१ युहन्‍ना 3:16 - Dhimal NT

¹⁶ एसा पासोङ प्रेम हाइ वाला केलाइ थाहा गिनाखे, कि येसु ख्रिस्ट दोङ केलाइको भाअ्सिङ सिपिहि। ओदोङ भाअ्सिङ केलाइ बुङ आरु खान्धुराइगेलाइको भाअ्सिङ सिलि गोइलाउ बुङ तियार हिलि गोइखे।

धिमाल

¹⁶ माया हाइ एइ दोअ्‌तेङ केलाइ इताङसो गेन्‍हाखे, ख्रिस्‍ट केलाइको भाअ्‌सिङ ताइको ज्‍यान पिहि। केलाइ बुङ ताइको दादाओने बाइओनेगेलाइको भाअ्‌सिङ ताइको ज्‍यान पिलिगोयाङ।

१ युहन्‍ना 3:16 Iomraidhean Croise

मत्‍ति 20:28

जेसाङ का द्‍याङको चान, बोगेलाइको सेवा पालि इदोइ सुमिङता लोघा। कालाउ का एसापा लोका माको कि बोगेलाइ दोङ काङको सेवा पाको। का हेन्जाङ झनाहेङ काङको पापसो लाअ्पालि दोअ्तेङ ताइको जिउ पिलि लोका हिघा।

युहन्‍ना 10:11

का आसल लाखुरिया दोङ हिघा। आसल लाखुरिया ताइको भेडाको भाअ्सिङ ताइको इच्छाहोइ सिपिखे।

युहन्‍ना 13:34

का नेलाइहेङ एनोङ नावा आग्या पिखा, नेलाइ एमिसो भेनेङहेङ प्रेम पासु। जेसाङ का नेलाइहेङ प्रेम पाका हिघा, नेलाइ बुङ एमिसो भेनेङहेङ इन्सिकाङ प्रेम पासु।

युहन्‍ना 3:16

“हाइपालिपानु परमेस्वर सुमिङको द्‍याङगेलाइहेङ इसिका प्रेम पाहि, कालाउ वा दोङ ताइको एमि खिनिङ चान पिहि। कालाउकि वासेहेङ खाङधुरि पाकालाइ हासु बुङ नास माज्याको, भरु वा दोङ आनान्त जिबन निनाको।

साल्न्हाका चात्या 20:28

नेलाइ ताइको कालाउ ताइको गोताङ हुलको भाअ्सिङ चङख हिसु, पबित्तरो आत्मा नेलाइहेङ मन्डलिको आगुवा बानाइकानाङ हि। वा ताइकोङ हितिहोइ चोल्का परमेस्वरको मन्डलिहेङ नेलाइ सामाराइसु।

रोमि 16:4

इम्बालाइ काङको जिबन बान्चिपालि ताइको जिबन बुङ जोखिमता पाका हिघाहि, इम्बालाइहेङ का खिनिङ माको, भरु गैर-यहुदिगेलाइको गोताङ मन्डलिगेलाइ बुङ धन्यबाद पिखे।

रोमि 5:8

कालाउ परमेस्वर केलाइको भाअ्सिङ वाको प्रेम इदोइताङ तिङपाखे, कि केलाइ पापि हिलाउ दोङ ख्रिस्ट केलाइको भाअ्सिङ सिपिहि।

2 कोरिन्थि 4:12

ओदोङ भाअ्सिङ केलाइ सिकाको खाताराता बान्चितेङ हिनाहि, कालाउ इदोइहोइ नेलाइको भाअ्सिङ आनान्त जिबन चुमाका हि।

एफिसि 5:2

बोगेलाइको भाअ्सिङ प्रेममय जिबन बितिपासु, जेसाङ ख्रिस्ट बुङ केलाइहेङ प्रेम पाहि, कालाउ वा केलाइको पापको भाअ्सिङ ताइमिहेङ भोगको रुपता चढाइका हि। कालाउ परमेस्वर खुसि जेङहि, हाइपालिपानु बलिदान वाको भाअ्सिङ ताअ्का मालामालाका बासाना भाइका हिघाहि।

एफिसि 5:25

ओइ के गेलाइ, ताइको बे हेङ प्रेम पासु, जेसाङ ख्रिस्ट मन्डलिहेङ प्रेम पाखे। कालाउ ख्रिस्ट मन्डलिको भाअ्सिङ ताइको जिबन पिहि।

फिलिप्पि 2:17

जेलाउ का नेलाइहेङ सुसमाचार प्राचार पाघा, नेलाइ प्रभु येसुता खाङधुरि पासुन्हा कालाउ ताइको जिबन वाको बलिदानको रुपता वाको सेवाता पिसुन्हा, ओदोङ भाअ्सिङ इङको कासेहेङ सुसमाचार प्राचार पाकानाङ इम्बालाइ कासेहेङ सेअ्न्हालाउ बुङ का नेलाइ झाराङ दोफा खुसि कालाउ आनान्दित जेनाङका।

