१ युहन्‍ना 2:21 - Dhimal NT

²¹ नेलाइ सत्येहेङ मागिसुखेना दोअ्तेङ का लेखेका माको, कालाउ हिदोइ बुङ धाताइका सिक्स्या परमेस्वर देखाल पापिका सत्येसो मालोखे दोअ्तेङ नेलाइ गिका हिनाङ का नेलाइको भाअ्सिङ लेखेदोङखा।

धिमाल

²¹ नेलाइ सतहेङ मानाल्‍सुखेना दोअ्‍तेङ का लेखेका माको, कालाउ नेलाइ सतहेङ नाल्‍का हिनाङसिङ हिदिबुङ असत सतसो मालोखे दोअ्‍तेङ नेलाइ गेका हिनाङसिङ का नेलाइहेङ लेखेका हिघा।

१ युहन्‍ना 2:21 Iomraidhean Croise

युहन्‍ना 18:37

पिलातस येसुहेङ हिअ्हि, “हाइ नाअ् राजा दोङ?” कालाउ येसु उत्तारा पिहि का राजा दोङ दोअ्तेङ नाअ् दोङ दोअ्खेना। का जोलोमलिको कालाउ इदोइ सुमिङता लोकाको कारन इदोइ हि कि का सत्येको बिसोइता धिरपालि द्वाको। इङको गोताङ जाइ कासेहेङ पिताइखे कालाउ सत्येको पालन पाखे।

युहन्‍ना 8:44

नेलाइ ताइको आबा साइतानसो हिसुना, कालाउ नेलाइ ताइको आबाको इच्छा पुरा पालि खाङसुखेना। इङकोते लाम्फासोङ ज्यान मारा हिघाहि, कालाउ वा हेलाउ बुङ सत्येबादि मान्थुघाहि। हाइपालिपानु वाकोता सत्ये मान्थुघाहि। ताइको स्वभाव आन्सार धाताइखे, हाइपालिपानु इङको धातुवा दोङ हि, हाइपालिपानु वाते धातुवाको आबा दोङ हि।

याकुब 1:19

काङको आनाउ खान्धुराइ ओनेगेलाइ, इदोइ काथा गिसु: झाराङ द्‍याङ हिङलि धेमा, नुइ धुइलि लेद्रापा कालाउ चेरताम्पालि धिला जेङलि गोइखे।

२ पत्‍रुस 1:12

लाम्फा दोङ नेलाइहेङ इदोइ काथागेलाइ थाहा जेङकाङ हि, कालाउ द्‍याङगेलाइ नेलाइहेङ धिर्पाका सत्ये सिक्स्याता बल्लियाका जेङका हिसुना, का इङको काथागेलाइको बारेता जेलाउ बुङ फोम पाअ्‌ पाङका।

१ युहन्‍ना 3:19

जेलाउ केलाइ आरुगेलाइहेङ प्रेम पानाखे एसा दोङ केलाइ गिलि दोअ्नाखे, कि केलाइ सत्येता हिनाहि। जेलाउ केलाइको मनहोइ केलाइहेङ दुसिखे, कालाउ केलाइ ताइको मनहेङ वाको आगाता सान्ति पिलि द्वाङ। हाइपालिपानु परमेस्वर केलाइको ह्रदय खान्तेङ माहान हि, कालाउ वा गोताङ काथा गिखे।

यहुदा 1:5

नेलाइ इदोइ गोताङ काथा गिका हिसुना, कालाउ बुङ एला का नेलाइहेङ फोमपापिलि भोखा, प्रभु इस्राएलिगेलाइहेङ बान्धाइतिसो लाअ्पाहि, कालाउ इम्बालाइहेङ मिस्रो सारभिसो बाहार ओल्लेपाहि, कालाउ न्हुसो वाकोता खाङधुरि मापाका झाराङहेङ वा चाका-मान्दा थामेता सेअ्हि।