१ युहन्‍ना 3:5 - Dhimal NT

⁵ पापको आनान्त दन्ड मोअ्पालि ख्रिस्ट इदोइ सुमिङता लोहि दोअ्का काथा नेलाइ गिसुखेना। कालाउ वा हेलाउ बुङ पाप मापाहि।

धिमाल

⁵ नेलाइ गेसुखेना, ख्रिस्‍ट द्‌याङगेलाइको कुकरमगेलाइ लाअ्‌पालि भाअ्‌सिङ लोका एइ। वाता हिदिङ कुकरम मान्‍थु।

१ युहन्‍ना 3:5 Iomraidhean Croise

मत्‍ति 1:21

वा एमि जामालको जोलोम प्यावा, नाअ् वाको मिङ येसु ताअ्पि हाइपालिपानु वा दोङ ताइको द्‍याङगेलाइहेङ ओबालाइको पापसो बान्चि पावा।”

लुका 23:41

केलाइको दन्डते न्याय उचित हि, हाइपालिपानु केलाइको काम आन्सार उचित दन्ड निङन्हाहि। कालाउ वाते हिदोइ बुङ मारेम्का काम पाका मान्थुघाहि।

लुका 23:47

रोमि सिपालाइको कप्तान इन्ता जेङका गोताङ घाटानागेलाइ तिङहि, वा परमेस्वरको बाखिन पाकाताङ दोअ्हि, जातिङ भारि इदोइ द्‍याङ निसित दोङ धर्मि द्‍याङ हिघाहि।

युहन्‍ना 1:29

न्हु दिना युहान्‍ना येसुहेङ ताइकोभारि लोका तिङतेङ दोअ्हि, खाङ, या दोङ ताइमिहेङ बलि पितेङ, सुमिङको पाप तोल्हितेङ चुम्पुका परमेस्वरको थुमा हि!

युहन्‍ना 1:31

का ताइमि दोङ वासेहेङ ख्रिस्ट दोअ्तेङ नाल्का मान्थुघाखा, कालाउ बुङ का इस्राएल सारभिको द्‍याङगेलाइ वा हासु नालाको दोअ्तेङ का चिको बप्तिस्ता पिकाताङ लोका हिघा।

युहन्‍ना 14:30

कालाउ का नेलाइ दोफा काथा पालि हेन्जा सोमोइ मान्थु, हाइपालिपानु इदोइ सुमिङको सासक साइतान लोदोङखे कालाउ वाको का ह्रुता हाइ दोङ खाबारा मान्थु।

युहन्‍ना 8:46

नेलाइ मध्येसो हासु कासेहेङ पाप पाका दुसिलि लागाइलि द्वावा? जेसापा का सत्ये धुइखा पानु, हाइ पालि नेलाइ का ह्रुता खाङधुरि मापा सुखेना?

2 कोरिन्थि 5:21

ख्रिस्टता पाप दोङ मान्थुघाहि, कालाउ परमेस्वर वासेहेङ पापि भाइपा ब्यभार पाहि, कालाउ बुङ केलाइ वाको नजरता धर्मि जेङलि द्वाको दोअ्तेङ ख्रिस्ट दोङ केलाइको पापको भाअ्सिङ दन्ड ह्रुपिहि।

1तिमोथि 1:15

इदोइ भनाइ सत्ये हि, कालाउ यासेहेङ खाङधुरि पालि द्वाङ, कि केलाइ पापिगेलाइहेङ उद्दार पालि येसु ख्रिस्ट सुमिङता लोहि, कालाउ पापिगेलाइता का झाराङ खान्तेङ हेन्जा पापि हिघा।

1तिमोथि 3:16

हिदोइ बुङ साङखा माकोसिङ केलाइ मानिन्हाखे, कि केलाइको खाङधुरिको रहस्य हेन्जाङ माहान हि: ख्रिस्ट एमि द्‍याङको रुपता देखाल जेङहि, वा पबित्तरो आत्मासो परमेस्वरको चान साबित जेङहि, स्वर्गदुतगेलाइ वासेहेङ तिङहि, गोताङ सारभिगेलाइता वाको बारेता सुसमाचार हिङपाहि, सुमिङको गोताङ द्‍याङगेलाइ वाको ह्रुता खाङधुरि पाहि, कालाउ परमेस्वर वासेहेङ महिमाको स्वर्गता चुम्पुहि।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

