१ युहन्‍ना 2:13 - Dhimal NT

¹³ नेलाइ जाइ नावा खान्धुराइगेलाइ भाइकाङ हिसुन्हा, का नेलाइको भाअ्सिङ लेखेदोङखा, हाइपालिपानु लाम्फासोङ दोङ हिका येसु ख्रिस्टहेङ नेलाइ नाल्सुखेना। नावा खान्धुराइगेलाइ, का नेलाइको भाअ्सिङ लेखेदोङखा, हाइपालिपानु नेलाइ इङको साइतानहेङ जितिका हिसुन्हा। काङको म्हुइका जामाललाइ भाइकाङ का नेलाइको भाअ्सिङ लेखेदोङखा, हाइपालिपानु नेलाइ आबा परमेस्वरहेङ नाल्का हिसुन्हा।

धिमाल

¹³ आबागेलाइ, का नेलाइहेङ लेखेदोङखा, हाइदोनु लाम्‍फासो दोङ हितेङहिका ख्रिस्‍टहेङ नेलाइ नाल्‍सुखेना। धानागेलाइ, का नेलाइहेङ लेखेदोङखा, हाइदोनु नेलाइ इङको दुरजन दियाबलसहेङ जितिका हिसुन्‍हा।

१ युहन्‍ना 2:13 Iomraidhean Croise

मत्‍ति 11:27

काङको आबा कासेहेङ गोताङ काथाको जिम्मा पिका हि। आबा बाहेक चानहेङ हासु बुङ मानाल्खे कालाउ चान बाहेक आबाहेङ हासु बुङ मानाल्खे। कालाउ चान दोङ नाल्पालि खाङकालाइहेङ चाहि आबाहेङ नाल्खे।

मत्‍ति 13:19

जेलाउ हासु बुङ परमेस्वरको सासनको सुसमाचार हिनावा, कालाउ बुङ माबुझियावा, कालाउ साइतान लावा, कालाउ वाको मनता जेदोङ बिन्हाकासो घिङतेङ चुम्पावा। दामा भारि बिन्हाका चालाइ चाहि इङको दोङ हि।

मत्‍ति 13:38

मिलिङ चाहि सुमिङको द्‍याङगेलाइ हि, रेम्का चालाइ चाहि परमेस्वरको सासनको द्‍याङगेलाइ हि, कालाउ सामा चाहि साइतानको द्‍याङगेलाइ हि।

मत्‍ति 5:37

कालाउ नाङको काथा एइनु-एइ जेनाको, कालाउ माकुनु-माको जेनाको, हाइपालिपानु इङको खान्तेङ हेन्जा चाहि साइतानको काथा दोङ हि।

लुका 10:22

काङको आबा कासेहेङ गोताङ आनेमानेको जिम्मा पिका हि। आबा बाहेक चानहेङ हासु बुङ मानाल्खे कालाउ चान बाहेक आबाहेङ हासु बुङ मानाल्खे। कालाउ चान दोङ नाल्पालि खाङकालाइहेङ चाहि आबाहेङ नाल्खे।

युहन्‍ना 14:7

नेलाइ कासेहेङ नाल्कानु, काङको आबाहेङ बुङ नाल्धास्वाना। एलासो उसो नेलाइ काङको आबाहेङ नाल्स्वाना, कालाउ नेलाइ वासेहेङ तिङलि दोका हिसुना।

युहन्‍ना 14:9

येसु वासेहेङ दोअ्हि, फिलिप, एला थेकापा का नेलाइ दोफा हिघा, कालाउ बुङ नाअ् कासेहेङ मानाल्खेना? जाइ कासेहेङ तिङका हि, वा आबाहेङ तिङका हि। नाअ् हेसा दोअ्लि द्वाना, केलाइहेङ आबा तिङपाहि?

