१ युहन्‍ना 4:9 - Dhimal NT

⁹ परमेस्वर केलाइहेङ एसापा प्रेम तिङपाहि, कि वा दोङ ताइको एमि खिनिङ चानहेङ सुमिङता दिङगिल्हि, कालाउकि केलाइ वाकोसो आनान्त जिबन निङलि द्वाको।

धिमाल

⁹ परमेस्‍वर केलाइको माझाता ताइको माया देखाल पितेङ वा ताइको एलोङखिनिङ चान दुनियाता दिङगिल्‍हि। कोलाउ वासो केलाइ झाराङ सिन्‍हुलि द्‍वाको।

१ युहन्‍ना 4:9 Iomraidhean Croise

मर्कुस 12:6

कालाउ न्हुसोता गिह्रि दोफा एमि खिनिङ द्‍याङ हिघाहि उङको वाको मायारु चान हिघाहि। “काङको चानहेङते इम्बालाइ जातिङको आदार पाङ” दोअ्का बुझितेङ वा ताइको चानहेङ आध्याराकोता दिङगिल्हि।

लुका 4:18

प्रभुको आत्मा काङको ह्रुता हि, हाइपालिपानु गरिबगेलाइहेङ प्राचार पालिको भाअ्सिङ कासेहेङ आबिसेक पाका हि। कैदिगेलाइहेङ लाअ्पालिको भाअ्सिङ, कालाउ कान्हाँगेलाइहेङ तिङपालि दोपालि, हेन्जाङ आत्याचारता परिकालाइहेङ लाअ्पालिको भाअ्सिङ,

युहन्‍ना 10:10

चोरते भेडागेलाइहेङ खुलि, सेअ्लि कालाउ हान्ति पालि दोअ्तेङ खिनिङ लोखे। कालाउ का चाहि इम्बालाइहेङ प्रसस्त जिबन निनाको दोअ्तेङ लोका हिघा।

युहन्‍ना 14:6

येसु थोमाहेङ दोअ्हि, दामा, सत्ये, कालाउ जिबन पिका का दोङ हिघा। का बाहेक हासु बुङ आबाकोता हानिलि माद्वाङ।

युहन्‍ना 3:16

“हाइपालिपानु परमेस्वर सुमिङको द्‍याङगेलाइहेङ इसिका प्रेम पाहि, कालाउ वा दोङ ताइको एमि खिनिङ चान पिहि। कालाउकि वासेहेङ खाङधुरि पाकालाइ हासु बुङ नास माज्याको, भरु वा दोङ आनान्त जिबन निनाको।

युहन्‍ना 3:18

जाइ परमेस्वरको चान ह्रुता खाङधुरि पाखे, इम्बालाइ दन्ड मानिनाङ, भरु वाको ह्रुता खाङधुरि मापाकालाइ चाहि लाम्फाङ दुसिका जेङका हि। हाइपालिपानु इम्बालाइ परमेस्वरको एमि खिनिङ चान ह्रुता खाङधुरि पाका मान्थु।

युहन्‍ना 5:23

हाइपालिपानु जेसाङ गोताङ द्‍याङगेलाइ आदार पाखे, एन्साङ दोङ इम्बालाइ का चानको आदार पाको। जेसापा हासु बुङ कासेहेङ आदार मापाखे पानु वा कासेहेङ दिङगिल्का आबा परमेस्वरहेङ बुङ आदार मापाखे।

युहन्‍ना 6:29

येसु इम्बालाइहेङ उत्तारा पिहि, “परमेस्वरको काम इदोइ हि, कि नेलाइ का ह्रुता खाङधुरि पासु जाइहेङ वा दोङ दिङगिल्का हि।”

युहन्‍ना 6:51

स्वर्गसो खुअ्तेङ लोका जिबन पिका तोले का दोङ हिघा। हासु बुङ इदोइ तोले चानु उङको जेलाउ बुङ बान्च्याङ। कालाउ जेदोङ तोले का सुमिङता जिबनको भाअ्सिङ प्याङका, उङको चाहि काङको जिउ।”

