१ युहन्‍ना 4:6 - Dhimal NT

⁶ केलाइते परमेस्वरको द्‍याङगेलाइ हिनाहि। जाइ परमेस्वरहेङ नाल्खे वा केलाइको धिरपाका सिक्स्या हिङखे, कालाउ जाइ परमेस्वरको माको वा केलाइको धिरपाका सिक्स्या बुङ माहिङ पिखे। इदोइ पाहासो केलाइ सत्ये धुइका आत्मा कालाउ धाताइका आत्माहेङ नाल्लि दोनाखे।

धिमाल

⁶ कालाउ केलाइ ते परमेस्‍वरको एइ। जाइ परमेस्‍वरहेङ नाल्‍खे वा केलाइको काथा हिङखे। जाइ परमेस्‍वरको माको, इङको केलाइको काथा माहिङखे। इदोङसो केलाइ सतको हाङसा रो आवाइपाका हाङसाहेङ नालन्‍हाखे।

१ युहन्‍ना 4:6 Iomraidhean Croise

लुका 10:22

काङको आबा कासेहेङ गोताङ आनेमानेको जिम्मा पिका हि। आबा बाहेक चानहेङ हासु बुङ मानाल्खे कालाउ चान बाहेक आबाहेङ हासु बुङ मानाल्खे। कालाउ चान दोङ नाल्पालि खाङकालाइहेङ चाहि आबाहेङ नाल्खे।

युहन्‍ना 10:16

“काङको आरोङ बुङ भेडा हि, जाइ इदोइ ग्वालेङको माको। इम्बालाइहेङ बुङ का चुमालि गोइका हि, कालाउ इम्बालाइ काङको गाला नालावा, कालाउ इम्बालाइ एनोङ दोङ हुल जेङतेङ एनोङ लाखुरिया जेनावा।

युहन्‍ना 10:27

जेसापा भेडागेलाइ ताइको सत्ये लाखुरियाको गाला नाल्खे, एन्साङ पातेङ काङको द्‍याङगेलाइ काङको दोअ्का काथाता ध्यान पिखे। का इम्बालाइहेङ नाल्खा, कालाउ इम्बालाइ काङको चात्यागेलाइ जेङलि दोका हि।

युहन्‍ना 10:3

पाले वासेहेङ फिनु हिअ्पिखे। कालाउ भेडागेलाइ वाको गाला नाल्खे, कालाउ लाखुरिया ताइको भेडागेलाइको मिङ ह्रुतेङ काइखे, कालाउ भेडागेलाइहेङ ग्वालेङसो गोह्राइतेङ बाहार ओल्लेपाखे।

युहन्‍ना 13:20

जातिङ भारि का नेलाइहेङ दोअ्खा, जाइहेङ का दिङगिल्खा, वासेहेङ आदार पाकालाइ, कासेहेङ आदार पाखे, कालाउ कासेहेङ आदार पाकालाइ कासेहेङ दिङगिल्काहेङ बुङ आदार पाखे।

युहन्‍ना 14:17

वा पबित्तरो आत्मा हि, जाइ सत्येता थोङपुखे। सुमिङको द्‍याङगेलाइ इङकोहेङ ग्रहन पालि मादोअ्खे, हाइपालिपानु सुमिङते वासेहेङ ना ते तिङखे ना ते नाल्खे। कालाउ नेलाइ पबित्तरो आत्माहेङ नाल्सुखेना, हाइपालिपानु वा नेलाइ दोफा हिखे, कालाउ वा नेलाइता हिखे।

युहन्‍ना 15:26

का नेलाइको भाअ्सिङ आबासो साल्लाहाकार दिङगिल्लाङका वा इङको आत्मा हि जेदोङ आबासो लोखे, कालाउ जेदोङ सत्ये हि इङकोहेङ देखाल पाखे। जेलाउ वा ल्वाङ वा काङको बारेता दोअ्तावा। कालाउ नेलाइ इदोइ सुमिङको द्‍याङगेलाइहेङ काङको बारेता दोअ्स्वाना, हाइपालिपानु लाम्फासोङ नेलाइ का दोफा हिघासुखेना।

युहन्‍ना 16:13

जेलाउ वा पबित्तरो आत्मा हिका हि, सत्येता थोङपुखे, वा लोलि दोअ्तेङ नेलाइहेङ इङको गोताङ परमेस्वरको बारेता सत्ये बुझाइ पापियावा। वा दोङ ताइको खाबारासो माधुइयाङ कालाउ वा जेदोङ काथागेलाइ परमेस्वरसो हिनाङ ओदोङ दोङ काथा नेलाइहेङ दोअ्प्यावा। कालाउ न्हुसो लोलि खाङका काथागेलाइ बुङ दोअ्प्यावा।

युहन्‍ना 18:37

पिलातस येसुहेङ हिअ्हि, “हाइ नाअ् राजा दोङ?” कालाउ येसु उत्तारा पिहि का राजा दोङ दोअ्तेङ नाअ् दोङ दोअ्खेना। का जोलोमलिको कालाउ इदोइ सुमिङता लोकाको कारन इदोइ हि कि का सत्येको बिसोइता धिरपालि द्वाको। इङको गोताङ जाइ कासेहेङ पिताइखे कालाउ सत्येको पालन पाखे।

युहन्‍ना 20:21

कालाउ येसु आरोङ इम्बालाइहेङ दोअ्हि, नेलाइहेङ सान्ति ज्याको! जेसाङ काङको आबा कासेहेङ इदोइ सुमिङता दिङगिल्हि, एन्साङ का बुङ नेलाइहेङ इदोइ सुमिङता दिङगिल्दोङखा।”

