तितस 3:2 - धिमाल

² एम्‍बालाइ हासुङको खिलाप मापाको, गालबाजिसो फारापा ह्‍याको, नोइका ज्‍याको रो झाराङ द्‍याङगेलाइदोफा रेम्‍का बेभार तिङपाको।

Dhimal NT

² इम्बालाइ हासुको बुङ बिरोध मापाको कालाउ माचेरस्वाको, मोनोइ कालाउ गोताङ द्‍याङगेलाइ दोफा मिलितेङ हिका जेनाको।

तितस 3:2 Iomraidhean Croise

मत्‍ति 11:29

काङको जुङगेले फासु रो कासो धिरसु, हाइदोनु का नोइका रो काङको कोन्‍धाङ नोम्‍का हि, कालाउ नेलाइ ताइको आत्‍माता माइसालि निङस्‍वाना।

साल्न्हाका चात्या 23:5

पावल दोअ्‌हि, “दादाओनेगेलाइ, वा दोङ झाराङखान्‍तेङ बारा धामि हि दोअ्‌का कासेहेङ था मान्‍थुघाहि। ताइको द्‍याङगेलाइहेङ खाबरा पाका हाकिमको खिलापता मारेम्‍का काथा धुइलिमाएल दोअ्‌का धरमकिताबता लेखेन्‍हाका इङको काथा का गेखा।”

1 कोरिन्थि 6:10

खुकालाइ, दिअ्‌कालाइ, म्‍हाकालाइ, काथा पोकालाइ रो लुटिकालाइ परमेस्‍वरको सारभिता दुल्‍का खाबरा मानिनावा।

1 कोरिन्थि 9:19

हाइदोनु का फुका माको कौलाउबुङ हेन्‍जाङहेङ ख्रिस्‍टता खान्‍धुर पापालि का झाराङको बान्‍धाइभाइपाङ जेङका हिघा।

गलाति 5:22

कालाउ पुनित हाङसाको आधिनता हिगिल्‍कालाइको ज्‍यानता इदोइ काथागेलाइ हिखे : माया पालि, लेङचालि, बेराजा पालि, साहेलि दो:लि, दाया पालि रो भालाइ पालि, भर परेका जेङलि,

गलाति 6:1

दादाओने बाइओनेगेलाइ, एदि हासुङ कुकरमको जालेता परेहि पानु नेलाइ पुनित हाङसाको आधिनता चलिकालाइ नोइका जेङतेङ इङकोहेङ सुधिर पासु। इदोइता ताइमिङ बुङ मारेम्‍का कामता मावालाताइने दोअ्‌तेङ हुस पासु। माकोनु ते नेलाइ बुङ कुकरमता वालालि दोस्‍वाना।

गलाति 6:10

इदोइखातिर माउका निङतेङसाङ केलाइ झाराङको भालाइ पातेङ हानाइने। खास पातेङ एम्‍बालाइ जाइ ख्रिस्‍ट इसुहेङ खान्‍धुर पाका हि।

फिलिप्पि 4:5

नेलाइ नोइका हिसुन्‍हा दोअ्‌तेङ झाराङ द्‌याङगेलाइ ग्‍याको। प्रभु मारफाङ लोदोङखे।

1 थेस्लोनिकि 2:7

ताइको जामालाइहेङ सामार्‍हाइका आमाइभाइपाङ नेलाइको माझाता केलाइ नोइका जेङन्‍हाहि।

1तिमोथि 3:11

एन्‍साङ पातेङ एम्‍बालाइको बेअ्‌गेलाइ बुङ बोमि द्‌याङगेलाइसो मान निङका हिलि गोयाङ रो एम्‍बालाइ बोमिको बारेता मारेम्‍का काथा मापाका हिलि गोयाङ, कालाउ ताइमिङहेङ आधिनता ताअ्‌तेङ गोताङ काथाता खान्‍धुरि लाएक हिलि गोयाङ।

1तिमोथि 3:3

इङको दान्‍हाइसुका रो म्‍हागिल्‍का हिलिमागोयाङ, कालाउ इङको सहेलि दोका, सिपापा हिका रो टाका काउरिको लाल्‍चा मापाका हिलिगोयाङ।

याकुब 3:17

कालाउ जेदोङ आकिल सादेलसो लोखे, इङको पुनित, सुका पिका, नोइका रो मिलिका हिखे। इसिका आकिल दायाहोइ पोङघाका हिखे रो इङको रेम्‍का कामको फल सेपाखे। कालाउ इदोइ पछेपात रो छल मापाका जेङखे।

याकुब 4:11

दादाओने बाइओनेगेलाइ, हासुङको खिलापता मारेम्‍का काथा माधुइसु। जाइ ताइको खान्‍धुरि दादाओने बाइओनेको खिलापता आखेका काथा धुइतेङ एम्‍बालाइहेङ दुसिखे पानु, इङको नियमको खिलापता धुइखे रो नियमहेङ दुसिखे। कालाउ एदि नेलाइ नियमहेङ दुसिसुखेना पानु ते नियममाफिक माचलेसुखेना, कालाउ नियमको नियापाका कि जेङसुन्‍हा।

1पतरुस 2:1

इदोइखातिर गोताङ मारेम्‍का काथागेलाइ, जालझेल, दाहा रो बादनामिसो दुरेङ हिसु।

1पतरुस 3:10

धरमकिताब एसा दोअ्‌खे, “जाइ ताइको ज्‍यानहेङ दायाखे, रेम्‍का दिनागेलाइ तिङलि लाल्‍सा पाखे पानु, इङको ताइको देतोङहेङ मारेम्‍कासो रो ताइको दिरबेहेङ छल काथा धुइकासो फारापा ताअ्‌ताको।

1पतरुस 3:8

आखिरता दोअ्‌खा, नेलाइ झाराङ एलोङ मनको जेङतेङ एमि भेनेङहेङ तु:ता साघाइसु। ताइको दादाओने रो बाइओने भाइपाङ एमि भेनेङहेङ इन्‍ताना पासु। कालाउ नोम्‍का कोन्‍धाङको रो नोइका मनको जेङसु।

1पतरुस 4:4

एसापा नेलाइ एम्‍बालाइदोफा मारेम्‍का कामता माहिगिल्‍का तिङतेङ एम्‍बालाइ भारभुसाइखे रो नेलाइको बादनामि पाखे।

२ पत्‍रुस 2:10

खासपातेङ एम्‍बालाइहेङ, जाइ अपुनित पाका कामातुरता वालातेङहिखे रो परमेस्‍वरको खाबाराहेङ आनादर पाखे। एबालाइ अजिर, तुजुकि हिखे रो सादेलचरगेलाइको इजत बुङ मापाखे। भुरुङ उल्‍ताङ बादनामि पाखे।