तितस 2:5 - धिमाल

⁵ कालाउ ताइमिङहेङ काबुता ताअ्‌का, पुनित मन हिका, दायाका, रेम्‍फा साअ्‌द्‌वार पाका रो केअ्‌को आधिनता हिका बिद्‌या प्‍यावा। एम्‍बालाइ एन्‍सा पाहि पानु परमेस्‍वरको बिद्‌याको बादनामि जेङलि मानिनावा।

Dhimal NT

⁵ कालाउ इम्बालाइ ताइमिहेङ काबुता ताअ्का, ताइको के दोफा खाङधुरि योग्य जेङलि, दायाका, रेम्फा साअ् पातेङ चाका कालाउ के को आधिनता हिलि धिरपाको, कालाउकि परमेस्वरको बचनको निन्दा जेङलि मानिनाको।

तितस 2:5 Iomraidhean Croise

साल्न्हाका चात्या 9:36

योप्‍पा पुरता तबिता दोअ्‌का एमि प्रभुता खान्‍धुरपाका ओने हिघाहि। ग्रिक राउता वासेहेङ डोरकास दोअ्‌घाखे, जाइको माने नाकुना जेङखे। वा दिनाङ बोमिको भालाइ पाघाखे रो हाइदोङ मान्‍थुकालाइहेङ साघाइघाखे।

साल्न्हाका चात्या 9:39

कोलाउ पत्‍रुस ल्‍होतेङ एम्‍बालाइदोफा हानेहि। इन्‍ता थुकाकान्‍हुअ्‌सो एम्‍बालाइ वासेहेङ र्‍हुताको कोठाता चुमपुहि। रान्‍दिगेलाइ खारतेङ डोरकास एम्‍बालाइदोफा हिलाउ थिरतेङ ताअ्‌का धाबागेलाइ तिम्‍पातेङ पत्रुसको कोरबितिङ जोम्‍हि।

1 कोरिन्थि 11:3

एला नेलाइ इदोइ काथा बुङ गेसु दोअ्‌का का भोखा, ख्रिस्‍ट झाराङ द्‍याङको मुलेङ हि। बेअ्‌को मुलेङ केअ् रो ख्रिस्‍टको मुलेङ चाहिँ परमेस्‍वर हि।

1 कोरिन्थि 14:34

मन्‍डलिता जोम्‍लाउ बेबालाइ सिपापा ह्‍याको। एम्‍बालाइ काथाबाथा मापाको। मोसाको नियमता दोअ्‌काभाइपाङ एम्‍बालाइ आधिनताङ ह्‍याको।

कलस्सि 3:18

बेअ्‌गेलाइ, नेलाइ प्रभुहेङ मोन्‍दातापाङ ताइ केअ्‌को आधिनता हिसु।

1तिमोथि 5:10

रेम्‍का काम पातेङ इङकोको मिङ चारचाराइका हिलि गोयाङ। इङको ताइको चान चामिन्‍दिगेलाइहेङ रेम्‍फा पातेङ हुर्किपाका रो बान्‍सालाइहेङ ताइको साअ्‌ता चुमातेङ बान्‍साबुझाइका हिलि गोयाङ। कालाउ इङको परमेस्‍वरको पुनित जनगेलाइको खोकोइ झातेङ चाकर पाका, तु:ता वाङकालाइहेङ साघाइका रो इसिकाङ रेम्‍का कामगेलाइ पाका हिलिगोयाङ।

1तिमोथि 6:1

कामत्‍या ताताइको गिर्‍हिहेङ मान पालि गोयाङ दोअ्‌तेङ फोम पाको। एन्‍सा जेङनु खिनिङ हासुङ बुङ परमेस्‍वरको मिङ रो केलाइको पिका बिद्‌याहेङ दुस लागाइलि मानिनावा।

तितस 2:4

कालाउ खिनिङ इङको बेराङगेलाइ धानि बेबालाइहेङ एम्‍बालाइको केअ् रो जामालाइहेङ दाया पालि धिरपालि द्‍वावा,