१ युहन्‍ना 2:5 - Dhimal NT

⁵ कालाउ जाइ परमेस्वरको बचन केम्खे, वाकोता परमेस्वरको प्रेम जातिङकोङ सिद्द जेङका हिखे। केलाइ परमेस्वर दोफा ए जेङतेङ हिनाहि दोअ्का काथा इदोइसोङ निस्चित जेङन्हाखे।

धिमाल

⁵ कालाउ जाइ वाको कथन साअ्‌खे, इङको परमेस्‍वरहेङ जातिङकोङ माया पाखे। इदोङसो केलाइ परमेस्‍वरदोफा हिन्‍हाहि दोअ्‌तेङ गेन्‍हाङ।

१ युहन्‍ना 2:5 Iomraidhean Croise

लुका 11:28

कालाउ वा दोअ्हि, “धन्य द्‍याङगेलाइ जाइ परमेस्वरको बचनगेलाइ हिङखे, कालाउ केम्खे।”

युहन्‍ना 14:21

कासेहेङ प्रेम पाकालाइ ओदोङ दोङ हि, जाइ काङको आग्यागेलाइ गिखे कालाउ केम्खे। कालाउ कासेहेङ प्रेम पाकालाइहेङ काङको आबाहेङ बुङ प्रेम पावा। कालाउ का बुङ वासेहेङ प्रेम पाङका, कालाउ ताइमिहेङ वाकोता देखाल जेनाङका।

युहन्‍ना 14:23

येसु वासेहेङ जाबाफ पितेङ दोअ्हि, का ताइमिङ उङको द्‍याङगेलाइहेङ देखाल पाङका जाइ कासेहेङ प्रेम पाखे कालाउ काङको सिक्स्या पालन पाखे। कालाउ काङको आबा वासेहेङ बुङ प्रेम पावा, कालाउ केलाइ वाकोता ल्वाङ कालाउ वा दोफा ह्याङ।

युहन्‍ना 15:5

आङगुरको सिङ भाइका का दोङ हिघा कालाउ नेलाइ चाहि दालेङगेलाइ हिसुना। जेसापा हासु बुङ का दोफा हिखे पानु, कालाउ का वाकोता ह्याङका, वा हेन्जा आसाल काम पावा। हाइपालिपानु काङकोसो खेङतेङ हिनु नेलाइ हाइ दोङ पालि मादोस्वाना।

युहन्‍ना 6:56

काङको जिउ चाअ्का, कालाउ काङको हिति आम्का चाहि काङकोता ह्यावा कालाउ का वाकोता ह्याङका।

रोमि 8:1

ओदोङ भाअ्सिङ, एला ख्रिस्ट येसु दोफा हिकालाइहेङ परमेस्वर मादुसिताङ।

1 कोरिन्थि 1:30

कालाउ परमेस्वर नेलाइहेङ येसु ख्रिस्ट दोफा ए-बानाइका हि। कालाउ येसु ख्रिस्ट पाहासोङ केलाइहेङ ताइको बुद्दि पिका हि। कालाउ परमेस्वर दोङ केलाइहेङ वाको नजरता धर्मि बानाइका हि। कालाउ ख्रिस्ट पाहासो दोङ केलाइहेङ पबित्तरो बानाइका हि, कालाउ वा दोङ केलाइहेङ पापसो लाअ्पाका हि।

2 कोरिन्थि 5:17

ओदोङ भाअ्सिङ जेसापा हासुकोङ बुङ ख्रिस्ट दोफा सम्बन्ध हि पानु वाको दोफा नावा स्वभाव हि, खाङसु पुर्ना माअ्तेङ हानिहोइ नावा स्वभाव लोका हि।

2 कोरिन्थि 5:21

ख्रिस्टता पाप दोङ मान्थुघाहि, कालाउ परमेस्वर वासेहेङ पापि भाइपा ब्यभार पाहि, कालाउ बुङ केलाइ वाको नजरता धर्मि जेङलि द्वाको दोअ्तेङ ख्रिस्ट दोङ केलाइको पापको भाअ्सिङ दन्ड ह्रुपिहि।

