१ युहन्‍ना 4:12 - Dhimal NT

¹² परमेस्वरहेङ हासु बुङ हेलाउ बुङ तिङका मान्थु। जेसापा केलाइ एमिसो-भेनेङहेङ प्रेम पानाहे पानु परमेस्वर केलाइ दोफा ह्यावा, कालाउ वाको प्रेम केलाइता सिद्द जेङका हिखे।

धिमाल

¹² परमेस्‍वरहेङ हासुङ हेअ्‌लाउ तिङका मान्‍थु। एदि केलाइ एमि भेनेङहेङ माया पान्‍हाहि पानु परमेस्‍वर केलाइता ह्‍यावा रो वाको माया केलाइता पोङघाका हि।

१ युहन्‍ना 4:12 Iomraidhean Croise

युहन्‍ना 1:18

परमेस्वरहेङ हासु बुङ हेलाउ बुङ तिङका मान्थु। कालाउ आबा दोफा हिका एमि खिनिङ चान येसु जाइ सत्ये परमेस्वर हि वासेहेङ देखाल पापाहि।

1 कोरिन्थि 13:13

ओदोङ भाअ्सिङ एला इदोइ सुम्लोङ काथागेलाइ चाहि केलाइ जेलाउ बुङ पालि गोइखे: परमेस्वरता खाङधुरि पाका, परमेस्वरको बाचागेलाइता आस ताअ्का कालाउ झाराङहेङ प्रेम पाका। कालाउ इङको सुम्लोङ मध्ये एनोङ झाराङ खान्तेङ बार्का काथा चाहि झाराङहेङ प्रेम पालि दोङ हि।

1तिमोथि 1:17

एला आनान्त काल थेकापा सासन पाका राजा, जेलाउ बुङ बान्चितेङ हिका कालाउ तिङलि बुङ मादोका एमि खिनिङ परमेस्वरहेङ आदार कालाउ महिमा जेलाउलाउ बुङ ज्याको। आमेन।

1तिमोथि 6:16

वा खिनिङ एमि हि जाइ जेलाउ बुङ बान्चिका हि, कालाउ वा ओथे फाइसालामकाता हि कि, हासु बुङ वाको भेरपा हानिलि मादोखे। वासेहेङ हिदोइ बुङ द्‍याङ हेलाउ बुङ तिङका मान्थु ना ते तिङलि दोखे। वासेहेङ दोङ आदार कालाउ सरबुङ जेलाउलाउ बुङ ह्याको। आमेन।

हिब्रु 11:27

राजाको चेर दोफा माअ्थिसिङ खाङधुरि पाहासो दोङ वा मिस्रो सारभि लाअ्हि, हाइपालिपानु वासेहेङ थाहा जेङतेङ बुङ तिङलि मादोअ्का परमेस्वरहेङ तिङका कोनिङ भाइपा पाट्ताक्काइ न्हु माघुरिहि।

१ युहन्‍ना 2:5

कालाउ जाइ परमेस्वरको बचन केम्खे, वाकोता परमेस्वरको प्रेम जातिङकोङ सिद्द जेङका हिखे। केलाइ परमेस्वर दोफा ए जेङतेङ हिनाहि दोअ्का काथा इदोइसोङ निस्चित जेङन्हाखे।

१ युहन्‍ना 3:24

परमेस्वरको आग्या केम्कालाइ झाराङ वाको दोफा ए जेङतेङ हिखे, कालाउ वा इम्बालाइ दोफा ए जेङतेङ हिखे, वा केलाइहेङ पिका पबित्तरो आत्मासो केलाइ गिनाखे, कि वा केलाइ दोफा ए जेङतेङ हिखे।

१ युहन्‍ना 4:16

एसापा केलाइ रेम्फा गिनाखे कालाउ केलाइ खाङधुरि पानाखे कि परमेस्वर केलाइहेङ प्रेम पाखे। परमेस्वर प्रेम हि, कालाउ जाइ प्रेमता हिखे उङको परमेस्वर दोफा हिखे, कालाउ परमेस्वर वाको दोफा हिखे।

१ युहन्‍ना 4:20

जेसापा हासु बुङ का परमेस्वरहेङ प्रेम पाखा दोअ्खे, कालाउ ताइको खान्धुराइ ओनेहेङ मन्दा माताखे पानु उङको धातुवा हि, हाइपालिपानु ताइमिङ तिङका खान्धुराइ ओनेहेङते प्रेम मापाखे पानु मातिङका परमेस्वरहेङ प्रेम पालि माद्वावा।

१ युहन्‍ना 4:6

केलाइते परमेस्वरको द्‍याङगेलाइ हिनाहि। जाइ परमेस्वरहेङ नाल्खे वा केलाइको धिरपाका सिक्स्या हिङखे, कालाउ जाइ परमेस्वरको माको वा केलाइको धिरपाका सिक्स्या बुङ माहिङ पिखे। इदोइ पाहासो केलाइ सत्ये धुइका आत्मा कालाउ धाताइका आत्माहेङ नाल्लि दोनाखे।