१ युहन्‍ना 1:2 - Dhimal NT

² परमेस्वर जाइ जातिङको जिबन पिखे, कालाउ द्‍याङगेलाइहेङ तिङपाहि, ओदोङ भाअ्सिङ केलाइ वाको सत्येताको बारेता दोअ्न्हाखे, कि जिबन पिका द्‍याङ जेलाउलाउको भाअ्सिङ ह्याङ कालाउ हेन्जाङ लाम्फासोङ आबा परमेस्वर दोफा हिघाहि, कालाउ एला परमेस्वर वासेहेङ केलाइकोता तिङपाका हि।

धिमाल

² जेलाउ इङको ज्‍यान देखाल जेङहि, केलाइ तिङन्‍हाहि। वा असिम ज्‍यान हि दोअ्‌तेङ केलाइ नेलाइहेङ दासि पितेङ दोअ्‌न्‍हाखे। वा परमेस्‍वर आबादोफा हिघाहि रो केलाइकोता देखाल जेङहि।

१ युहन्‍ना 1:2 Iomraidhean Croise

युहन्‍ना 1:18

परमेस्वरहेङ हासु बुङ हेलाउ बुङ तिङका मान्थु। कालाउ आबा दोफा हिका एमि खिनिङ चान येसु जाइ सत्ये परमेस्वर हि वासेहेङ देखाल पापाहि।

युहन्‍ना 1:4

वा दोङ जिबनको स्रोत हि, कालाउ वा दोङ गोताङ द्‍याङगेलाइहेङ फाइसालामका पिखे।

युहन्‍ना 10:28

इम्बालाइहेङ का आनान्त जिबन पिखा। कालाउ इम्बालाइ हेलाउ बुङ नास माजेनाङ, कालाउ हासु बुङ इम्बालाइहेङ काङकोसो घिङतेङ चुम्पुलि माद्वाङ।

युहन्‍ना 14:6

येसु थोमाहेङ दोअ्हि, दामा, सत्ये, कालाउ जिबन पिका का दोङ हिघा। का बाहेक हासु बुङ आबाकोता हानिलि माद्वाङ।

युहन्‍ना 16:28

का आबा पाहासो सुमिङता लोका हिघा, कालाउ आरोङ का सुमिङहेङ लाअ्तेङ आबाकोता घुरिदोङखा।

युहन्‍ना 17:3

कालाउ आनान्त जिबन इदोइ दोङ कि द्‍याङगेलाइ नासेहेङ एमि खिनिङ सत्ये परमेस्वर दोअ्तेङ नाल्लि द्वाको, कालाउ कासेहेङ येसु ख्रिस्ट जाइ नाअ् दोङ दिङगिल्का हि दोअ्तेङ इम्बालाइ नाल्लि द्वाको।

युहन्‍ना 17:5

एला हे आबा, नाअ् दोङ लोकाता काङको महिमा पि, जेदोङ महिमा सुमिङ सिर्जाइनालि खान्तेङ लाम्फाङ नाङको दोफा हिलाउ का दोफा हिघाना।

युहन्‍ना 19:35

जेदोङ द्‍याङ इदोइ गोताङ काथा तिङहि, वा साक्सि पिहि, कालाउकि नेलाइ बुङ येसुता खाङधुरि पालि दोअ्सु। कालाउ वाको साक्सि सत्ये हि। कालाउ वा गिखे कि वा सत्ये धुइका हि।

युहन्‍ना 21:14

सिकासो सिन्चालतेङ ल्होका न्हुसो येसु चात्यागेलाइकोता तिङचालाहि। इदोइ चाहि सुमतेङ जेङका हिघाहि।

युहन्‍ना 3:13

स्वर्गसो खुअ्तेङ लोका का द्‍याङको चान बाहेक आरु हासु बुङ स्वर्गता हानिका मान्थु।

युहन्‍ना 7:29

कालाउ का वासेहेङ नाल्खा, हाइपालिपानु का वाकोसो लोका हिघा, कालाउ वा कासेहेङ दिङगिल्का हि।”

