१ युहन्‍ना 3:1 - Dhimal NT

¹ बिचार पासु कि आबा परमेस्वर केलाइहेङ इसिका प्रेम पाका हि, कि केलाइ बुङ परमेस्वरको सान्तान दोअ्न्हाका हिनाहि, कालाउ जातिङकोङ केलाइ वाको सान्तान दोङ! ओदोङ भाअ्सिङ या सुमिङको द्‍याङगेलाइ केलाइहेङ मानाल्खे कि केलाइ परमेस्वरको सान्तान दोङ, हाइपालिपानु इदोइ सुमिङको द्‍याङगेलाइ परमेस्वरहेङ मानाल्खे।

धिमाल

¹ हिङसु, केलाइहेङ परमेस्‍वर आबा हेथे हेन्‍जा माया पाका हि, वाको मायाहोइ केलाइ परमेस्‍वरको जाहान दोअ्‌न्‍हाका एइ कालाउ जतिङकोङ एइ बुङ। दुनियाको द्‌याङगेलाइ परमेस्‍वरहेङ मानालनाङसिङ एम्‍बालाइ केलाइहेङ बुङ मानाल्‍खे।

१ युहन्‍ना 3:1 Iomraidhean Croise

लुका 20:36

ओदोङ बेला नेलाइ स्वर्गदुत भाइपाङ जेङस्वाना कालाउ मासिस्वाना, नेलाइ परमेस्वरको चान-चामिन्दि जेङस्वाना। हाइपालिपानु इम्बालाइहेङ आरोङ सिकासो सिन्चाल्पाखे।

युहन्‍ना 1:12

कालाउ जेथे बुङ वासेहेङ सुइकार पाहि कालाउ वा ह्रुता खाङधुरि पाहि, वा दोङ इम्बालाइहेङ परमेस्वरको सान्तान जेङलि खाबारा पिहि।

युहन्‍ना 11:52

कालाउ इस्राएललिगेलाइको भाअ्सिङ खिनिङ माको कालाउ इदोइ सुमिङता आउलि गिल्का परमेस्वरको आरु सान्तानगेलाइहेङ ए दोफाङ जोम्पालि येसु सियाङ दोअ्का हिघाहि।

युहन्‍ना 15:21

कालाउ इम्बालाइ, नेलाइहेङ साताइयावा हाइपालिपानु नेलाइ काङको चात्या हिसुना। कालाउ इम्बालाइ कासेहेङ दिङगिल्का परमेस्वरहेङ मानाल्खे।

युहन्‍ना 16:3

कालाउ इम्बालाइ इदोइ गोताङ कामगेलाइ पावा, कारन नाअ् ते इम्बालाइ आबाहेङ नाल्का हि नाअ् ते कासेहेङ दोङ नाल्खे।

युहन्‍ना 17:25

हे धर्मि न्याय पाका आबा, सुमिङको द्‍याङगेलाइ नासेहेङ मानाल्खे, कालाउ का चाहि नासेहेङ नाल्खा, कालाउ नाअ् कासेहेङ दिङगिल्का हिना दोअ्तेङ या दोङ चात्यागेलाइ गिखे।

युहन्‍ना 3:16

“हाइपालिपानु परमेस्वर सुमिङको द्‍याङगेलाइहेङ इसिका प्रेम पाहि, कालाउ वा दोङ ताइको एमि खिनिङ चान पिहि। कालाउकि वासेहेङ खाङधुरि पाकालाइ हासु बुङ नास माज्याको, भरु वा दोङ आनान्त जिबन निनाको।

रोमि 5:8

कालाउ परमेस्वर केलाइको भाअ्सिङ वाको प्रेम इदोइताङ तिङपाखे, कि केलाइ पापि हिलाउ दोङ ख्रिस्ट केलाइको भाअ्सिङ सिपिहि।