हिब्रु 1:3

वा दोङ परमेस्वरको महिमाको रुप कालाउ वा दोङ परमेस्वरकोङ स्वभाबको जातिङकोङ प्रति रुप हि, कालाउ गोताङ सुमिङहेङ ताइको सरबुङसाइका बचनहोइ सामाराइखे। कालाउ वा दोङ द्‍याङगेलाइहेङ ओबालाइको पापगेलाइसो स्यामा पापाका काम पालि दोतेङ वा स्वर्गता परमेस्वरको महिमाको दाम्पाहा खुर भारि झाउका साम्मानको थामेता योम्हि।

हिब्रु 4:15

केलाइ खाङधुरिहेङ थामितेङ ताअ्ताइने हाइपालिपानु केलाइको प्राधान पुजारि जाइ येसु ख्रिस्ट हि, वा केलाइको गोताङ कमजोरिगेलाइ बुझिपिखे, केलाइहेङ भाइपा साइतान येसुहेङ गोताङ काथाता जाचिहि, कालाउ बुङ वा हिदोइ बुङ पाप मापाहि।

हिब्रु 7:26

हाइपालिपानु येसु ख्रिस्ट केलाइहेङ गोइका प्राधान पुजारि राजा हिका हि। वा पबित्तरो, मादुसिका, सुद्द हि। कालाउ परमेस्वर वासेहेङ पापि द्‍याङगेलाइसो लाअ्पातेङ झाराङ खान्तेङ ह्रुता स्वर्गता ताअ्हि।

हिब्रु 9:28

एसा पासोङ हेन्जा द्‍याङगेलाइको पाप ल्होपातेङ चुम्पुलिको भाअ्सिङ ख्रिस्ट ताइमिहेङ एखे भोग पिहि, कालाउ वा आरोङ ल्वाङ, इङको बेला ताइमिहेङ पापको भोगको भाअ्सिङ माको, भरु वाको लोका दामा खाङतेङ हिकालाइहेङ बान्चिपालिको भाअ्सिङ ल्वाङ।

1पतरुस 1:18

नेलाइहेङ थाहा दोङ हि हानिका दिनागेलाइता नेलाइ ब्यर्थ तरिकाहोइ ताइको पुर्खागेलाइ कोनिङ जिबन बितिपातेङ हिघासुखेना, जेदोङ तरिकाहोइ नेलाइको पुर्खागेलाइ जिबन जियाइ घाखे। कालाउ नेलाइ इन्सिका बेक्कारको जिबनसो बान्चिपाका हिसुना। नेलाइ सोना माकुनु चान्दि भाइपा नासाका आमेनेसो चोल्न्हाका माको।

1पतरुस 1:20

इदोइ सुमिङ सिरजाइन्हाका खान्तेङ लाम्फाङ, येसु ख्रिस्ट मुक्ति दाता हिका ह्याङ दोअ्तेङ परमेस्वर सोमोइ खान्तेङ लाम्फाङ दोङ पाक्का पाका हिघाहि। कालाउ वा इदोइ आम्तिम दिनागेलाइता इदोइ सुमिङता नेलाइको फाइदाको भाअ्सिङ लोहि।

1पतरुस 2:22

धर्मसास्तरता लेखेका हि, “वा हेलाउ बुङ पाप मापाहि। वा हेलाउ बुङ हिदोइ बुङ धाताइका माधुइहि।”

1पतरुस 2:24

जेलाउ ख्रिस्ट सिहि, वा क्रुस्टता केलाइको पापको भाअ्सिङ ताइको जिउता दन्ड भोगिहि। वा इसिका पाहि कालाउकि केलाइ पाप पालि लाअ्तेङ धर्मि जेङजेङ जिबन जियाइलि तेङलि द्वाइने। कालाउ वा सहिका चोटगेलाइ पाहासो केलाइ एल्का हिनाहि।