युहन्‍ना 8:38

का चाहि आबा परमेस्वरको दोफा हिलाउ तिङका काथागेलाइको बारेता दोअ्खा। कालाउ बुङ नेलाइ नेलाइकोङ आबासो हिङका काथागेलाइ दोङ पासुखेना।

साल्न्हाका चात्या 1:22

युहान्नाको बप्तिस्ताको सोमोइसोङ उङको द्‍याङ दोङ केलाइ दोफा प्रभु येसुको सिन्चालकाको साक्सि जेङलि गोयाङ।”

साल्न्हाका चात्या 10:41

कालाउ येसुहेङ झाराङ द्‍याङगेलाइते तिङलि माअ्दोहि, कालाउ केलाइहेङ परमेस्वर लाम्फासोङ साक्सिको भाअ्सिङ साल्का चात्याको रुपता साल्हि, कालाउ येसु सिकासो सिन्चाल्हि कालाउ केलाइ येसु दोफा चाअ्न्हाहि आम्न्हाहि।

साल्न्हाका चात्या 2:32

इदोङ येसुहेङ परमेस्वर सिन्हु पाहि। इङको काथाको भाअ्सिङ केलाइ झाराङ साक्सि हिनाहि।

साल्न्हाका चात्या 3:15

कालाउ जाइ द्‍याङगेलाइहेङ आनान्त जिबन पिखे, नेलाइ वासेहेङ सेअ्सुन्हा वासेहेङ परमेस्वर दोङ सिकासो आरोङ सिन्हु पाहि, केलाइ या काथाको साक्सि हिनाहि।

साल्न्हाका चात्या 5:32

केलाइ इदोइ गोताङ काथाको साक्सि हिनाहि, कालाउ एन्साङ पातेङ पबित्तरो आत्मा बुङ जाइहेङ परमेस्वर ताइको आग्या केम्कालाइहेङ पिका हि।”

रोमि 8:3

हाइपालिपानु केलाइको पापमय स्वभाबको कारनहोइ जेदोङ काम मोसाको व्यवस्था बुङ पालि मादोहि, इङको ताइमिङ परमेस्वर दोङ पाहि। वा ताइको चानहेङ केलाइकोङ पापमय जिउको स्वरुपता भाइकाङ केलाइको पापको भाअ्सिङ भोग भाइपाङ दिङगिल्हि। कालाउ एसापा परमेस्वर ताइको चानको जिउपाहासो पापको सरबुङ नासा पाहि।

गलाति 4:4

कालाउ जेलाउ ठिक सोमोइ लोहि, परमेस्वर ताइको चानहेङ इदोइ सुमिङता दिङगिल्हि, कालाउ वाको जोलोम एमि बेजानसो जेङहि। कालाउ वा यहुदि जेङतेङ जोलोमहि, कालाउ मोसाको व्यवस्था केम्हि।

1तिमोथि 3:16

हिदोइ बुङ साङखा माकोसिङ केलाइ मानिन्हाखे, कि केलाइको खाङधुरिको रहस्य हेन्जाङ माहान हि: ख्रिस्ट एमि द्‍याङको रुपता देखाल जेङहि, वा पबित्तरो आत्मासो परमेस्वरको चान साबित जेङहि, स्वर्गदुतगेलाइ वासेहेङ तिङहि, गोताङ सारभिगेलाइता वाको बारेता सुसमाचार हिङपाहि, सुमिङको गोताङ द्‍याङगेलाइ वाको ह्रुता खाङधुरि पाहि, कालाउ परमेस्वर वासेहेङ महिमाको स्वर्गता चुम्पुहि।

2 तिमोथि 1:10

कालाउ एला परमेस्वर ताइको चान येसु ख्रिस्टहेङ दिङगिल्तेङ ताइको आनुग्रह तिङपाका हि। वा दोङ सिका सरबुङहेङ नासा पाहि कालाउ केलाइहेङ सुसमाचार पाहासो आनान्त जिबनको दामा तिङपाहि।

