ आबाहेङ प्रेम पाखे वाको सान्तानगेलाइहेङ बुङ प्रेम पाखे।

धिमाल

¹ इसु दोङ छुटकारा पिका ख्रिस्‍ट हि दोअ्‌तेङ खान्‍धुर पाका झाराङ परमेस्‍वरको जाहान एइ। कालाउ जाइ परमेस्‍वर आबाहेङ माया पाखे इङको चानहेङ बुङ माया पाखे।

१ युहन्‍ना 5:1 Iomraidhean Croise

मत्‍ति 16:16

सिमोन पतरुस जोबाफ पिहि, “नाअ् चाहि बान्चिका परमेस्वरको चान ख्रिस्ट हिना परमेस्वर पाहासो दिङगिल्का।”

लुका 7:5

वा केलाइको द्‍याङगेलाइहेङ प्रेम पाखे कालाउ केलाइको भाअ्सिङ चाउघारा साअ् बुङ धाम्पिका हि।

युहन्‍ना 1:3

गोताङ आनेमाने वाको पाहासो सिरजाइन्हाका हिदोइ बुङ आनेमाने वा माकोसिङ माजेङघाहि।

युहन्‍ना 15:23

जाइ कासेहेङ मन्दा माअ्ताखे, वा काङको आबाहेङ बुङ मन्दा माअ्ताखे।

युहन्‍ना 3:3

येसु उङकोहेङ उत्तारा पिहि, “जातिङ भारि का नासेहेङ दोअ्खा, हासु बुङ नावा जेन्तेङ जोलोम माजेङनु वा परमेस्वरको सासन आनुभब पालि माद्वाङ।”

युहन्‍ना 6:69

कालाउ केलाइ खाङधुरि पाका हिनाहि कालाउ गिका हिनाहि, नाअ् दोङ परमेस्वरको जन हिना।

युहन्‍ना 8:42

येसु इम्बालाइहेङ दोअ्हि, परमेस्वर नेलाइको आबा हिका हिनुते नेलाइ कासेहेङ प्रेम पासुध्वाना, हाइपालिपानु का परमेस्वरसो लोका हिघा। का ताइमिङ लोका माको कालाउ आबा परमेस्वर दोङ कासेहेङ दिङगिल्का हि।

साल्न्हाका चात्या 8:36

कालाउ ओबालाइ दामाता हानिकाताङ पालाउ आधे चि हिका एनोङ पोखोरि तिङहि। कालाउ उङको नपुङसक दोअ्हि, “खाङसु, इता पोखोरि हि, एला कासेहेङ हाइहोइ बप्तिस्ता ह्रुकासो रोकिलि द्वावा रो?”

साल्न्हाका चात्या 8:37

फिलिप दोअ्हि, “जेसापा गोताङ हृदयसो दोङ खाङधुरि पाना पानु नाअ् बप्तिस्ता ह्रुलि द्वाना।” कालाउ वा जोबाफ पिहि, “येसु ख्रिस्ट दोङ परमेस्वरको चान हि दोअ्तेङ का खाङधुरि पाङका।”

याकुब 1:18

वा ताइकोङ इच्छासो सत्येको बचनसो केलाइहेङ नावा जिबन पिहि, कालाउकि केलाइ वा दोङ सिरजाइका सेकाको लाङ फल भाइपा जेङलि द्वाइने।

1पतरुस 1:3

केलाइको प्रभु येसु ख्रिस्टको आबा कालाउ परमेस्वरको बाखानाइ ज्याको। परमेस्वर केलाइ दोफाको माहान क्रिपा होइ वा केलाइहेङ एनोङ नावा जिबन पिका हि। हाइपालिपानु परमेस्वर येसु ख्रिस्टहेङ सिकासो सिन्चाल पाका हि, वा दोङ केलाइहेङ धुक्कसो बान्चिलि दोका बानाइका हि, इङको दोअ्का वा केलाइहेङ प्रतिग्या पाका काथा निङका पुरा आस पाका हि।