1पतरुस 3:18

का एसा दोअ्खा हाइपालिपानु केलाइको पापको कारन ख्रिस्ट बुङ कस्ट भोगिहि। कालाउ सिहि। वा एखे खिनिङ सिहि कालाउ यासेहेङ आरोङ घुरितेङ सिलि मागोइयाङ। वा एमि धर्मि द्‍याङ हिघाहि, जाइ पापि द्‍याङगेलाइको भाअ्सिङ सिहि कालाउकि वा केलाइहेङ परमेस्वरको भेरपा चुमालि दोका हि। इम्बालाइ वाको जिउ ते सेअ्हि कालाउ वाको आत्मा सिन्हुका हि।

१ युहन्‍ना 1:2

परमेस्वर जाइ जातिङको जिबन पिखे, कालाउ द्‍याङगेलाइहेङ तिङपाहि, ओदोङ भाअ्सिङ केलाइ वाको सत्येताको बारेता दोअ्न्हाखे, कि जिबन पिका द्‍याङ जेलाउलाउको भाअ्सिङ ह्याङ कालाउ हेन्जाङ लाम्फासोङ आबा परमेस्वर दोफा हिघाहि, कालाउ एला परमेस्वर वासेहेङ केलाइकोता तिङपाका हि।

१ युहन्‍ना 1:7

कालाउ जेसाङ परमेस्वर ताइको पबित्तरोता आन्सार जेलाउ बुङ आसाल काम पाखे। एन्साङ जेलाउ केलाइ परमेस्वरको फाइसालामकाहोइ तिङपाका आसल काम पाखे कालाउ केलाइको सङगति एमिसो-भेनेङ दोफा हिखे, कालाउ वाको चान येसुको हितिहोइ केलाइ झाराङहेङ पापसो सुद्द पाखे।

१ युहन्‍ना 2:1

नेलाइ जाइ काङको आनाउ जामाललाइ भाइका हिसुन्हा, नेलाइ पाप मापासु दोअ्तेङ का इदोइ काथा नेलाइहेङ लेखेतेङ हिघा। कालाउ हिदोइ बुङ द्‍याङ पाप पाखे पानु बुङ आबा परमेस्वर दोफा केलाइको पक्स्यता धुइपिका एमि हि, जाइ केलाइको पाप स्यामाको भाअ्सिङ परमेस्वर दोफा बिन्ति पापिखे। उङको द्‍याङ दोङ येसु ख्रिस्ट हि, जाइ परमेस्वरको आगाता पुरा रुपता ठिक हि।

१ युहन्‍ना 2:2

कालाउ केलाइको पापको भाअ्सिङ ख्रिस्ट बलि जेङपिहि, कालाउ केलाइको भाअ्सिङ खिनिङ माको, कालाउ सारा सुमिङको द्‍याङगेलाइको पापको भाअ्सिङ बुङ।

१ युहन्‍ना 2:29

ख्रिस्ट परमेस्वरको आगाता जेदोङ आसल हि ओदोङ काम पाखे दोअ्का काथा जेसापा नेलाइ गिस्वाना पानु या काथाता नेलाइता निस्चित ज्याको, कि आसल काम पाका हासुलाउ बुङ परमेस्वरको सान्तानगेलाइ दोङ।

१ युहन्‍ना 3:8

जाइ लागातार पाप पाखे वा साइतान पाहासो हि। हाइपालिपानु साइतानते लाम्फासोङ पाप पाकाताङ लोका हि। साइतानको कामगेलाइ नासा पालिको भाअ्सिङ परमेस्वरको चान लोहि।

प्रकास 1:5

कालाउ येसु ख्रिस्टसो, जाइ परमेस्वरको सत्येता खाङधुरि योग्यता देखाल पापियाङ। वा दोङ हि जाइ सिका न्हुसो आरोङ सिन्हु पाहि, कालाउ वा इदोइ सुमिङको गोताङ राजागेलाइको सासक हि। कालाउ येसु ख्रिस्ट केलाइहेङ मायारु पाखे कालाउ वाको हितिहोइ केलाइहेङ केलाइको पापगेलाइसो बान्चिपाखे। वा केलाइहेङ एनोङ जाति बानाइहि जाइ दोफा परमेस्वर ओबालाइको राजाको रुपता हिका हि। कालाउ वा केलाइहेङ वाको आबा परमेस्वरको भाअ्सिङ पुजारिगेलाइ बानाइहि। वा दोङ जेलाउलाउको भाअ्सिङ साम्मान कालाउ खाबारा गोताङ सोमोइ निङलि गोयाङ। आमेन।