१ युहन्‍ना 2:6 - Dhimal NT

⁶ परमेस्वर दोफा ए हिनाहि दोअ्का द्‍याङ ताइमिङ बुङ येसुको भाइपा जिबन जियाइलि गोइखे।

धिमाल

⁶ जाइ परमेस्‍वर दोफा हिघा दोअ्‌खे वा ख्रिस्‍टकोङ डेगआन्‍सार चलेलिगोइखे।

१ युहन्‍ना 2:6 Iomraidhean Croise

मत्‍ति 11:29

काङको जुवा फाअ्सु कालाउ काङकोसो धिरसु, हाइपालिपानु का दायालु कालाउ मोनोइ हिघा, कालाउ नेलाइ ताइको प्रानता माइसा निङस्वाना।

युहन्‍ना 13:15

हाइपालिपानु का नेलाइहेङ उधाहरन तिङपाका हिघा, कालाउ जेसाङ का नेलाइको भाअ्सिङ पाघा, नेलाइ बुङ एन्साङ पासु।

युहन्‍ना 15:10

जेसापा नेलाइ काङको आग्यागेलाइ केम्सुना पानु, नेलाइ का दोफा काङको प्रेमता हितेङ हिस्वाना, जेसाङ का काङको आबाको आग्यागेलाइ केम्का हिघा, कालाउ वाको दोफा प्रेमता ह्याङका।

1 कोरिन्थि 11:1

जेसाङ का ख्रिस्टहेङ पिताइखा एन्साङ पातेङ नेलाइ बुङ काङको उधारनहेङ पिताइसु।

एफिसि 5:2

बोगेलाइको भाअ्सिङ प्रेममय जिबन बितिपासु, जेसाङ ख्रिस्ट बुङ केलाइहेङ प्रेम पाहि, कालाउ वा केलाइको पापको भाअ्सिङ ताइमिहेङ भोगको रुपता चढाइका हि। कालाउ परमेस्वर खुसि जेङहि, हाइपालिपानु बलिदान वाको भाअ्सिङ ताअ्का मालामालाका बासाना भाइका हिघाहि।

1पतरुस 2:21

परमेस्वर नेलाइहेङ काइका को कारन एनोङ कारन इदोइ हि कि नेलाइ वाको भाअ्सिङ कस्ट भोगिलि गोइस्वाना। ख्रिस्ट, जाइ नेलाइको भाअ्सिङ कस्ट भोगिहि। वा नेलाइको उधारन हि। ओदोङ भाअ्सिङ नेलाइ वाको पाका काम आनुकरन पालि गोइखे।

१ युहन्‍ना 2:28

नेलाइ जाइ काङको आनाउ जामाललाइ भाइकाङ हिसुना, लागातार ख्रिस्टता हितेङ हिसु, कालाउकि ख्रिस्ट आरोङ लोलाउ केलाइता हिम्मत ह्याको, कालाउ वाको आगमनता वाको आगाता केलाइ लेदेरलि मागोइयाको।

१ युहन्‍ना 2:4

जाइ का परमेस्वरहेङ नाल्खा दोअ्खे, कालाउ वाको आग्यागेलाइ उलङगन पाखे, उङको धाताइका हि, उङकोता सत्ये मान्थु।

१ युहन्‍ना 3:24

परमेस्वरको आग्या केम्कालाइ झाराङ वाको दोफा ए जेङतेङ हिखे, कालाउ वा इम्बालाइ दोफा ए जेङतेङ हिखे, वा केलाइहेङ पिका पबित्तरो आत्मासो केलाइ गिनाखे, कि वा केलाइ दोफा ए जेङतेङ हिखे।

१ युहन्‍ना 3:6

ख्रिस्टता हिका हासु बुङ लागातार पाप पातेङ माहिखे। पाप पातेङ हिकालाइ मागिखे कि ख्रिस्ट हासु हि, वा ना ते वासेहेङ तिङका हि ना ते नाल्का दोङ हि।

१ युहन्‍ना 4:17

एसापा जेलाउ केलाइ परमेस्वरता ए जेङतेङ हिनाखे, केलाइको प्रेम सिद्द जेङतेङ हानिनाखे, कालाउ केलाइ न्यायको दिनाको भाअ्सिङ थिलि मागोयाङ, कालाउ केलाइ निर्धक्क जेङतेङ वाको आगाता जाअ्लि द्वाङ, हाइपालिपानु ख्रिस्ट भाइपाङ केलाइ बुङ इदोइ सुमिङता जिबन जियाइनाखे।