तितस 2:2 - धिमाल

² वाराङ द्‍याङगेलाइहेङ ताइको मनहेङ आधिनता ताअ्‌का, इजत मान हिका, रेम्‍फा बिचार पाका, खान्‍धुरता बोल्‍याका, मायारो पाका रो गोताङ काथा सहेलि दोका हिलि गोयाङ दोअ्‌तेङ धिरपा।

Dhimal NT

² कालाउ वाराङ द्‍याङगेलाइहेङ ताइमिहेङ काबुता ताअ्लि, आदारको योग्य, समझदारिता जियाइलि, खाङधुरिता पाक्का, प्रेम कालाउ धर्यता बल्लियाका जेङलि धिरपा।

तितस 2:2 Iomraidhean Croise

मर्कुस 5:15

कोलाउ एम्‍बालाइ इसुकोता लोहि रो इङको मासान खोअ्‌का द्‍याङ एल्‍तेङ धाबा लागाइतेङ इसुदोफाङ योम्‍तेङहिघाहि। इदोइ तिङतेङ एम्‍बालाइ थिहि।

लुका 8:35

इङकोन्‍हुअ्‌सो हेन्‍जाङ द्‌याङगेलाइ हाइ जेङहि दोअ्‌तेङ इसुकोता खाङलि लोहि। कालाउ लाम्‍फा मासान सान्‍ताइका द्‌याङहेङ एल्‍तेङ एला धाबा लागाइतेङ इसुको खोकोइ भेर्पा योम्‍तेङहिका एम्‍बालाइ तिङहि। इङको तिङतेङ एम्‍बालाइ झाराङ थिहि।

साल्न्हाका चात्या 24:25

कुलाउ पावल धरम कामगेलाइ पालि गोयाङ, ताइको मनहेङ बसता ताअ्‌लि गोयाङ रो परमेस्‍वरको निसापपाका दिना लोदोङखे दोअ्‌का काथा हिम्‍पालाउ फेलिक्‍स थितेङ दोअ्‌हि, “जेङहोइ, नानि इदोइ झोको ह्‍याको, एला ना हानेलि द्‍वाना। माउका निङलाउ नासेहेङ आरोङ कायाङका।”

1 कोरिन्थि 15:34

हुस पासु, एला ओसो कुकरम मापासु। नेलाइको भाअ्‌सिङ इदोइ लेदेरलि गोइका काथा। हाइपानु नेलाइता हेअ्‌मि परमेस्‍वरहेङ नाल्‍काङ मान्‍थुसुन्‍हा।

1 कोरिन्थि 9:25

घाकाता आसि र्‍हुकालाइ जिउहेङ सादाइलि दिनाङ रफत पाखे। एम्‍बालाइ ते मुअ्‍तेङ हानेका ताज निङलि एसा पाखे। कालाउ केलाइचाहिँ मामुअ्‌का मुकुट निङलि एसा पान्‍हाखे।

गलाति 5:23

नोइका जेङलि रो ताइमिहेङ आधिनता ताअ्‌लि दोङ एइ। कालाउ इसिका काथागेलाइको खिलापता हिदिङ नियम दोङ मान्‍थु।

फिलिप्पि 4:8

एला दादाओने बाइओनेगेलाइ, जेदोङ काथा सत रो मानको हि, जेदोङ काथा नियाको रो पुनित हि, जेदोङ काथा माया लाएक रो निगाहाको हि, जेदोङ काथा रेम्‍का रो बाखिन्‍लि गोइका हि, इङकोङ काथाता मन लागाइसु।

1 थेस्लोनिकि 5:6

इदोइभाअ्‌सिङ बोमिगेलाइभाइपाङ केलाइ माजिमाइने, कालाउ नाङघातेङ ह्‍याइने रो सजक ह्‍याइने।

1 थेस्लोनिकि 5:8

कालाउ केलाइचाहिँ दिनाको चानचामिन्‍दि हिनाङ चेतता ह्‍याइने। केलाइ खान्‍धुर रो मायाको तुम्‍तापाता लागायाइने। कालाउ किटको तुपिरि भाइपाङ छुटकाराको आसहेङ होनाइने।

1तिमोथि 1:10

दुराचारिगेलाइ, वाबाल वाबालता रो बेबाल बेबालता दुराचार पाकालाइ, द्‌याङ पिअ्‌कालाइ, असत धुइकालाइ, असत दासि पिकालाइ रो सत बिद्‍याको खिलापता काम पाकालाइको भाअ्‌सिङ बनेका।

1तिमोथि 1:14

केलाइको प्रभुको निगाहा का हेन्‍जाङ निङका हिघा। ख्रिस्‍ट इसुता निङका खान्‍धुरि रो दाया प्रभु दोङ कासेहेङ पिहि।

