१ युहन्‍ना 2:9 - Dhimal NT

⁹ जाइ फाइसालामका भाइकाङ आसाल जिबन जियाइका हिघा दोअ्तेङ दोअ्खे कालाउ ताइको खान्धुराइ ओनेगेलाइहेङ मन्दा माताखे, वा एला थेकापा बुङ कितिकितिका भाइका दुस्टता जिबन जियाइतेङ हिखे।

धिमाल

⁹ जाइ ताइमि जोल्‍काता हिघा दोअ्‌तेङ दोअ्‌खे कालाउ ताइको खान्‍धुरि दादाओने बाइओनेगेलाइहेङ दिगमिग पाखे पानु, इङको आरोङ बुङ कितिकितिकाता दोङ हि।

१ युहन्‍ना 2:9 Iomraidhean Croise

युहन्‍ना 9:41

येसु इम्बालाइहेङ दोअ्हि, “जेसापा नेलाइ कान्हाँ जेङका नु नेलाइ पापि माजेङधास्वाना, कालाउ एला नेलाइ तिङखा दोसुखेना, ओदोङ भाअ्सिङ नेलाइको पाप स्यामा माअ्पापियाङ।”

साल्न्हाका चात्या 1:15

इङको दिनागेलाइता खान्धुराइ ओनेगेलाइ मध्येसो पतरुस जाअ्हि (उङको द्‍याङगेलाइको सङख्या माकुलाउ बुङ: एसाइ ए कुरि हिघाहि)।

२ पत्‍रुस 1:9

कालाउ जेसापा एमि द्‍याङ एसापा जिबन माजियाइ नु, उङको एमि रेम्फा मिसियाँ तिङलि मादोका कान्हाँ द्‍याङ भाइका दोङ हि। वा इङको निल्का हि, कि ख्रिस्टता खाङधुरि पालि खान्तेङ लाम्फा वाको पाका पाप परमेस्वर स्यामा पापिका हि।

१ युहन्‍ना 1:6

जेसापा परमेस्वर दोफा केलाइको सङगति हि, दोअ्तेङ केलाइ दोअ्नाखे, कालाउ आझाइ कितिकितिकाता भाइका दुस्टता जिबन जियाइन्हाखे पानुते केलाइ धाताइन्हाखे कालाउ सत्येको आन्सार जिबन माजियाइन्हाखे।

१ युहन्‍ना 2:11

कालाउ जाइ ताइको खान्धुराइ ओनेगेलाइहेङ मन्दा माताखे, उङको कितिकितिकाता भाइकाङ दुस्टताको जिबन जियाइखे, कालाउ कितिकितिका भाइकाङ दुस्टता ता तेगिल्खे, कालाउ उङको हिसो हानितेङ हि, इङको थाहा मानिङखे, हाइपालिपानु कितिकितिका भाइकाङ दुस्टताहोइ वासेहेङ कान्हाँ बानाइका हिखे।

१ युहन्‍ना 2:4

जाइ का परमेस्वरहेङ नाल्खा दोअ्खे, कालाउ वाको आग्यागेलाइ उलङगन पाखे, उङको धाताइका हि, उङकोता सत्ये मान्थु।

१ युहन्‍ना 3:10

परमेस्वरको सान्तान हासु कालाउ साइतानको सान्तान हासु एसापा नाल्खे, जाइ परमेस्वरको आगाता आसल काम पाखे कालाउ जाइ आरु खान्धुराइगेलाइहेङ प्रेम पाखे उङको दोङ परमेस्वरको सान्तान दोङ हि।

१ युहन्‍ना 4:20

जेसापा हासु बुङ का परमेस्वरहेङ प्रेम पाखा दोअ्खे, कालाउ ताइको खान्धुराइ ओनेहेङ मन्दा माताखे पानु उङको धातुवा हि, हाइपालिपानु ताइमिङ तिङका खान्धुराइ ओनेहेङते प्रेम मापाखे पानु मातिङका परमेस्वरहेङ प्रेम पालि माद्वावा।