याकुब 2:22

नाअ् तिङखेना, कि वाको कामगेलाइ दोफा-दोफाङ खाङधुरि बुङ क्रियासिल हिघाहि, कालाउ वाको कामसो बुङ वाको खाङधुरि सिद्द जेङका हिघाहि।

१ युहन्‍ना 3:24

परमेस्वरको आग्या केम्कालाइ झाराङ वाको दोफा ए जेङतेङ हिखे, कालाउ वा इम्बालाइ दोफा ए जेङतेङ हिखे, वा केलाइहेङ पिका पबित्तरो आत्मासो केलाइ गिनाखे, कि वा केलाइ दोफा ए जेङतेङ हिखे।

१ युहन्‍ना 4:17

एसापा जेलाउ केलाइ परमेस्वरता ए जेङतेङ हिनाखे, केलाइको प्रेम सिद्द जेङतेङ हानिनाखे, कालाउ केलाइ न्यायको दिनाको भाअ्सिङ थिलि मागोयाङ, कालाउ केलाइ निर्धक्क जेङतेङ वाको आगाता जाअ्लि द्वाङ, हाइपालिपानु ख्रिस्ट भाइपाङ केलाइ बुङ इदोइ सुमिङता जिबन जियाइनाखे।

१ युहन्‍ना 4:18

इसिका खाल्को प्रेमता थिका मान्थुखे, कालाउ इसिका प्रेमहोइ थिका लाअ्पाखे। हाइपालिपानु जेसापा केलाइ थिनाखे पानु केलाइ न्यायको दिनाको दन्डको भाअ्सिङ थिका हिनाखे, कालाउ इदोइहोइ तिङपाखे कि केलाइ वाको सिद्द प्रेमहेङ आनुभब पाका मान्थुन्हाहि।

१ युहन्‍ना 5:2

जेलाउ केलाइ परमेस्वरहेङ प्रेम पानाखे कालाउ वाको आग्यागेलाइ केम्न्हाखे, इदोइ पाहासो थाहा निङनाखे, कि केलाइ परमेस्वरको जामालहेङ प्रेम पानाखे।

१ युहन्‍ना 5:20

केलाइ गिनाखे, कि परमेस्वरको चान येसु ख्रिस्ट इदोइ सुमिङता लोका हि, जाइ सत्ये हि वासेहेङ नाल्लि द्वाको दोअ्तेङ परमेस्वर केलाइहेङ समझ पिका हि। जाइ सत्ये हि, केलाइ वा दोफा ए जेङतेङ हिनाहि, माकुनु वाको चान येसु ख्रिस्ट दोफा, वा दोङ सत्ये परमेस्वर कालाउ आनान्त जिबन हि।

२ युहन्‍ना 1:6

सत्ये प्रेम दोअ्का केलाइ परमेस्वरको आग्या केम्लि दोङ हि, नेलाइ दोङ ख्रिस्टहेङ पिताइका सोमोइसोङ नेलाइ हिङका हिसुना, कि परमेस्वर आग्या पिका हि कि नेलाइ एमिसो-भेनेङहेङ जेलाउ बुङ प्रेम पालि गोइखे।

प्रकास 12:17

याको कारान इङको बारका आजिङगर बेबाल दोफा हेन्जा चेर ताम्पाहि। ओदोङ भाअ्सिङ, वा उङको बेबालको सान्तानको बिरोधता धुम पालि घोसाना पाहि। इङको या द्‍याङ हि जाइ परमेस्वरको आग्या केम्खे। कालाउ जेलाउ बुङ थुमा दोङ प्रभु हि दोअ्तेङ इङको इस्थिर हिखे।

प्रकास 14:12

ओदोङ भाअ्सिङ इदोइ बुझिलि जरुरि हि कि परमेस्वरको द्‍याङगेलाइ गोताङ कस्टगेलाइ बुङ सहिलि गोइखे। ओबालाइ परमेस्वरको आग्यागेलाइ केमावा कालाउ येसुता खाङधुरि पालि मालातावा।