तितस 1:2

एसापा इम्बालाइ परमेस्वर दोफा आनान्त जिबनको आस पाखे। हाइपालिपानु हेलाउ बुङ माधाताइका परमेस्वर, सुमिङ सिरजाइका खान्तेङ लाम्फा दोङ ताइको द्‍याङगेलाइहेङ आनान्त जिबन प्याङका दोअ्तेङ प्रतिग्या पाका हिघाहि।

1पतरुस 5:1

का नाअ् इन्ताको मन्डलिको आगुवागेलाइहेङ हाइ दोङ दोअ्लि भोखा, हाइपालिपानु का बुङ नेलाइ भाइकाङ एमि आगुवा हिघा। का ताइमिङ ख्रिस्टको हेन्जाङ सोमोइ लाम्फा निङका कस्ट तिङका हिघा। जेलाउ वा आरोङ धुरितेङ ल्वाङ, का बुङ वाको महिमाता साझेदार जेनाङका। एला का नेलाइहेङ आग्राह पाङका।

१ युहन्‍ना 1:1

केलाइ एमि द्‍याङको बारेता लेखेदोङन्हाखे जेदोङ परमेस्वरको बचन हि कालाउ द्‍याङगेलाइहेङ जातिङको जिबन पिखे, वा सुमिङ सिरजाइन्हा खान्तेङ लाम्फासोङ हिघाहि। कालाउ जेदोङ केलाइ एला हिङका हिनाहि कालाउ तिङका हिनाहि, कालाउ केलाइ ताइकोङ खुरहोइ साइका हिनाहि।

१ युहन्‍ना 2:25

परमेस्वर केलाइहेङ प्रतिग्या पाका हि, कि वा केलाइहेङ आनान्त जिबन प्याङ।

१ युहन्‍ना 3:5

पापको आनान्त दन्ड मोअ्पालि ख्रिस्ट इदोइ सुमिङता लोहि दोअ्का काथा नेलाइ गिसुखेना। कालाउ वा हेलाउ बुङ पाप मापाहि।

१ युहन्‍ना 3:8

जाइ लागातार पाप पाखे वा साइतान पाहासो हि। हाइपालिपानु साइतानते लाम्फासोङ पाप पाकाताङ लोका हि। साइतानको कामगेलाइ नासा पालिको भाअ्सिङ परमेस्वरको चान लोहि।

१ युहन्‍ना 4:14

केलाइ चानहेङ तिङका हिनाहि, कालाउ साक्सि पिनाखे, कि आबा परमेस्वर ताइको चानहेङ सुमिङको द्‍याङगेलाइको भाअ्सिङ मुक्ति दाता जेङलि दिङगिल्हि।

१ युहन्‍ना 4:2

इदोइ पाहा नेलाइ परमेस्वरको आत्माहेङ नाल्स्वाना कि गोताङ आत्मा जाइ येसु ख्रिस्ट द्‍याङ जेङतेङ लोका हि दोअ्तेङ सुइकार पाखे, उङको परमेस्वरसो हि।

१ युहन्‍ना 5:11

साक्सि चाहि इदोइ दोङ हि, कि परमेस्वर केलाइहेङ आनान्त जिबन पिका हि कालाउ इदोइ आनान्त जिबन वा केलाइहेङ वाको चान येसु पाहासो पिहि।

१ युहन्‍ना 5:13

का इदोइ पात्तारा नेलाइहेङ लेखेदोङखा, जाइ परमेस्वरको चानको मिङता खाङधुरि पाखे कालाउकि नेलाइ या गिसु कि नेलाइ आनान्त जिबन निङका हिसुना।

१ युहन्‍ना 5:20

केलाइ गिनाखे, कि परमेस्वरको चान येसु ख्रिस्ट इदोइ सुमिङता लोका हि, जाइ सत्ये हि वासेहेङ नाल्लि द्वाको दोअ्तेङ परमेस्वर केलाइहेङ समझ पिका हि। जाइ सत्ये हि, केलाइ वा दोफा ए जेङतेङ हिनाहि, माकुनु वाको चान येसु ख्रिस्ट दोफा, वा दोङ सत्ये परमेस्वर कालाउ आनान्त जिबन हि।