१ युहन्‍ना 3:9 - Dhimal NT

⁹ जाइ परमेस्वरको सान्तान हि इम्बालाइ लागातार पाप मापाखे, हाइपालिपानु वाकोता परमेस्वरको स्वभाव हिखे, कालाउ वा लागातार पाप पालि मादोखे, हाइपालिपानु उङको परमेस्वरको सान्तान हि।

धिमाल

⁹ परमेस्‍वरको जामाल कुकरम पातेङमाहिखे हाइदोनु वाता परमेस्‍वरकोङ ज्‍यान हिखे। वा कुकरम पातेङ हिलिङ मादोखे हाइदोनु परमेस्‍वर दोङ वाको आबा हि।

१ युहन्‍ना 3:9 Iomraidhean Croise

मत्‍ति 7:18

एनोङ रेम्का सिङ मारेम्का सेका मासेपाखे, कालाउ मारेम्का सिङ रेम्का सेका मासेपाखे।

युहन्‍ना 1:13

इम्बालाइ ताइको आमाइ-आबासो जोलोम जेङका माको, ना ते हिदोइ बुङ द्‍याङको इच्छासो, ना ते द्‍याङको सान्तान निङलिको इच्साहोइ, कालाउ परमेस्वर पाहासो जोलोम जेङखे।

युहन्‍ना 3:3

येसु उङकोहेङ उत्तारा पिहि, “जातिङ भारि का नासेहेङ दोअ्खा, हासु बुङ नावा जेन्तेङ जोलोम माजेङनु वा परमेस्वरको सासन आनुभब पालि माद्वाङ।”

साल्न्हाका चात्या 4:20

हाइपालिपानु केलाइते ताइमिङ हिङका कालाउ तिङका काथा मादोअ्सिङ सिकापा हिलि माद्वाङ।”

रोमि 6:2

एन्सा माज्याको! केलाइते पापको भाअ्सिङ सिलि दोनाहोइ, ओदोङ भाअ्सिङ केलाइ एला लागातार जिबनता पाप पालि माएल।

गलाति 5:17

हाइपालिपानु केलाइको जिउको पापमय स्वभाबको लान्छाहोइ पबित्तरो आत्माको बिरोध पाखे, एन्साङ दोङ पबित्तरो आत्मा चाहि केलाइको जिउको पापमय स्वभाबको लान्छाको बिरोध पाखे। हाइपालिपानु इङको न्हेमि दोङ एमिसो भेनेङको सतुरु दोङ हि, ओदोङ भाअ्सिङ जेदोङ आसल काम नेलाइ पालि भोसुखेना इङको काम पालि मादोसुखेना।

तितस 1:2

एसापा इम्बालाइ परमेस्वर दोफा आनान्त जिबनको आस पाखे। हाइपालिपानु हेलाउ बुङ माधाताइका परमेस्वर, सुमिङ सिरजाइका खान्तेङ लाम्फा दोङ ताइको द्‍याङगेलाइहेङ आनान्त जिबन प्याङका दोअ्तेङ प्रतिग्या पाका हिघाहि।

1पतरुस 1:23

हाइपालिपानु नेलाइ परमेस्वरसो नावा जिबन निङका हिसुन्हा। कालाउ या जिबन नासाका काथासो निङका मान्थु सुन्हा कालाउ जेलाउलाउको भाअ्सिङ हिका काथासो निङका हिसुन्हा। केलाइ या नावा जिबन सिन्हुका कालाउ आनान्त परमेस्वरको बचनसो निङका हिनाहि।

१ युहन्‍ना 2:29

ख्रिस्ट परमेस्वरको आगाता जेदोङ आसल हि ओदोङ काम पाखे दोअ्का काथा जेसापा नेलाइ गिस्वाना पानु या काथाता नेलाइता निस्चित ज्याको, कि आसल काम पाका हासुलाउ बुङ परमेस्वरको सान्तानगेलाइ दोङ।

१ युहन्‍ना 3:6

ख्रिस्टता हिका हासु बुङ लागातार पाप पातेङ माहिखे। पाप पातेङ हिकालाइ मागिखे कि ख्रिस्ट हासु हि, वा ना ते वासेहेङ तिङका हि ना ते नाल्का दोङ हि।

१ युहन्‍ना 4:7

आनाउ, केलाइ एमिसो-भेनेङहेङ प्रेम पाइने, हाइपालिपानु प्रेम परमेस्वरसो लोखे जाइ आरुहेङ प्रेम पाखे उङको परमेस्वरको सान्तान दोङ, कालाउ वा परमेस्वरहेङ नाल्खे।

१ युहन्‍ना 5:1

येसु दोङ ख्रिस्ट हि दोअ्तेङ खाङधुरि पाका झाराङ परमेस्वरको सान्तान दोङ। जाइ आबाहेङ प्रेम पाखे वाको सान्तानगेलाइहेङ बुङ प्रेम पाखे।

१ युहन्‍ना 5:18

परमेस्वरको सान्तान हासु बुङ पाप पातेङ माहिखे, हाइपालिपानु परमेस्वरको चान येसु वासेहेङ सामाराइतेङ ताअ्खे, कालाउ साइतान बुङ वासेहेङ मासाइखे।

१ युहन्‍ना 5:4

हाइपालिपानु परमेस्वरको गोताङ सान्तान इदोइ सुमिङको मारेम्का काथागेलाइहेङ इन्कार पाका हि। कालाउ केलाइको खाङधुरिसो दोङ केलाइ इदोइ सुमिङको मारेम्का काथागेलाइहेङ जितिका हिनाहि।

३ युहन्‍ना 1:11

ओइ आनाउ खाङधुरि ओने, मारेम्का काम पाका द्‍याङगेलाइ भाइका माको, कालाउ रेम्का काम पाकालाइको आनुसरन पासु। जाइ रेम्फा पाखे वा परमेस्वरको सान्तान दोङ दोअ्तेङ तिङपाखे। जेसापा हासु बुङ मारेम्का काम पाखे पानु वा परमेस्वरहेङ नाल्का मान्थुखे।