१ युहन्‍ना 1:1 - Dhimal NT

¹ केलाइ एमि द्‍याङको बारेता लेखेदोङन्हाखे जेदोङ परमेस्वरको बचन हि कालाउ द्‍याङगेलाइहेङ जातिङको जिबन पिखे, वा सुमिङ सिरजाइन्हा खान्तेङ लाम्फासोङ हिघाहि। कालाउ जेदोङ केलाइ एला हिङका हिनाहि कालाउ तिङका हिनाहि, कालाउ केलाइ ताइकोङ खुरहोइ साइका हिनाहि।

धिमाल

¹ का युहन्‍ना इङको ज्‍यान पिका वचनको बारेता लेखेदोङखा। जाइ सिरजाइकाको लाम्‍फासोङ हिघाहि। केलाइ साल्‍तेङ दिङगिल्‍कालाइ वाको काथा हिङका हिन्‍हाहि, वासेहेङ मिहोइ तिङका हिन्‍हाहि, रेसेतेङ तिङका हिन्‍हाहि रो खुरहोइ साइका हिन्‍हाहि।

१ युहन्‍ना 1:1 Iomraidhean Croise

लुका 1:2

इम्बालाइ ओदोङ काथागेलाइ दोङ लेखेका हि: जेदोङ केलाइहेङ दोअ्का हिघाहि, उङको द्‍याङगेलाइसो जाइ दोङ येसुको सेवाकाइ लाम्फासोङ तिङका हिघाहि कालाउ न्हुसो इम्बालाइ परमेस्वरको बचनको सेवक जेङहि।

लुका 24:39

काङको खुर कालाउ खोकोइगेलाइ खाङसु, का हिघा। कासेहेङ साइतेङ खाङसु, या काङको हारा कालाउ बिहाको जिउ हि। भुत-आत्माकोते हारा कालाउ बिहाको जिउ मान्थुखे।

युहन्‍ना 19:35

जेदोङ द्‍याङ इदोइ गोताङ काथा तिङहि, वा साक्सि पिहि, कालाउकि नेलाइ बुङ येसुता खाङधुरि पालि दोअ्सु। कालाउ वाको साक्सि सत्ये हि। कालाउ वा गिखे कि वा सत्ये धुइका हि।

युहन्‍ना 20:27

कालाउ येसु थोमाहेङ ताइको खुर तिङपातेङ दोअ्हि, इता खाङ नाङको आङगुलिहोइ, काङको खुरको पेचाराता युकाइ कालाउ नाङको खुरहोइ काङको केङखेनेता साइ। साङखा मापा, कालाउ खाङधुरि पाअ्‌, कि का सिन्चाल्का हिघा।

युहन्‍ना 5:26

हाइपालिपानु जेसाङ आबा परमेस्वर ताइमिङ जिबनको मुहान हि, एन्साङ पातेङ वा दोङ ताइको चानहेङ बुङ जिबनको मुहान बानाइका हि।

युहन्‍ना 8:58

येसु उत्तारा पिहि, जातिङ भारि का नासेहेङ दोअ्खा, आब्राहामको जोलोम जेङका खान्तेङ का लाम्फा दोङ हिघा।

साल्न्हाका चात्या 1:3

कालाउ न्हुसो येसु दुख भोगितेङ सिहि कालाउ वा न्हे कुरि दिना थेकापा इम्बालाइकोता हेन्जाङखे तिङचालाहि कालाउ खाल-खाल्को प्रामानगेलाइसो ताइमिहेङ सिन्हुका हिघा दोअ्तेङ तिङपाहि। कालाउ वा इम्बालाइ दोफा परमेस्वरको सासनको बिसोइता काथा पाहि।

साल्न्हाका चात्या 4:20

हाइपालिपानु केलाइते ताइमिङ हिङका कालाउ तिङका काथा मादोअ्सिङ सिकापा हिलि माद्वाङ।”

हिब्रु 2:3

ओदोङ भाअ्सिङ पाक्का दोङ केलाइ बुङ साजाइ निनाङ, जेसापा इङको माहान मुक्तिहेङ वास्ता मापान्हाहि पानु। प्रभु येसु दोङ ताइमिङ लाम्फा इदोइ मुक्तिको बारेता केलाइहेङ दोअ्हि, कालाउ प्रभुहेङ हिङका चात्यागेलाइ इदोइ सत्ये हि दोअ्तेङ केलाइहेङ प्रमानित पिहि।

१ युहन्‍ना 4:14

केलाइ चानहेङ तिङका हिनाहि, कालाउ साक्सि पिनाखे, कि आबा परमेस्वर ताइको चानहेङ सुमिङको द्‍याङगेलाइको भाअ्सिङ मुक्ति दाता जेङलि दिङगिल्हि।

१ युहन्‍ना 5:7

इदोइ सुमनोङ साक्सिगेलाइ हि:

प्रकास 1:11

इङको गालाहोइ एसा दोअ्हि, “नाअ् जेदोङ तिङखेना इङको एनोङ कितापता लेखे, कालाउ इङकोहेङ न्हि लोङ दोङ मन्डलिगेलाइहेङ दिङगिल्सु, जेदोङ चाहि एफिसस सहर, स्मुरना सहर, परगाम सहर, थिआटिरा सहर, सार्दिस सहर, फिलाडेलफिया सहर कालाउ लाउडिकिया सहर हि।”

प्रकास 1:8

परमप्रभु परमेस्वर दोअ्खे, “का दोङ आल्फा कालाउ ओमेगा हिघा” का दोङ सुरु कालाउ आन्त्य हिघा। वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ, कालाउ जाइ आरोङ ल्वाङ। वा सरबुङसाइका परमप्रभु हि।

प्रकास 19:13

वा हितिहोइ चोबेका धाबागेलाइ बोअ्का हिघाहि, कालाउ वाको मिङ “परमेस्वरको बचन” हिघाहि।

प्रकास 2:8

येसु कासेहेङ एसा बुङ दोअ्हि, स्मुरना सहरको मन्डलिको स्वर्गदुतहेङ या सन्‍देस लेखे: का वाआङ हिघा जाइ गोताङ आमेने सुरु पाहि, कालाउ का आवाङ हिघा जाइ गोताङ आमेने आन्त्य बुङ पाहि। का सिका हिघाखा, कालाउ एला सिन्हुका हिघा कालाउ जेलाउलाउको बुङ भाअ्सिङ सिन्हुतेङ ह्याङका। जेदोङ का नेलाइहेङ दोअ्खा वासेहेङ हिङसु।