1तिमोथि 1:2

खान्‍धुरता काङको जातिङको चान तिमोथिहेङ इदोइ चिथि लेखेदोङखा। परमेस्‍वर आबा रो केलाइको प्रभु येसु ख्रिस्‍ट नेलाइहेङ निगाहा, दाया रो सान्‍ति प्‍याको।

1तिमोथि 1:5

केलाइको पिका बिद्‍याको मुल काथा दाया पालि इदोइचाहिँ चोखो मन, रेम्‍का बिचार रो जातिङको खान्‍धुरिसो लोखे।

1तिमोथि 3:11

एन्‍साङ पातेङ एम्‍बालाइको बेअ्‌गेलाइ बुङ बोमि द्‌याङगेलाइसो मान निङका हिलि गोयाङ रो एम्‍बालाइ बोमिको बारेता मारेम्‍का काथा मापाका हिलि गोयाङ, कालाउ ताइमिङहेङ आधिनता ताअ्‌तेङ गोताङ काथाता खान्‍धुरि लाएक हिलि गोयाङ।

1तिमोथि 3:2

इसिका आगुवाचाहिँ हिदिङ दुसमान्‍थुका रो इङकोको बेअ् एलोङ खिनिङ हिलिगोयाङ। इङको ताइमिङहेङ रो ताइको मनहेङ बसता ताअ्‌लि दोका कालाउ रेम्‍का चालचलनको हिलिगोयाङ। इङको बान्‍साबुझाइका रो बोमिहेङ रेम्‍फा बिद्‌या पिका हिलिगोयाङ।

1तिमोथि 3:4

इङको ताइको साअ्द्वार रेम्‍फा चालाइलि दोका रो ताइको चानचामिन्‍दिगेलाइहेङ मान पाका रो हुकुम साअ्‌का बान्‍हायाको।

1तिमोथि 3:8

एन्‍साङ पातेङ मन्‍डलिता चाकरपाकालाइ मान निङका रो जातिङको धुइका हिलि गोयाङ। इन्‍सिकालाइ हेन्‍जाङ माम्‍हाका रो मारेम्‍का काम पातेङ टाका काउरि काम्‍हाइलि भोका द्‌याङ हिलि माएल।

1तिमोथि 5:1

वाराङगेलाइहेङ माहाप्‍काइसु, कालाउ इङकोहेङ ताइकोङ आबाहेङ भाइपाङ मान पातेङ मतो पि। कालाउ म्‍हुइकालाइहेङ चाहिँ ओनेगेलाइहेङ भाइपाङ बेभार पा।

तितस 1:13

इदोइ काथा जातिङको। इदोइभाअ्‌सिङ एम्‍बालाइहेङ बेस्‍मारि हाकाराइ रो एम्‍बालाइता पाका खान्‍धुर लोलि द्‌वाको।

तितस 1:8

इङको बान्‍सालाइहेङ मान पाका, रेम्‍का काम पालि मोन्‍दाताका, हुस ताअ्‌तेङ काम पाका, नियाइ, पुनित रो ताइमिङहेङ बसता ताअ्‌का हिलिगोयाङ।

तितस 2:7

ना दोङ गोताङ काथाता रेम्‍का कामको नामुना जेङतेङ एम्‍बालाइहेङ तिम्‍पा। ना धिरपालाउ इमानि जेङतेङ हेन्‍जाङ ल्‍हिका काथा धिरपा।

1पतरुस 1:13

इदोइखातिर काम पालिको भाअ्सिङ नेलाइको ताइको मन त्‍यार पासु। ताइमिङहेङ आधिनता ताअ्‌सु रो इसु ख्रिस्‍ट लोलाउ नेलाइको निङलि तोम्‍का सहसाम्‍पाता दोङ आस पासु।

1पतरुस 4:7

गोताङ काथागेलाइको आखिर जेङलिङ तोम्‍का हि। इदोइखातिर नेलाइ ताइको मनहेङ आधिता ताअ्‌सु रो हुसपातेङ पुकार पासु।

1पतरुस 5:8

हुस ताअ्‌सु रो चानाखा जेङसु। हाइदोनु नेलाइको दुस्‍मन दियाबलस डिकिरिम्‍का झाबिरिभाइपाङ हासुहेङ निनाङका रो चाङका दोअ्‌तेङ दाउ खान्‍तेङ घुराइगिल्‍दोङखे।

२ पत्‍रुस 1:6

नेलाइ आकिलता बार्‍हेलि ताइमिहेङ बसता ताअ्‌सु। ताइमिहेङ बसता ताअ्‌लि धिर पासु रो धिर पातेङ भक्‍ति पासु।