युहन्‍ना 16:3

कालाउ इम्बालाइ इदोइ गोताङ कामगेलाइ पावा, कारन नाअ् ते इम्बालाइ आबाहेङ नाल्का हि नाअ् ते कासेहेङ दोङ नाल्खे।

युहन्‍ना 16:33

का नेलाइहेङ इदोइ काथा इदोइ कारनसो दोअ्का हिघा, कि नेलाइ सान्ति निङलि दोअ्सु, हाइपालिपानु नेलाइ काङको चात्या हिसुना। सुमिङता नेलाइहेङ दुख कस्टते जेनावा, कालाउ साहास पासु हाइपालिपानु का दोङ इदोइ सुमिङको सासक साइतानहेङ हारिपाका हिघा।

युहन्‍ना 17:21

इम्बालाइ झाराङ ए जेनाको, हे आबा, जेसाङ नाअ् काङकोता हिखेना, कालाउ का बुङ नाङको दोफा हिखा, एसापाङ इम्बालाइ बुङ केलाइता ह्याको, कालाउ नाअ् दोङ कासेहेङ दिङगिल्का दोअ्तेङ सुमिङको द्‍याङगेलाइ खाङधुरि पाको।

युहन्‍ना 17:3

कालाउ आनान्त जिबन इदोइ दोङ कि द्‍याङगेलाइ नासेहेङ एमि खिनिङ सत्ये परमेस्वर दोअ्तेङ नाल्लि द्वाको, कालाउ कासेहेङ येसु ख्रिस्ट जाइ नाअ् दोङ दिङगिल्का हि दोअ्तेङ इम्बालाइ नाल्लि द्वाको।

युहन्‍ना 8:19

इम्बालाइ येसुहेङ दोअ्हि, नाङको आबा परमेस्वर हिसो हि? येसु उत्तारा पिहि, नेलाइ ना ते कासेहेङ नाल्सुखेना नाअ् काङको आबा परमेस्वरहेङ, जेसापा नेलाइ कासेहेङ नाल्कानु काङको आबा परमेस्वरहेङ बुङ नाल्सुधाना।

2 कोरिन्थि 4:6

हाइपालिपानु परमेस्वर दोअ्हि, “कितिकितिकासो फाइसालामका चिल्काताको।” कालाउ ओदोङ परमेस्वर केलाइको ह्रदयता फाइसालामकाता भाइका केलाइहेङ फोम पाहि, कालाउकि केलाइ परमेस्वरको महिमाहोइ येसु ख्रिस्टता देखाल जेङका तिङलि द्वाको।

1तिमोथि 5:1

ताइमि खान्तेङ बार्का उमेरको वाबालाइहेङ मानाइ, कालाउ वासेहेङ आबाहेङ भाइपाङ आदार पातेङ सम्झाइ। ताइमि खान्तेङ म्हुइकालाइ दोफा ताइको खान्धुराइ ओने भाइपा ब्यभाहार पाअ्‌।

तितस 2:6

एन्साङ पातेङ धानागेलाइहेङ बुङ बुद्दिमानसो ब्यभार पाका आर्ति पि।

१ युहन्‍ना 1:1

केलाइ एमि द्‍याङको बारेता लेखेदोङन्हाखे जेदोङ परमेस्वरको बचन हि कालाउ द्‍याङगेलाइहेङ जातिङको जिबन पिखे, वा सुमिङ सिरजाइन्हा खान्तेङ लाम्फासोङ हिघाहि। कालाउ जेदोङ केलाइ एला हिङका हिनाहि कालाउ तिङका हिनाहि, कालाउ केलाइ ताइकोङ खुरहोइ साइका हिनाहि।

१ युहन्‍ना 2:1

नेलाइ जाइ काङको आनाउ जामाललाइ भाइका हिसुन्हा, नेलाइ पाप मापासु दोअ्तेङ का इदोइ काथा नेलाइहेङ लेखेतेङ हिघा। कालाउ हिदोइ बुङ द्‍याङ पाप पाखे पानु बुङ आबा परमेस्वर दोफा केलाइको पक्स्यता धुइपिका एमि हि, जाइ केलाइको पाप स्यामाको भाअ्सिङ परमेस्वर दोफा बिन्ति पापिखे। उङको द्‍याङ दोङ येसु ख्रिस्ट हि, जाइ परमेस्वरको आगाता पुरा रुपता ठिक हि।

