१ युहन्‍ना 4:2 - Dhimal NT

² इदोइ पाहा नेलाइ परमेस्वरको आत्माहेङ नाल्स्वाना कि गोताङ आत्मा जाइ येसु ख्रिस्ट द्‍याङ जेङतेङ लोका हि दोअ्तेङ सुइकार पाखे, उङको परमेस्वरसो हि।

धिमाल

² जाइ इसु ख्रिस्‍ट द्‌याङ जेङतेङ लोका एइ दोअ्‌तेङ मानेखे, इङकोदोफा परमेस्‍वरको हाङसा हिखे। इदोङसो नेलाइ परमेस्‍वरको हाङसाहेङ नालस्‍वाना।

१ युहन्‍ना 4:2 Iomraidhean Croise

युहन्‍ना 1:14

कालाउ एमि हिघाहि जाइहेङ बचन दोअ्न्हाहि वा द्‍याङ जेङहि, कालाउ केलाइको माझाता बासा हि। केलाइ दोङ वाको महिमा तिङन्हाहि, वा इसिका हिघाहि जेसाङ आबासो लोका एमि खिनिङ चानको महिमा जेङखे, वा सत्ये कालाउ आनुग्रहहोइ भरि पुर्न हिघाहि।

1 कोरिन्थि 12:3

ओदोङ भाअ्सिङ नेलाइ इदोइ काथा गिसु दोअ्का का भोखा, कि पबित्तरो आत्मासो नुइ धुइका हासु बुङ “येसु स्रापित ज्याको” माअ्दोखे, कालाउ पबित्तरो आत्मा पाहासो खिनिङ हासु बुङ “येसु दोङ प्रभु हि” दोअ्लि द्वाङ।

1तिमोथि 3:16

हिदोइ बुङ साङखा माकोसिङ केलाइ मानिन्हाखे, कि केलाइको खाङधुरिको रहस्य हेन्जाङ माहान हि: ख्रिस्ट एमि द्‍याङको रुपता देखाल जेङहि, वा पबित्तरो आत्मासो परमेस्वरको चान साबित जेङहि, स्वर्गदुतगेलाइ वासेहेङ तिङहि, गोताङ सारभिगेलाइता वाको बारेता सुसमाचार हिङपाहि, सुमिङको गोताङ द्‍याङगेलाइ वाको ह्रुता खाङधुरि पाहि, कालाउ परमेस्वर वासेहेङ महिमाको स्वर्गता चुम्पुहि।

१ युहन्‍ना 1:2

परमेस्वर जाइ जातिङको जिबन पिखे, कालाउ द्‍याङगेलाइहेङ तिङपाहि, ओदोङ भाअ्सिङ केलाइ वाको सत्येताको बारेता दोअ्न्हाखे, कि जिबन पिका द्‍याङ जेलाउलाउको भाअ्सिङ ह्याङ कालाउ हेन्जाङ लाम्फासोङ आबा परमेस्वर दोफा हिघाहि, कालाउ एला परमेस्वर वासेहेङ केलाइकोता तिङपाका हि।

१ युहन्‍ना 2:23

परमेस्वरको चानहेङ मन्दा माताका हिदोइ बुङ द्‍याङ आबा परमेस्वर दोफा ए जेङतेङ माहिखे। जाइ चानहेङ सुइकार पाखे वा आबा परमेस्वर दोफा ए जेङतेङ हिखे।

१ युहन्‍ना 4:15

जाइ येसुहेङ परमेस्वरको चान हि दोअ्तेङ सुइकार पाखे, वा दोफा परमेस्वर हिखे, कालाउ उङको चाहि परमेस्वर दोफा हिखे।

१ युहन्‍ना 4:3

कालाउ येसुहेङ द्‍याङ जेङतेङ लोका हि दोअ्तेङ सुइकार मापाका गोताङ आत्मागेलाइ परमेस्वरसो माको, कालाउ इङको ख्रिस्ट बिरोधिको आत्मा हि, जाइको बिसोइता इङको लोखे दोअ्का नेलाइ हिङका हिसुना। एला इङको इदोइ सुमिङता लोलि दोका हि।

१ युहन्‍ना 5:1

येसु दोङ ख्रिस्ट हि दोअ्तेङ खाङधुरि पाका झाराङ परमेस्वरको सान्तान दोङ। जाइ आबाहेङ प्रेम पाखे वाको सान्तानगेलाइहेङ बुङ प्रेम पाखे।

२ युहन्‍ना 1:7

का या दोअ्खा हाइपालिपानु, धाताइका सिक्स्या पाहा बोमिहेङ धोका पिका हेन्जाङ द्‍याङगेलाइ इदोइ सुमिङता लोका हि। इम्बालाइ येसु ख्रिस्टहेङ इदोइ सुमिङता द्‍याङको रुपता लोका हि दोअ्तेङ सुइकार मापाखे। जेसापा हिदोइ बुङ द्‍याङ एसा दोअ्खे, उङको द्‍याङ ख्रिस्ट बिरोधि दोङ हि, जाइ जेलाउ बुङ द्‍याङगेलाइहेङ धोका पिखे।