१ युहन्‍ना 2:10

जाइ ताइको खान्धुराइ ओनेगेलाइहेङ प्रेम पाखे, वा फाइसालामकाता आसल जिबन जियाइका हिखे, कालाउ ओदोङ भाअ्सिङ वाकोता इसिका हिदोइ बुङ काथा मान्थुखे जाइ आरु द्‍याङको भाअ्सिङ पापको कारन ज्याको।

१ युहन्‍ना 2:29

ख्रिस्ट परमेस्वरको आगाता जेदोङ आसल हि ओदोङ काम पाखे दोअ्का काथा जेसापा नेलाइ गिस्वाना पानु या काथाता नेलाइता निस्चित ज्याको, कि आसल काम पाका हासुलाउ बुङ परमेस्वरको सान्तानगेलाइ दोङ।

१ युहन्‍ना 3:14

केलाइ गिनाखे, कि केलाइ सिकाको सरबुङसो स्वतन्तरो जेङका हिनाहि कालाउ एला केलाइ दोफा आनान्तको जिबन हि। हाइपालिपानु केलाइ आरु खान्धुराइगेलाइहेङ प्रेम पानाखे, जाइ प्रेम मापाखे वा सिकाको सरबुङको आधिनता हिखे।

१ युहन्‍ना 3:17

हासु बुङ दोफा सुमिङको धन सम्पति हि, कालाउ बुङ आरु खान्धुराइगेलाइहेङ खाचोता हिका तिङलाउ बुङ ओबालाइहेङ मासाघाइस्वाना पानु, परमेस्वरको प्रेम हेसा वाकोता ह्यावा रो?

१ युहन्‍ना 3:9

जाइ परमेस्वरको सान्तान हि इम्बालाइ लागातार पाप मापाखे, हाइपालिपानु वाकोता परमेस्वरको स्वभाव हिखे, कालाउ वा लागातार पाप पालि मादोखे, हाइपालिपानु उङको परमेस्वरको सान्तान हि।

१ युहन्‍ना 4:2

इदोइ पाहा नेलाइ परमेस्वरको आत्माहेङ नाल्स्वाना कि गोताङ आत्मा जाइ येसु ख्रिस्ट द्‍याङ जेङतेङ लोका हि दोअ्तेङ सुइकार पाखे, उङको परमेस्वरसो हि।

१ युहन्‍ना 4:20

जेसापा हासु बुङ का परमेस्वरहेङ प्रेम पाखा दोअ्खे, कालाउ ताइको खान्धुराइ ओनेहेङ मन्दा माताखे पानु उङको धातुवा हि, हाइपालिपानु ताइमिङ तिङका खान्धुराइ ओनेहेङते प्रेम मापाखे पानु मातिङका परमेस्वरहेङ प्रेम पालि माद्वावा।

१ युहन्‍ना 4:7

आनाउ, केलाइ एमिसो-भेनेङहेङ प्रेम पाइने, हाइपालिपानु प्रेम परमेस्वरसो लोखे जाइ आरुहेङ प्रेम पाखे उङको परमेस्वरको सान्तान दोङ, कालाउ वा परमेस्वरहेङ नाल्खे।

१ युहन्‍ना 5:18

परमेस्वरको सान्तान हासु बुङ पाप पातेङ माहिखे, हाइपालिपानु परमेस्वरको चान येसु वासेहेङ सामाराइतेङ ताअ्खे, कालाउ साइतान बुङ वासेहेङ मासाइखे।

१ युहन्‍ना 5:4

हाइपालिपानु परमेस्वरको गोताङ सान्तान इदोइ सुमिङको मारेम्का काथागेलाइहेङ इन्कार पाका हि। कालाउ केलाइको खाङधुरिसो दोङ केलाइ इदोइ सुमिङको मारेम्का काथागेलाइहेङ जितिका हिनाहि।

१ युहन्‍ना 5:5

हासु इदोइ सुमिङको बिरोधता धुम पातेङ बिजोइ निङलि दोखे? उङको दोङ हि, जाइ येसु ख्रिस्ट दोङ परमेस्वरको चान हिका हि दोअ्तेङ खाङधुरि पाखे।