१ युहन्‍ना 4:10 - Dhimal NT

¹⁰ सत्ये प्रेम या दोङ हि: केलाइ परमेस्वरहेङ प्रेम पाकानाङ माको, कालाउ वा दोङ केलाइहेङ प्रेम पाहि, कालाउ ताइको चानहेङ दिङगिल्पिहि। कालाउकि वाको बलिदानसो केलाइको पापको दन्ड स्यामा जेनाको।

धिमाल

¹⁰ माया इदोङता हि, केलाइ परमेस्‍वरहेङ माया पाका माको, कालाउ वा केलाइहेङ माया पाहि रो केलाइको कुकरमको भोक जेङलिको भाअ्‌सिङ ताइको चान दिङगिल्‍हि।

१ युहन्‍ना 4:10 Iomraidhean Croise

युहन्‍ना 13:34

का नेलाइहेङ एनोङ नावा आग्या पिखा, नेलाइ एमिसो भेनेङहेङ प्रेम पासु। जेसाङ का नेलाइहेङ प्रेम पाका हिघा, नेलाइ बुङ एमिसो भेनेङहेङ इन्सिकाङ प्रेम पासु।

युहन्‍ना 15:16

कासेहेङ नेलाइ मासाल्सुना, भुरु का दोङ नेलाइहेङ साल्घा, कालाउ नियुक्त पाघा, कालाउकि नेलाइ हानिसु कालाउ आसाल काम पासु, कालाउ नेलाइको आसाल काम हितेङ ह्यावा। एसापा नेलाइ आबा दोफा जेदोङ ह्रेस्वाना वा नेलाइहेङ इङको प्यावा। हाइपालिपानु नेलाइ काङको चात्या हिसुना।

युहन्‍ना 3:16

“हाइपालिपानु परमेस्वर सुमिङको द्‍याङगेलाइहेङ इसिका प्रेम पाहि, कालाउ वा दोङ ताइको एमि खिनिङ चान पिहि। कालाउकि वासेहेङ खाङधुरि पाकालाइ हासु बुङ नास माज्याको, भरु वा दोङ आनान्त जिबन निनाको।

युहन्‍ना 6:51

स्वर्गसो खुअ्तेङ लोका जिबन पिका तोले का दोङ हिघा। हासु बुङ इदोइ तोले चानु उङको जेलाउ बुङ बान्च्याङ। कालाउ जेदोङ तोले का सुमिङता जिबनको भाअ्सिङ प्याङका, उङको चाहि काङको जिउ।”

हिब्रु 2:17

ओदोङ भाअ्सिङ वा गोताङ काथाता बो द्‍याङगेलाइ भाइपा जेङलि गोइहि, कालाउकि वा परमेस्वरको आगाता केलाइको दायालु कालाउ भर परिका प्राधान पुजारि जेङलि द्वाको। कालाउ द्‍याङगेलाइको पाप ल्होपालिको भाअ्सिङ वा दोङ ताइमिहेङ बलिको रुपता आर्पन पालि द्वाको।

1पतरुस 2:24

जेलाउ ख्रिस्ट सिहि, वा क्रुस्टता केलाइको पापको भाअ्सिङ ताइको जिउता दन्ड भोगिहि। वा इसिका पाहि कालाउकि केलाइ पाप पालि लाअ्तेङ धर्मि जेङजेङ जिबन जियाइलि तेङलि द्वाइने। कालाउ वा सहिका चोटगेलाइ पाहासो केलाइ एल्का हिनाहि।

1पतरुस 3:18

का एसा दोअ्खा हाइपालिपानु केलाइको पापको कारन ख्रिस्ट बुङ कस्ट भोगिहि। कालाउ सिहि। वा एखे खिनिङ सिहि कालाउ यासेहेङ आरोङ घुरितेङ सिलि मागोइयाङ। वा एमि धर्मि द्‍याङ हिघाहि, जाइ पापि द्‍याङगेलाइको भाअ्सिङ सिहि कालाउकि वा केलाइहेङ परमेस्वरको भेरपा चुमालि दोका हि। इम्बालाइ वाको जिउ ते सेअ्हि कालाउ वाको आत्मा सिन्हुका हि।

१ युहन्‍ना 2:2

कालाउ केलाइको पापको भाअ्सिङ ख्रिस्ट बलि जेङपिहि, कालाउ केलाइको भाअ्सिङ खिनिङ माको, कालाउ सारा सुमिङको द्‍याङगेलाइको पापको भाअ्सिङ बुङ।

१ युहन्‍ना 3:1

बिचार पासु कि आबा परमेस्वर केलाइहेङ इसिका प्रेम पाका हि, कि केलाइ बुङ परमेस्वरको सान्तान दोअ्न्हाका हिनाहि, कालाउ जातिङकोङ केलाइ वाको सान्तान दोङ! ओदोङ भाअ्सिङ या सुमिङको द्‍याङगेलाइ केलाइहेङ मानाल्खे कि केलाइ परमेस्वरको सान्तान दोङ, हाइपालिपानु इदोइ सुमिङको द्‍याङगेलाइ परमेस्वरहेङ मानाल्खे।

१ युहन्‍ना 4:19

केलाइ परमेस्वरहेङ प्रेम पानाखे कालाउ एमिसो-भेनेङहेङ प्रेम पानाखे, हाइपालिपानु लाम्फा परमेस्वर केलाइहेङ प्रेम पाहि।

१ युहन्‍ना 5:11

साक्सि चाहि इदोइ दोङ हि, कि परमेस्वर केलाइहेङ आनान्त जिबन पिका हि कालाउ इदोइ आनान्त जिबन वा केलाइहेङ वाको चान येसु पाहासो पिहि।