युहन्‍ना 8:19

इम्बालाइ येसुहेङ दोअ्हि, नाङको आबा परमेस्वर हिसो हि? येसु उत्तारा पिहि, नेलाइ ना ते कासेहेङ नाल्सुखेना नाअ् काङको आबा परमेस्वरहेङ, जेसापा नेलाइ कासेहेङ नाल्कानु काङको आबा परमेस्वरहेङ बुङ नाल्सुधाना।

युहन्‍ना 8:23

कालाउ येसु इम्बालाइहेङ दोअ्हि, नेलाइ इदोइ सुमिङता जोलोम जेङका हिघासुखेना, कालाउ का स्वर्गसो लोका हिघा। नेलाइ इदोइ सुमिङको हिसुना कालाउ का चाहि इदोइ सुमिङको माको।

रोमि 1:1

का पावल येसु ख्रिस्टको दास हिघा, कालाउ परमेस्वर कासेहेङ ताइको साल्न्हाका चात्या जेङलि छाल्हि, कालाउ झाराङ द्‍याङगेलाइहेङ परमेस्वरको सुसमाचार प्राचार पालिको भाअ्सिङ खेङहि।

रोमि 11:8

जेसाङ ध्रर्मसास्तरता यासाइया परमेस्वरको बक्ता लेखेका हि, “परमेस्वर इम्बालाइहेङ बोधालाका बुद्दि पिका हि। इम्बालाइहेङ इसिका मिसियाँ पिका हि जाइ मातिनाको कालाउ इसिका न्हातोङहोइ जाइ माहिनाको, कालाउ नानिको दिना थेकापा बुङ इम्बालाइ उसुकाङ हि।”

1 कोरिन्थि 14:37

हासु बुङ ताइमिहेङ परमेस्वरको बक्ता माकुनु वाको दोफा पबित्तरो आत्माको बरदान हि दोअ्तेङ सम्झिखे पानु, काङको लेखेका काथा प्रभुको आग्या दोङ आग्या हि दोअ्का वासेहेङ थाहा ज्याको।

2 कोरिन्थि 10:7

नेलाइते बाहार तिङका काथाहेङ खिनिङ खाङसुखेना, हिदोइ बुङ द्‍याङहेङ इदोइ निसित हि कि इङको ख्रिस्टको दोङ नु, वा ताइमिहेङ आरोङ फोम पाको। कि जिसिका उङको ख्रिस्टको हि केलाइ बुङ ख्रिस्टको दोङ हिनाहि।

2 थेस्लोनिकि 1:8

परमेस्वरहेङ इन्कार पाकालाइहेङ कालाउ केलाइको प्रभु येसुको सुसमाचार माकिकालाइहेङ वा दोङ दन्ड प्यावा।

1तिमोथि 4:1

पबित्तरो आत्मा झालाफालापा दोअ्हि, कि या आखिरि दिनागेलाइता आधिमि द्‍याङगेलाइ ख्रिस्टको सिक्स्याहेङ खाङधुरि पालि लाअ्तावा। इम्बालाइ साइतानसो लोका सिक्स्याहेङ सुइकार पावा कालाउ जाइ इम्बालाइहेङ छलियावा कालाउ साइतानसो लोका धाताइका सिक्स्यागेलाइहेङ खाङधुरि पालि लागाइयावा।

२ पत्‍रुस 3:2

का एसा पाखा, हाइपालिपानु परमेस्वरको पबित्तरो बक्तागेलाइ हेन्जा सोमोइ लाम्फा धुइका बचन कालाउ केलाइको प्रभु येसु ख्रिस्ट, केलाइको मुक्ति दाताको सिक्स्याहेङ नेलाइ फोम पासुना दोअ्का का चाहिखा, जेदोङ नेलाइकोता लोका साल्न्हाका चात्यागेलाइ नेलाइहेङ धिरपाका हिघाहि।

१ युहन्‍ना 4:1

आनाउ खान्धुराइ ओनेगेलाइ, ताइमि दोफा पबित्तरो आत्मा हि दोअ्का झाराङहेङ खाङधुरि मापासु। कालाउ आत्मागेलाइ परमेस्वरसो लोका हि, कि माको दोअ्तेङ वाको जाच पासु, हाइपालिपानु हेन्जा धाताइका आगमबक्तागेलाइ इदोङ सुमिङता हि।

१ युहन्‍ना 4:4

नाअ् जाइ काङको आनाउ जामाललाइ भाइकाङ हिसुना, नेलाइ चाहि परमेस्वरको द्‍याङगेलाइ हिसुना, कालाउ नेलाइ धाताइका आगमबक्तागेलाइ ह्रुता बिजोइ जेङका हिसुना। हाइपालिपानु जेदोङ पबित्तरो आत्मा नेलाइ दोफा हि, वा सुमिङता हिका साइतान जाइ इदोइ सुमिङको द्‍याङगेलाइ जाइ परमेस्वरहेङ मानाल्खे, इम्बालाइ ह्रुता खाबारा पाखे, वा इङको खान्तेङ माहान हि।

१ युहन्‍ना 4:8

जाइ आरुहेङ प्रेम मापाखे वा परमेस्वरहेङ मानाल्खे, हाइपालिपानु परमेस्वर प्रेम हिका हि।

१ युहन्‍ना 5:19

केलाइ गिनाखे, केलाइ परमेस्वरको हिनाहि, कालाउ सारा सुमिङको द्‍याङगेलाइ साइतानको खाबाराता परिका हि।

यहुदा 1:17

कालाउ आनाउ सानाइतिगेलाइ, नेलाइ चाहि केलाइको प्रभु येसु ख्रिस्टको छाल्का चात्यागेलाइ आन्चा दोङ दोअ्का काथागेलाइ फोम पासु।