१ युहन्‍ना 2:12

नेलाइ जाइ काङको आनाउ जामाललाइ भाइकाङ हिसुन्हा, का नेलाइको भाअ्सिङ लेखेदोङखा, हाइपालिपानु येसु ख्रिस्ट नाङको भाअ्सिङ पाका काम पाहासो परमेस्वर नेलाइको पाप स्यामा पापिका हि।

१ युहन्‍ना 2:14

नेलाइ जाइ नावा खान्धुराइगेलाइ भाइकाङ हिसुन्हा, का नेलाइको भाअ्सिङ लेखेदोङखा, हाइपालिपानु लाम्फासो दोङ हिका येसु ख्रिस्टहेङ नेलाइ नाल्सुखेना। नावा खान्धुराइगेलाइ, का नेलाइको भाअ्सिङ लेखेदोङखा, हाइपालिपानु नेलाइ खाङधुरिता बल्लियाका हिसुन्हा, कालाउ परमेस्वरको बचन नेलाइकोता हिखे, कालाउ नेलाइ इङको साइतानहेङ जितिका हिसुन्हा।

१ युहन्‍ना 3:12

आदमको चान कयिन भाइपा माजेङ, जाइ साइतानसो हिघाहि। वा ताइको ओनेहेङ सेअ्हि। वा ताइको ओनेहेङ हाइ पालि सेअ्हि? हाइपालिपानु वाको ताइको कामगेलाइ दुस्ट हिघाहि, कालाउ वाको ओनेको कामगेलाइ चाहि परमेस्वरको आगाता आसल हिघाहि।

१ युहन्‍ना 4:4

नाअ् जाइ काङको आनाउ जामाललाइ भाइकाङ हिसुना, नेलाइ चाहि परमेस्वरको द्‍याङगेलाइ हिसुना, कालाउ नेलाइ धाताइका आगमबक्तागेलाइ ह्रुता बिजोइ जेङका हिसुना। हाइपालिपानु जेदोङ पबित्तरो आत्मा नेलाइ दोफा हि, वा सुमिङता हिका साइतान जाइ इदोइ सुमिङको द्‍याङगेलाइ जाइ परमेस्वरहेङ मानाल्खे, इम्बालाइ ह्रुता खाबारा पाखे, वा इङको खान्तेङ माहान हि।

१ युहन्‍ना 5:18

परमेस्वरको सान्तान हासु बुङ पाप पातेङ माहिखे, हाइपालिपानु परमेस्वरको चान येसु वासेहेङ सामाराइतेङ ताअ्खे, कालाउ साइतान बुङ वासेहेङ मासाइखे।

१ युहन्‍ना 5:20

केलाइ गिनाखे, कि परमेस्वरको चान येसु ख्रिस्ट इदोइ सुमिङता लोका हि, जाइ सत्ये हि वासेहेङ नाल्लि द्वाको दोअ्तेङ परमेस्वर केलाइहेङ समझ पिका हि। जाइ सत्ये हि, केलाइ वा दोफा ए जेङतेङ हिनाहि, माकुनु वाको चान येसु ख्रिस्ट दोफा, वा दोङ सत्ये परमेस्वर कालाउ आनान्त जिबन हि।

प्रकास 12:11

केलाइको खान्धुराइ ओनेगेलाइ साइतानहेङ जितिका हि। इम्बालाइ थुमाको हितिको सरबुङहोइ साइतानहेङ हारिपाहि। इङको थुमा ओबालाइको पापसो लाअ्पालिको भाअ्सिङ सेअ्का हिघाहि। इम्बालाइ साइतानहेङ हारिपावा हाइपालिपानु ओबालाइ जेलाउ बुङ इदोइ सुइकार पातेङ हि कि थुमा ओलालाइको प्रभु हि। इम्बालाइहेङ साताइन्हातेङ सेन्हाहि, कालाउ बुङ ओबालाइ ताइको सुइकारसो पासा मासाराइहि।

प्रकास 2:7

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। दुस्टको सरबुङहेङ हारिपाका द्‍याङगेलाइहेङ का इङको सिङसो फल चाअ्का आनुमति प्याङका, जेदोङ सिङ जिबन पिखे, जेदोङ परमेस्वरको स्वर्गको बागाइचाता हि।