१ युहन्‍ना 4:21 - Dhimal NT

²¹ केलाइ वाकोसो इदोइ आग्या निङका हिनाहि, कि जाइ परमेस्वरहेङ प्रेम पाखे वा ताइको खान्धुराइ ओनेहेङ बुङ प्रेम पालि गोइखे।

धिमाल

²¹ ख्रिस्‍ट केलाइहेङ पिका हुकुम इदोङ एइ: परमेस्‍वरहेङ जाइ माया पाखे, इङको ताइको दादाओने बाइओनेहेङ बुङ माया पालि गोयाङ।

१ युहन्‍ना 4:21 Iomraidhean Croise

मत्‍ति 5:43

नेलाइ एसा दोअ्का हिङका हिसुना, कि व्यवस्थाता एसापा लेखेका हि, कि ताइको देरागेलाइहेङ प्रेम पासु, कालाउ सतुरुहेङ चाहि खाङलि माकिसु।

लुका 10:37

वा दोअ्हि जाइ वासेहेङ दाया हि, कालाउ येसु दोअ्हि, नाअ् बुङ हाने कालाउ एन्साङ पाअ्‌।

युहन्‍ना 15:12

काङको आग्या इदोइ दोङ हि, का नेलाइहेङ जेसाङ प्रेम पाघा, नेलाइ बुङ एमिसो-भेनेङहेङ एन्साङ दोङ प्रेम पासु।

गलाति 5:14

हाइपालिपानु गोताङ व्यवस्था एनोङ आग्याता सान्तिका हि, “ताइमिहेङ भाइपा ताइको देरागेलाइहेङ बुङ प्रेम पासु।”

गलाति 5:6

जेसापा नेलाइ येसु ख्रिस्टको खान्धुराइगेलाइनु खाताना पालाउ बुङ मापालाउ बुङ हिदोइ बुङ फरक माजेङखे। कालाउ मुलि काथा या कि केलाइ ख्रिस्टता खाङधुरि पान्हाखे, कालाउ परमेस्वर कालाउ आरु द्‍याङहेङ बुङ प्रेम पान्हाखे।

1 थेस्लोनिकि 4:9

कालाउ खान्धुराइ ओनेगेलाइता प्रेमको बिसोइता नेलाइहेङ केलाइ हिदोइ बुङ काथा लेखेलि आवस्यक मान्थु, हाइपालिपानु एमिसो-भेनेङहेङ प्रेम पासु दोअ्का काथा नेलाइ ताइमिङ परमेस्वरसो धिरका हिसुना।

1पतरुस 3:8

आन्ताता, का नेलाइहेङ या दोअ्लि चाहिखा, कि ए जेङतेङ हिसु, एमिसो भेनेङहेङ सामाराइसु, एनोङ दोङ जाहानको सदस्यगेलाइ भाइपाङ झाराङ एमिसो भेनेङहेङ प्रेम पासु। एमिसो-भेनेङ दोफा दायाका जेङसु, कालाउ एमिसो भेनेङ दोफा मोनोइ जेङसु।

1पतरुस 4:8

झाराङ खान्तेङ मुलि काथा, एमिसो भेनेङहेङ लिताङसो प्रेम पासु। हाइपालिपानु जेसापा नेलाइ द्‍याङगेलाइहेङ प्रेम पासुन्हा, नेलाइ जेलाउ बुङ इम्बालाइको हिदोइ बुङ पाप पाका काम स्यामा पालि तियार जेङस्वाना।

१ युहन्‍ना 2:7

ओइ आनाउ खान्धुराइ ओनेगेलाइ, का नेलाइहेङ हिदोइ बुङ नावा आग्या लेखेका माको, कालाउ ओदोङ पुरना आग्या लेखेदोङखा जेदोङ सुरुसोङ नेलाइ दोफा हिघाहि। पुरना आग्या नेलाइ हिङका बचन हि, जेलाउसो नेलाइ ख्रिस्टता खाङधुरि पासुन्हा।

१ युहन्‍ना 3:11

नेलाइ लाम्फासोङ हिङका सन्‍देस इदोइ दोङ, कि केलाइ एमिसो-भेनेङहेङ प्रेम पालि गोइखे।

१ युहन्‍ना 3:14

केलाइ गिनाखे, कि केलाइ सिकाको सरबुङसो स्वतन्तरो जेङका हिनाहि कालाउ एला केलाइ दोफा आनान्तको जिबन हि। हाइपालिपानु केलाइ आरु खान्धुराइगेलाइहेङ प्रेम पानाखे, जाइ प्रेम मापाखे वा सिकाको सरबुङको आधिनता हिखे।

१ युहन्‍ना 3:18

नेलाइ जाइ काङको आनाउ जामाललाइ भाइकाङ हिसुन्हा, केलाइ एमिसो-भेनेङहेङ काथाता खिनिङ प्रेम पानाखे मादोअ्ताइने, भरु केलाइको प्रेम काम पाहासो खाचोता परिकालाइहेङ साघाइका पाहासो तिनाको।

१ युहन्‍ना 3:23

कालाउ परमेस्वरको आग्या इदोइ दोङ हि, कि केलाइ वाको चान येसु ख्रिस्टता खाङधुरि पालि गोइखे, कालाउ वा केलाइहेङ आग्या पिका बमोजिम केलाइ एमिसो-भेनेङहेङ प्रेम पालि गोइखे।

१ युहन्‍ना 4:11

आनाउ, जेसापा परमेस्वर केलाइहेङ एसापा प्रेम पानु, केलाइ बुङ एमिसो-भेनेङहेङ प्रेम पालि गोइखे।