युहन्‍ना 6:57

जेसाङ कि सिन्हुका आबा परमेस्वर कासेहेङ दिङगिल्हि, कालाउ का आबा परमेस्वरको कारनसो बान्चिखा, एन्सा पातेङ कासेहेङ चाअ्का बुङ काङको कारनसो बान्चियावा।

युहन्‍ना 8:29

कालाउ कासेहेङ दिङगिल्का का दोफा हि, वा दोङ कासेहेङ एकालाङ लाअ्धिका मान्थु, हाइपालिपानु का जेलाउ बुङ वासेहेङ खुसि बानाइका काम खिनिङ पाखा।”

युहन्‍ना 8:42

येसु इम्बालाइहेङ दोअ्हि, परमेस्वर नेलाइको आबा हिका हिनुते नेलाइ कासेहेङ प्रेम पासुध्वाना, हाइपालिपानु का परमेस्वरसो लोका हिघा। का ताइमिङ लोका माको कालाउ आबा परमेस्वर दोङ कासेहेङ दिङगिल्का हि।

युहन्‍ना 9:3

येसु उत्तारा पिहि, “या ना ते वा पाप पाहि ना ते वाको आमाइ-आबा पाप पाहि, कालाउ वा ओदोङ भाअ्सिङ कान्हाँ जोलोमहि कालाउकि परमेस्वरको सरबुङ वाकोता तिनाको दोअ्तेङ।

रोमि 8:32

परमेस्वर ताइको चानहेङ बुङ ताइको भाअ्सिङ बाकि माअ्ताहि, कालाउ केलाइ झाराङको भाअ्सिङ वासेहेङ सतुरुगेलाइहेङ सुम्पिपिहि, ओदोङ भाअ्सिङ वा निसित दोङ केलाइहेङ प्रतिग्या पाका गोताङ आमेने एन्साङ प्याङ।

हिब्रु 1:5

परमेस्वर हेलाउ बुङ स्वर्गदुतगेलाइहेङ मादोअ्हि कि “नाअ् काङको चान हिना, नानि का नासेहेङ काङको चान भाइपा तिङपाका हिघा” कालाउ आरोङ परमेस्वर हेलाउ बुङ स्वर्गदुतगेलाइहेङ मादोअ्हि कि, “का वाको आबा जेनाङका, कालाउ वा काङको चान जेनावा।”

१ युहन्‍ना 3:16

एसा पासोङ प्रेम हाइ वाला केलाइ थाहा गिनाखे, कि येसु ख्रिस्ट दोङ केलाइको भाअ्सिङ सिपिहि। ओदोङ भाअ्सिङ केलाइ बुङ आरु खान्धुराइगेलाइको भाअ्सिङ सिलि गोइलाउ बुङ तियार हिलि गोइखे।

१ युहन्‍ना 4:10

सत्ये प्रेम या दोङ हि: केलाइ परमेस्वरहेङ प्रेम पाकानाङ माको, कालाउ वा दोङ केलाइहेङ प्रेम पाहि, कालाउ ताइको चानहेङ दिङगिल्पिहि। कालाउकि वाको बलिदानसो केलाइको पापको दन्ड स्यामा जेनाको।

१ युहन्‍ना 4:16

एसापा केलाइ रेम्फा गिनाखे कालाउ केलाइ खाङधुरि पानाखे कि परमेस्वर केलाइहेङ प्रेम पाखे। परमेस्वर प्रेम हि, कालाउ जाइ प्रेमता हिखे उङको परमेस्वर दोफा हिखे, कालाउ परमेस्वर वाको दोफा हिखे।

१ युहन्‍ना 5:11

साक्सि चाहि इदोइ दोङ हि, कि परमेस्वर केलाइहेङ आनान्त जिबन पिका हि कालाउ इदोइ आनान्त जिबन वा केलाइहेङ वाको चान येसु पाहासो पिहि।

१ युहन्‍ना 5:13

का इदोइ पात्तारा नेलाइहेङ लेखेदोङखा, जाइ परमेस्वरको चानको मिङता खाङधुरि पाखे कालाउकि नेलाइ या गिसु कि नेलाइ आनान्त जिबन निङका हिसुना।