१ युहन्‍ना 1:7 - Dhimal NT

⁷ कालाउ जेसाङ परमेस्वर ताइको पबित्तरोता आन्सार जेलाउ बुङ आसाल काम पाखे। एन्साङ जेलाउ केलाइ परमेस्वरको फाइसालामकाहोइ तिङपाका आसल काम पाखे कालाउ केलाइको सङगति एमिसो-भेनेङ दोफा हिखे, कालाउ वाको चान येसुको हितिहोइ केलाइ झाराङहेङ पापसो सुद्द पाखे।

धिमाल

⁷ कालाउ वा जोल्‍काता हिनाभाइपाङ केलाइ बुङ जोल्‍काता हिन्‍हाखे पानु, एमि भेनेङदोसा केलाइको मिलाप जेनावा रो परमेस्‍वरको चान इसुको हितिहोइ केलाइहेङ गोताङ कुकरमसो चोखाइ पावा।

१ युहन्‍ना 1:7 Iomraidhean Croise

मत्‍ति 6:12

केलाइको पापगेलाइ स्यामा पापि, जेसाङ केलाइ बुङ केलाइको बिरोधता पाप पाकालाइहेङ स्यामा पिका हिनाहि।

युहन्‍ना 1:29

न्हु दिना युहान्‍ना येसुहेङ ताइकोभारि लोका तिङतेङ दोअ्हि, खाङ, या दोङ ताइमिहेङ बलि पितेङ, सुमिङको पाप तोल्हितेङ चुम्पुका परमेस्वरको थुमा हि!

युहन्‍ना 12:35

येसु ओबालाइहेङ दोअ्हि, आले बेर थेकापा फाइसालामका नेलाइको माझाता ह्यावा। फाइसालामका हिपा थेकापा हिगिल्सु, कालाउकि कितिकितिकाहोइ नेलाइहेङ माठुमाको। आधिमि कितिकितिकाता हिगिल्खे पानु, वा ताइमिङ हिसो हानिखा दोअ्तेङ थाहा मागिखे।

युहन्‍ना 5:4

हाइपालिपानु परमप्रभुको एमि स्वर्गदुत सोमोइ-सोमोइता चि कुन्डता खुअ्तेङ चि हेङगालाइ पिघाखे, कालाउ चि साल्काइका बेला जाइ लाम्फा चि लिता दुल्घाहि जिसिका मासाधिका हिलाउ बुङ उङको एल्घाहि।

रोमि 13:12

न्हिसिन हानिलि दोहोइ, कालाउ दिना चेम्ताङ लोका हि। ओदोङ भाअ्सिङ केलाइ कितिकितिकाको काम पालि लाअ्लि गोयाङ, कालाउ केलाइ फाइसालामकाता जुधिलि हातियारगेलाइ तोल्ह्याइने।

1 कोरिन्थि 6:11

नेलाइ हेथेते इन्सिकाङ हिघासुखेना, कालाउ परमेस्वर नेलाइको पाप झाअ्पिहि, कालाउ प्रभु येसु ख्रिस्टको मिङता केलाइहेङ पबित्तरो आत्मासो धर्मि कालाउ पबित्तरो बानाइहि।

एफिसि 1:7

ख्रिस्ट केलाइको भाअ्सिङ ताइको हिति होपातेङ सिकानाङ केलाइको पाप स्यामा जेङका हि कालाउ केलाइ स्वतन्तरो जेङका हिनाहि। ओह, परमेस्वरको आनुग्रह हेथे माहान हि, जाइ वा केलाइहेङ प्रसस्त पिका हि।

एफिसि 5:8

हाइपालिपानु नेलाइ कितिकितिका हिका द्‍याङगेलाइ कोनिङ हिघासुखेना, कालाउ एला नेलाइ फाइसालामकाको द्‍याङगेलाइ हिसुन्हा, हाइपालिपानु नेलाइ प्रभुको हिसुन्हा। ओदोङ भाअ्सिङ फाइसालामकाको द्‍याङगेलाइ कोनिङ जियाइसु।

1तिमोथि 6:16

वा खिनिङ एमि हि जाइ जेलाउ बुङ बान्चिका हि, कालाउ वा ओथे फाइसालामकाता हि कि, हासु बुङ वाको भेरपा हानिलि मादोखे। वासेहेङ हिदोइ बुङ द्‍याङ हेलाउ बुङ तिङका मान्थु ना ते तिङलि दोखे। वासेहेङ दोङ आदार कालाउ सरबुङ जेलाउलाउ बुङ ह्याको। आमेन।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

हिब्रु 9:14

या सोचिसु कि सिका भारि चुम्पुका कामगेलाइसो ख्रिस्टको हितिहोइ केलाइको ह्रदयहेङ ते झन हेथे हेन्जा सुद्द बानाइलि दोखे, कालाउकि केलाइ सिन्हुका परमेस्वरको आराधाना पालि द्वाको, हाइपालिपानु आनान्त आत्माको सरबुङ पाहासो ताइमिहेङ केलाइको पापको भाअ्सिङ एमि सिद्द भोगको रुपता परमेस्वरहेङ चाढाइहि।

याकुब 1:17

हाइपालिपानु हिदोइ बुङ रेम्का कालाउ सिद्द बरदान परमेस्वरसोङ लोखे, इदोइ बरदान फाइसालामकाको आबासो लोखे। परमेस्वर जेलाउ बुङ ए सामान हिखे कालाउ वा स्याइरे भाइका आदलबदल माजेङखे।

