१ युहन्‍ना 4:3 - Dhimal NT

³ कालाउ येसुहेङ द्‍याङ जेङतेङ लोका हि दोअ्तेङ सुइकार मापाका गोताङ आत्मागेलाइ परमेस्वरसो माको, कालाउ इङको ख्रिस्ट बिरोधिको आत्मा हि, जाइको बिसोइता इङको लोखे दोअ्का नेलाइ हिङका हिसुना। एला इङको इदोइ सुमिङता लोलि दोका हि।

धिमाल

³ इसुहेङ मन्‍जुर मापाका गोताङ हाङसा परमेस्‍वरसो माको, कालाउ इङको ख्रिस्‍ट दुस्‍मनको हाङसा एइ। जाइको बिसइता “इङको ल्‍वाङ” दोअ्‌का नेलाइ हिङकाङ हिसुन्‍हा। एला इङको इदोइ दुनियाता लोका हि।

१ युहन्‍ना 4:3 Iomraidhean Croise

मत्‍ति 24:5

इम्बालाइ हेन्जाङ द्‍याङगेलाइहेङ काङको मिङता का ख्रिस्ट दोअ्तेङ ल्वाङ कालाउ ताइमिता खाङधुरि पापालिको भाअ्सिङ धोका प्यावा।

१ युहन्‍ना 2:18

नेलाइ जाइ काङको भाअ्सिङ जामाललाइ भाइकाङ हिसुना, का नेलाइहेङ दोअ्खा कि, इदोइ सुमिङको आम्तिम दिनागेलाइ हि। ख्रिस्ट बिरोधि लोतेङ हि दोअ्का नेलाइ हिङकाङ हिसुना। एला हेन्जाङ ख्रिस्ट बिरोधि लोका हि। ओदोङ भाअ्सिङ केलाइ गिनाखे, कि सुमिङको आम्तिम दिनागेलाइ इदोइ दोङ हि।

१ युहन्‍ना 2:22

धातुवा हासु? वा दोङ, जाइ येसु दोङ ख्रिस्ट हि दोअ्का काथा मन्दा माताखे। आबा परमेस्वर कालाउ चानहेङ जाइ मन्दा माताखे, ख्रिस्ट बिरोधि इङको दोङ हि।

२ युहन्‍ना 1:7

का या दोअ्खा हाइपालिपानु, धाताइका सिक्स्या पाहा बोमिहेङ धोका पिका हेन्जाङ द्‍याङगेलाइ इदोइ सुमिङता लोका हि। इम्बालाइ येसु ख्रिस्टहेङ इदोइ सुमिङता द्‍याङको रुपता लोका हि दोअ्तेङ सुइकार मापाखे। जेसापा हिदोइ बुङ द्‍याङ एसा दोअ्खे, उङको द्‍याङ ख्रिस्ट बिरोधि दोङ हि, जाइ जेलाउ बुङ द्‍याङगेलाइहेङ धोका पिखे।