१ युहन्‍ना 1:6 - Dhimal NT

⁶ जेसापा परमेस्वर दोफा केलाइको सङगति हि, दोअ्तेङ केलाइ दोअ्नाखे, कालाउ आझाइ कितिकितिकाता भाइका दुस्टता जिबन जियाइन्हाखे पानुते केलाइ धाताइन्हाखे कालाउ सत्येको आन्सार जिबन माजियाइन्हाखे।

धिमाल

⁶ एदि केलाइ परमेस्‍वरको मिलापता हिन्‍हाहि दोअ्‌तेङ दोअ्‌न्‍हाखे कालाउ केलाइ जेलाउ बुङ आखेका काम पान्‍हाखे पानु, केलाइ असत धुइन्‍हाखे रो सतता माचलेन्‍हाखे।

१ युहन्‍ना 1:6 Iomraidhean Croise

मत्‍ति 7:22

न्यायको दिनाता हेन्जा द्‍याङगेलाइ कासेहेङ द्वावा, प्रभु-प्रभु, हाइ केलाइ नाङकोङ मिङता आगमबानि मादोअ्न्हाहि रो? कालाउ नाङकोङ मिङता केलाइ इङको भुत-आत्मागेलाइ माओल्लापानाहि रो? कालाउ नाङकोङ मिङता इस्तुङ भारबुसाइका कामगेलाइ मापानाहि रो?

युहन्‍ना 11:10

कालाउ न्हिसिन्ता हिगिल्कालाइ बोअ्खेखे, हाइपालिपानु उङको द्‍याङगेलाइ दोफा हाइ दोङ फाइसालामका मान्थुखे।”

युहन्‍ना 12:35

येसु ओबालाइहेङ दोअ्हि, आले बेर थेकापा फाइसालामका नेलाइको माझाता ह्यावा। फाइसालामका हिपा थेकापा हिगिल्सु, कालाउकि कितिकितिकाहोइ नेलाइहेङ माठुमाको। आधिमि कितिकितिकाता हिगिल्खे पानु, वा ताइमिङ हिसो हानिखा दोअ्तेङ थाहा मागिखे।

युहन्‍ना 12:46

का सुमिङको फाइसालामका भाइतेङ लोका हिघा, कालाउकि कासेहेङ खाङधुरि पाकालाइ हासु बुङ कितिकितिकाता माह्याको।

युहन्‍ना 8:12

येसु आरोङ इम्बालाइहेङ दोअ्हि, “का सुमिङको फाइसालामका हिघा। कासेहेङ पिताइकालाइ कितिकितिकाता माहिगिल्लाङ, कालाउ वाको इङको फाइसालामका निनाङ जाइ दोङ आनान्त जिबनको पिखे।”

युहन्‍ना 8:55

कालाउ नेलाइ वासेहेङ नाल्का मान्थु सुन्हा, का वासेहेङ नाल्खा। जेसापा का वासेहेङ मानाल्खा दोअ्खा पानु, का नेलाइ भाइपा धातुवा भायाङका। कालाउ का वासेहेङ नाल्खा, कालाउ वाको बचनको आग्या केम्खा।

1तिमोथि 4:2

इसिका धाताइता सिक्स्यागेलाइ कपटि पाका द्‍याङगेलाइसो लोखे। इम्बालाइको बिबेकहोइ थाहा मागिखे कि इम्बालाइ ठिक पाखे कि गलत पाखे, एन्साङ पातेङ जेलाउ हिदोइ बुङ द्‍याङको जिउ धाङका फालामहोइ ओअ्का हि पानु, धालेहोइ हाइ दोङ थाहा मागिखे।

याकुब 2:14

काङको खान्धुराइ ओनेगेलाइ, जेसापा इदोइ बुङ द्‍याङ का येसु ख्रिस्टता खाङधुरि पाङका दोअ्खे, कालाउ आसल काम चाहि मापाखे पानु, उङकोसो हाइ फाइदा? हाइ वाको खाङधुरिहोइ उङकोहेङ बान्चिपालि द्वावा रो?

याकुब 2:16

कालाउ नेलाइ मध्ये हासु बुङ, वासेहेङ “परमेस्वर नासेहेङ आसिस प्याको, कालाउ हामु भेल्पा चाअ्” खिनिङ दोअ्खे, कालाउ वाको जिउता गोइका आमेनेगेलाइ चाहि नेलाइ मापिसुन्हा पानु, इङकोसो हाइ फाइदा जेनावा रो?

याकुब 2:18

कालाउ हासु बुङ दोअ्तावा, “नाअ् येसु ख्रिस्टता खाङधुरि पासु, कालाउ का चाहि आसल कामगेलाइ पाङका।” कालाउ का दोअ्खा आसल काम माकोसिङको नाङको खाङधुरि कासेहेङ तिङपा, कालाउ काङको पाका आसल कामसो का ताइको खाङधुरि नासेहेङ तिङपाङका।

१ युहन्‍ना 1:10

जेसापा केलाइ पाप पाका मान्थुन्हाहि दोअ्तेङ केलाइ दोअ्नाखे पानु केलाइ परमेस्वरहेङ धाताइका बानाइन्हाखे, कालाउ केलाइ वाको बचनहेङ केलाइ सुइकार दोङ पाका मान्थुन्हाहि।

१ युहन्‍ना 1:3

ओदोङ भाअ्सिङ जेदोङ येसुको बारेता केलाइ तिङका कालाउ हिङका हिनाहि, इङको केलाइ नेलाइहेङ हिङपाङ, कालाउकि केलाइ दोफा नेलाइको सङगति जेनाको। जेसाङ केलाइको सङगति आबा कालाउ वाको चान येसु ख्रिस्ट दोफा हि।

१ युहन्‍ना 1:8

जेसापा केलाइता पाप मान्थु दोअ्तेङ केलाइ दोअ्नाखे पानुते केलाइ ताइमिहेङ धोका पिनाखे, कालाउ परमेस्वर तिङपाका सत्ये काथा मागिन्हाखे।

१ युहन्‍ना 2:4

जाइ का परमेस्वरहेङ नाल्खा दोअ्खे, कालाउ वाको आग्यागेलाइ उलङगन पाखे, उङको धाताइका हि, उङकोता सत्ये मान्थु।

१ युहन्‍ना 4:20

जेसापा हासु बुङ का परमेस्वरहेङ प्रेम पाखा दोअ्खे, कालाउ ताइको खान्धुराइ ओनेहेङ मन्दा माताखे पानु उङको धातुवा हि, हाइपालिपानु ताइमिङ तिङका खान्धुराइ ओनेहेङते प्रेम मापाखे पानु मातिङका परमेस्वरहेङ प्रेम पालि माद्वावा।