तितस 3:5 - धिमाल

⁵ केलाइ ताइमिङको पाका धरमाति कामसो माको, कालाउ वा दायातेङ केलाइहेङ सिन्‍हुपाहि। वा केलाइको कुकरमगेलाइ झापिहि रो केलाइहेङ पुनित हाङसासो नावा ज्‍यान पिहि।

Dhimal NT

⁵ कालाउ केलाइको ताइकोङ रेम्का कामसो माको, कालाउ वाको ताइको दायाहोइ केलाइहेङ केलाइको पापको दन्डसो बान्चिपाहि, कालाउ वा केलाइहेङ पबित्तरो आत्मा पिहि, जाइ केलाइको पापगेलाइ झाअ्पिहि कालाउ नावा जिबन पिहि कालाउ नावा तरिका जियाइलि धिरपाहि।

तितस 3:5 Iomraidhean Croise

मत्‍ति 3:11

“काचाहिँ नेलाइहेङ कुकरम लाअ्‌लिको भाअ्‌सिङ चिहोइ चिभुअ्‌लि पिखा, कालाउ बुङ कान्‍हुअ्‌सो लोका काखान्‍तेङ सरबङहिका हि, का वाको जुता चुमलि सोबाइका मान्‍थुघा। वा नेलाइहेङ पुनित हाङसा रो मेहोइ चिभुअ्‌लि प्‍यावा।

लुका 1:50

वासेहेङ थिकालाइहेङ वा खाल खालथिकापा दाया पावा।

लुका 1:54

वा ताइको आबाखालदोफा पाका बाचा पुरा पातेङ ताइको सेबक इस्राएलहेङ साघाइका हि,

लुका 1:72

वा केलाइको खालगेलाइहेङ दाया तिम्‍पालि रो ताइको पुनित केरा फोम पालि,

लुका 1:78

हाइदोनु केलाइको परमेस्‍वर दायाका हि। कालाउ वा सादेलसो ख्रिस्‍टहेङ र्‍हिमाको ल्‍होका साने भाइपाङ केलाइको माझाता दिङगिल प्‍यावा।

1 कोरिन्थि 6:11

नेलाइता हेअ्‌मि ए पहर इसिकाङ हिघासुन्‍हा। कालाउ परमेस्‍वर नेलाइको कुकरम झापिका हि रो पुनित पाका हि। एला प्रभु इसु ख्रिस्‍टको मिङता वाको हाङसासो नेलाइ परमेस्‍वरको आगाता धरमाति जेङका हिसुन्‍हा।

गलाति 2:16

कालाउ केलाइ गेन्‍हाखे, हिदिङ बुङ द्‍याङ नियम मानितेङ परमेस्‍वरको आगाता हेअ्‌लाउ धरमाति जेङलि मादोखे। कालाउ इसु ख्रिस्‍टहेङ खान्‍धुर पातेङ खिनिङ वा धरमाति जेङलि दोखे। एन्‍साङ पातेङ केलाइ बुङ नियम मानितेङ माको, कालाउ धरमाति जेङलि द्‌वाको दोअ्‌तेङ ख्रिस्‍ट इसुहेङ खान्‍धुर पाका हिन्‍हाहि।

कलस्सि 3:10

कालाउ नेलाइ परमेस्‍वरको बान्‍हाइका नावा ज्‍यान र्‍हुसुहोइना। कालाउ नेलाइ सिरजाइका परमेस्‍वरहेङ नाल्‍तेङ वा भाइकाङ जेङदोङसुखेना।

2 तिमोथि 1:9

परमेस्‍वर दोङ केलाइहेङ सिन्‍हुपातेङ ताइकोङ द्‍याङ जेङलि काइहि। केलाइको पाका कामहोइ माको, कालाउ वाको ताइकोङ बिचार रो निगाहाहोइ केलाइहेङ ताइको बान्‍हाइलि काइहि। सिरजाइ खान्‍तेङ लाम्‍फा दोङ केलाइहेङ ख्रिस्‍ट इसु इदोइ निगाहा पिका।

तितस 3:4

जेलाउ परमेस्‍वर केलाइको छुटकारापिकाको भलाइ रो दाया देखाल जेङहि,

1पतरुस 1:3

केलाइको प्रभु इसु ख्रिस्‍टको आबा परमेस्‍वरको बाखिन्‍का ज्‍याको। वा इसु ख्रिस्‍टहेङ सिकासो सिन्‍हुपातेङ परमेस्‍वरको हेन्‍जाङ दायाहोइ केलाइहेङ नावा जोलोम पिहि। इदोइखातिर केलाइको सिन्‍हुका आस इदोङ हि,

1पतरुस 2:10

लाम्‍फा ते नेलाइ परमेस्‍वरको राइति मान्‍थुसुघान्‍हा, कालाउ एला नेलाइ वाको राइति जेङका हिसुन्‍हा। ए पहर ते नेलाइ परमेस्‍वरको दाया निङका मान्‍थुसुघाना, कालाउ एला नेलाइ दाया निङका हिसुन्‍हा।

1पतरुस 3:21

इदोइहोइ बतिस्‍माहेङ तिङपाखे, जाइ नेलाइहेङ सिन्‍हुपाखे। इदोइ ताइ जिउको आखेका झाका भाइका माको, कालाउ इदोङ एल्‍का मनहोइ परमेस्‍वरदोफा पाका कबोल एइ। कालाउ जेसापा इसु ख्रिस्‍ट सिकासो सिन्‍हुपान्‍हाहि एन्‍साङ पातेङ बतिस्‍माहोइ नेलाइहेङ बुङ बान्‍चेपावा।