रोमि 8:19

हाइपालिपानु गोताङ सिरजाइ, बार्का आसहोइ परमेस्वरको सान्तानको देखाल जेङका खाङलि ह्रुम्तेङ हि।

रोमि 8:21

सिरजाइ ताइमिङ बुङ ओदोङ दिनाको आसता हि, जेलाउ वा सिका कालाउ बिनाससो मुक्त जेङतेङ परमेस्वरको सान्तानको महिमा दोफा स्वभागि जेनावा।

रोमि 8:32

परमेस्वर ताइको चानहेङ बुङ ताइको भाअ्सिङ बाकि माअ्ताहि, कालाउ केलाइ झाराङको भाअ्सिङ वासेहेङ सतुरुगेलाइहेङ सुम्पिपिहि, ओदोङ भाअ्सिङ वा निसित दोङ केलाइहेङ प्रतिग्या पाका गोताङ आमेने एन्साङ प्याङ।

2 कोरिन्थि 6:18

का नेलाइको आबा जेनाङका, कालाउ नेलाइ काङको चान-चामिन्दि जेङस्वाना, सरबुङसाइका परमप्रभु दोअ्खे।”

गलाति 3:26

ओदोङ भाअ्सिङ नेलाइ झाराङ झना येसु ख्रिस्टता खाङधुरि पानाङ परमेस्वरको सान्तान जेङसुन्हा।

गलाति 3:29

जेसापा नेलाइ ख्रिस्टता हिसुना पानुते नेलाइ जातिङकोङ आब्राहामको सान्तान हिसुन्हा, कालाउ वाको होक वाला हिसुन्हा कालाउ परमेस्वर आब्राहामहेङ प्याङका दोअ्का बाचा नेलाइ बुङ निङस्वाना।

कलस्सि 3:3

हाइपालिपानु नेलाइ ताइको पापमय स्वभाबता सिका हिसुना, कालाउ एला नेलाइ परमेस्वरता ख्रिस्ट दोफा ए जेङतेङ हिसुन्हा, कालाउ द्‍याङगेलाइ नेलाइको इदोइ नावा जिबनको बिसोइता माबुझिखे।

१ युहन्‍ना 3:10

परमेस्वरको सान्तान हासु कालाउ साइतानको सान्तान हासु एसापा नाल्खे, जाइ परमेस्वरको आगाता आसल काम पाखे कालाउ जाइ आरु खान्धुराइगेलाइहेङ प्रेम पाखे उङको दोङ परमेस्वरको सान्तान दोङ हि।

१ युहन्‍ना 3:2

ओइ आनाउ, एला केलाइ परमेस्वरको सान्तान दोङ, कालाउ केलाइ भबिस्यता हिसिका जेनाङ इङको एला थेकापा देखाल जेङका मान्थु। इदोइ झोको गिनाखे कि, जेलाउ वा ल्वावा, केलाइ वा भाइकाङ जेनाङ। हाइपालिपानु वा जिस्काङ हि केलाइ वासेहेङ इन्सिकाङ तिनाङ।

१ युहन्‍ना 4:17

एसापा जेलाउ केलाइ परमेस्वरता ए जेङतेङ हिनाखे, केलाइको प्रेम सिद्द जेङतेङ हानिनाखे, कालाउ केलाइ न्यायको दिनाको भाअ्सिङ थिलि मागोयाङ, कालाउ केलाइ निर्धक्क जेङतेङ वाको आगाता जाअ्लि द्वाङ, हाइपालिपानु ख्रिस्ट भाइपाङ केलाइ बुङ इदोइ सुमिङता जिबन जियाइनाखे।

प्रकास 21:7

जाइ इम्बालाइ दुस्टको सरबुङहेङ हारिपावा, ओबालाइहेङ काङकोसो इदोइ गोताङ आसिसगेलाइ प्याङका। कालाउ का वाको परमेस्वर जेनाङका कालाउ ओबालाइ बुङ काङको चानगेलाइ जेनावा।