1पतरुस 1:19

कालाउ ख्रिस्टको मेनाङ जाङका हितिहोइ, जाइ सुद्द भेडाको भाइका हिघाहि।

१ युहन्‍ना 1:3

ओदोङ भाअ्सिङ जेदोङ येसुको बारेता केलाइ तिङका कालाउ हिङका हिनाहि, इङको केलाइ नेलाइहेङ हिङपाङ, कालाउकि केलाइ दोफा नेलाइको सङगति जेनाको। जेसाङ केलाइको सङगति आबा कालाउ वाको चान येसु ख्रिस्ट दोफा हि।

१ युहन्‍ना 1:5

कालाउ जेदोङ सन्‍देस केलाइ येसुसो हिङन्हाहि कालाउ नेलाइहेङ हिङपाङ, इङको इदोइ दोङ हि, कि परमेस्वर आसाल फाइसालामका भाइकाङ सुद्द हि। कालाउ वाकोता हेथे बुङ कितिकितिका भाइका दुस्टता मान्थु।

१ युहन्‍ना 5:6

या येसु ख्रिस्ट हि, जाइहेङ परमेस्वर इदोइ सुमिङता दिङगिल्हि, कालाउ चिता बप्तिस्ता ह्रुहि, कालाउ न्हुसो जेलाउ वा सिहि वाको हिति होहि, माकुनु येसु ख्रिस्ट जाइ चिसो खिनिङ बप्तिस्ता ह्रुका माको, भरु ताइको हिति होपातेङ क्रुस्टता बुङ सिहि। कालाउ पबित्तरो आत्मा साक्सि पिखे कि येसु ख्रिस्ट परमेस्वरसो लोका हि कालाउ पबित्तरो आत्मा जेलाउ बुङ सत्ये काथा दोअ्खे।

१ युहन्‍ना 5:8

केलाइ येसु ख्रिस्टको बारेता सत्ये काथा गिनाखे, हाइपालिपानु पबित्तरो आत्मा दोङ केलाइहेङ दोअ्खे, कालाउ येसु युहान्‍ना पाहासो बप्तिस्ता ह्रुहि कालाउ वा सिहि कालाउ ताइको हिति क्रुस्टता होपाहि। कालाउ इदोइ सुमनोङ काथागेलाइ एनोङ काथाको साक्सि पिखे।

२ युहन्‍ना 1:4

का हेन्जा खुसि जेङघा जेलाउ का हिङघा कि नेलाइको आधिमि जामाललाइ आग्या आन्सार सत्येता हितेङ हि, जेदोङ केलाइको आबा परमेस्वर केलाइहेङ दोअ्का हिघाहि।

३ युहन्‍ना 1:4

जेलाउ बुङ का हिङघा कि नेलाइ जाइ काङको चान-चामिन्दिगेलाइ भाइका हिसुना, परमेस्वर केलाइहेङ जातिङकोङ तिङपाका दामाता ताइको जिबन जियाइतेङ हिनाहि, इङको काथाहोइ कासेहेङ आरु हेन्जा आनन्दित पाखे।

प्रकास 1:5

कालाउ येसु ख्रिस्टसो, जाइ परमेस्वरको सत्येता खाङधुरि योग्यता देखाल पापियाङ। वा दोङ हि जाइ सिका न्हुसो आरोङ सिन्हु पाहि, कालाउ वा इदोइ सुमिङको गोताङ राजागेलाइको सासक हि। कालाउ येसु ख्रिस्ट केलाइहेङ मायारु पाखे कालाउ वाको हितिहोइ केलाइहेङ केलाइको पापगेलाइसो बान्चिपाखे। वा केलाइहेङ एनोङ जाति बानाइहि जाइ दोफा परमेस्वर ओबालाइको राजाको रुपता हिका हि। कालाउ वा केलाइहेङ वाको आबा परमेस्वरको भाअ्सिङ पुजारिगेलाइ बानाइहि। वा दोङ जेलाउलाउको भाअ्सिङ साम्मान कालाउ खाबारा गोताङ सोमोइ निङलि गोयाङ। आमेन।

प्रकास 12:11

केलाइको खान्धुराइ ओनेगेलाइ साइतानहेङ जितिका हि। इम्बालाइ थुमाको हितिको सरबुङहोइ साइतानहेङ हारिपाहि। इङको थुमा ओबालाइको पापसो लाअ्पालिको भाअ्सिङ सेअ्का हिघाहि। इम्बालाइ साइतानहेङ हारिपावा हाइपालिपानु ओबालाइ जेलाउ बुङ इदोइ सुइकार पातेङ हि कि थुमा ओलालाइको प्रभु हि। इम्बालाइहेङ साताइन्हातेङ सेन्हाहि, कालाउ बुङ ओबालाइ ताइको सुइकारसो पासा मासाराइहि।

प्रकास 7:14

कालाउ का वासेहेङ दोअ्घा, “कासेहेङ थाहा मान्थु भरु नेउ, नासेहेङ दोङ थाहा हि।” वा कासेहेङ दोअ्हि, “इदोइ द्‍याङगेलाइ हि जाइ दुख भोगिका हि। इम्बालाइ ताइको धाबा थुमाको हितिता झाअ्हि कालाउ जे:का जेङहि, याको मतलब हि कि इम्बालाइको पाप लाअ्पाका हि।