फिलिप्पि 2:30

हाइपालिपानु वा ख्रिस्टको कामको भाअ्सिङ झान्डाइ सिहि। कालाउ नेलाइ काङको भाअ्सिङ पुरा पालि माअ्दोका सेवा वा पुरा पाहि।

1 थेस्लोनिकि 2:8

केलाइ नेलाइहेङ हेन्जाङ मायारु पान्हाखे, ओदोङ भाअ्सिङ नेलाइ परमेस्वरको सुसमाचार खिनिङ माको। भरु केलाइ ताइको प्रानबुङ नेलाइहेङ पिलि भोघान्हाखे, हाइपालिपानु नेलाइ केलाइको आनाउ जेङका हिघासुखेना।

तितस 2:13

कालाउ केलाइ आस पाका दिनाको दामा खाङतेङ हिनाखे: जेदोङ दिना येसु ख्रिस्ट, जाइ केलाइको माहान परमेस्वर मुक्ति दाता हि, वा ताइको गोताङ महिमा दोफाङ इदोइ प्रिथिबिता ल्वाङ।

1पतरुस 1:18

नेलाइहेङ थाहा दोङ हि हानिका दिनागेलाइता नेलाइ ब्यर्थ तरिकाहोइ ताइको पुर्खागेलाइ कोनिङ जिबन बितिपातेङ हिघासुखेना, जेदोङ तरिकाहोइ नेलाइको पुर्खागेलाइ जिबन जियाइ घाखे। कालाउ नेलाइ इन्सिका बेक्कारको जिबनसो बान्चिपाका हिसुना। नेलाइ सोना माकुनु चान्दि भाइपा नासाका आमेनेसो चोल्न्हाका माको।

1पतरुस 2:24

जेलाउ ख्रिस्ट सिहि, वा क्रुस्टता केलाइको पापको भाअ्सिङ ताइको जिउता दन्ड भोगिहि। वा इसिका पाहि कालाउकि केलाइ पाप पालि लाअ्तेङ धर्मि जेङजेङ जिबन जियाइलि तेङलि द्वाइने। कालाउ वा सहिका चोटगेलाइ पाहासो केलाइ एल्का हिनाहि।

1पतरुस 3:18

का एसा दोअ्खा हाइपालिपानु केलाइको पापको कारन ख्रिस्ट बुङ कस्ट भोगिहि। कालाउ सिहि। वा एखे खिनिङ सिहि कालाउ यासेहेङ आरोङ घुरितेङ सिलि मागोइयाङ। वा एमि धर्मि द्‍याङ हिघाहि, जाइ पापि द्‍याङगेलाइको भाअ्सिङ सिहि कालाउकि वा केलाइहेङ परमेस्वरको भेरपा चुमालि दोका हि। इम्बालाइ वाको जिउ ते सेअ्हि कालाउ वाको आत्मा सिन्हुका हि।

१ युहन्‍ना 2:6

परमेस्वर दोफा ए हिनाहि दोअ्का द्‍याङ ताइमिङ बुङ येसुको भाइपा जिबन जियाइलि गोइखे।

१ युहन्‍ना 2:9

जाइ फाइसालामका भाइकाङ आसाल जिबन जियाइका हिघा दोअ्तेङ दोअ्खे कालाउ ताइको खान्धुराइ ओनेगेलाइहेङ मन्दा माताखे, वा एला थेकापा बुङ कितिकितिका भाइका दुस्टता जिबन जियाइतेङ हिखे।

प्रकास 1:5

कालाउ येसु ख्रिस्टसो, जाइ परमेस्वरको सत्येता खाङधुरि योग्यता देखाल पापियाङ। वा दोङ हि जाइ सिका न्हुसो आरोङ सिन्हु पाहि, कालाउ वा इदोइ सुमिङको गोताङ राजागेलाइको सासक हि। कालाउ येसु ख्रिस्ट केलाइहेङ मायारु पाखे कालाउ वाको हितिहोइ केलाइहेङ केलाइको पापगेलाइसो बान्चिपाखे। वा केलाइहेङ एनोङ जाति बानाइहि जाइ दोफा परमेस्वर ओबालाइको राजाको रुपता हिका हि। कालाउ वा केलाइहेङ वाको आबा परमेस्वरको भाअ्सिङ पुजारिगेलाइ बानाइहि। वा दोङ जेलाउलाउको भाअ्सिङ साम्मान कालाउ खाबारा गोताङ सोमोइ निङलि गोयाङ। आमेन।

प्रकास 5:9

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।