तितस 2:12 - धिमाल

¹² इदोइ निगाहाहोइ केलाइहेङ मारेम्‍का ज्‍यान रो दुनियाको लाल्‍सा लाअ्‌लि धिरपाखे रो इदोइ निगाहाको भाअ्‌सिङ केलाइ ताइमिङहेङ काबुता ताअ्‌तेङ इदोइ दुनियाता जातिङको रो धरमाति ज्‍यान दोपालि द्‍वाङ।

Dhimal NT

¹² हाइपालिपानु परमेस्वरको आनुग्रहहोइ केलाइहेङ मारेम्का जिबन जियाइलिसो रोकिखे, कालाउ वाको आनुग्रहसो केलाइ ताइमिहेङ काबुता ताअ्तेङ इदोइ सुमिङता सहि कालाउ आसल जिबन जियाइलि द्वाङ। जेदोङ चाहि परमेस्वरहेङ मन परिखे।

तितस 2:12 Iomraidhean Croise

मत्‍ति 12:32

हासुङ का द्‍याङको खिलापता हाइदोङ दोअ्‍हि पानु इङकोहेङ माफ ज्‍यावा, कालाउ बुङ हासुङ पुनित हाङसाको खिलापता धुइहि पानु इङकोहेङ इदोइ जुगता रो लोका जुगता बुङ माफ माज्‍यावा।

मत्‍ति 16:24

कालाउ इसु ताइको चात्‍यागेलाइहेङ दोअ्‌हि, “जाइ कासेहेङ पिताइलि लाल्‍सा पाखे पानु, वा ताइमिहेङ इन्‍ताना मार्‍याको रो ताइको कुरुस फातेङ कासेहेङ पितायाको

मत्‍ति 28:20

का नेलाइहेङ हुकुम पिका गोताङ काथा मानेलि एम्‍बालाइहेङ धिरपासु। खाङसु, का सुमिङको न्‍हुअ्‌थिकापा दिनाङ नेलाइ दोसाङ ह्‍याङका।”

लुका 1:6

इङको न्‍हेमि परमेस्‍वरको आगाता धरम हिघाखे। एम्‍बालाइ परमेस्‍वरको गोताङ हुकुम रो नियमगेलाइ माबिराइसिङ मानिघाखे।

लुका 1:75

कालाउ केलाइ माथिसिङ वाको आगाता उचित रो पुनितदोफा ज्‍यानहिपा वाको सेवा पालि निनाको।

युहन्‍ना 14:30

का नेलाइदोफा एला हेन्‍जा माधुयाङका, हाइदोनु इदोइ दुनियाको राजपाका लोदोङखे। इङको कार्‍हुता हाइदोङ सरबङ मान्‍थु।

युहन्‍ना 6:25

एम्‍बालाइ इसुहेङ जाहादि ओदोइपार दुसुतेङ वासेहेङ हिअ्‍हि, “मास्‍टर, ना इता हेअ्‌लाउ लोन्‍हा?”

साल्न्हाका चात्या 24:16

इदोङखातिर द्‍याङ रो परमेस्‍वर न्‍हेमिको आगाता का ताइको मनहेङ चोखो ताअ्‌लि भोखा।

साल्न्हाका चात्या 24:25

कुलाउ पावल धरम कामगेलाइ पालि गोयाङ, ताइको मनहेङ बसता ताअ्‌लि गोयाङ रो परमेस्‍वरको निसापपाका दिना लोदोङखे दोअ्‌का काथा हिम्‍पालाउ फेलिक्‍स थितेङ दोअ्‌हि, “जेङहोइ, नानि इदोइ झोको ह्‍याको, एला ना हानेलि द्‍वाना। माउका निङलाउ नासेहेङ आरोङ कायाङका।”

गलाति 1:4

केलाइको परमेस्‍वर आबाको लाल्‍साआन्‍सार इदोइ एलाको दुरजन दुनियासो केलाइहेङ छुटकारा पिलि प्रभु इसु ख्रिस्‍ट ताइमिङहेङ केलाइको कुकरमको भाअ्‌सिङ ताइको ज्‍यान भोक पिहि।

गलाति 5:24

कालाउ ख्रिस्‍ट इसुहेङ खान्‍धुर पाकालाइ ताइको कुकरमि आनिबानिदोफाङ दुरजन लाल्‍सागेलाइ बुङ कुरुसता टाङगाइतेङ सेअ्‌का हि।

कलस्सि 1:22

कालाउ एला परमेस्‍वर नेलाइहेङ ताइको आगाता पुनित, चोखो रो दुसमान्‍थुका दोअ्‌तेङ वाको चानको ताइकोङ जिउको भोकहोइ नेलाइहेङ वा आरोङ ताइको सानाइति बान्‍हाइहि।

1 थेस्लोनिकि 4:7

हाइपानु परमेस्‍वर केलाइहेङ अपुनितको भाअ्‌सिङ माको, कालाउ पुनितको ज्‍यान सिन्‍हुलि काइका।

1 थेस्लोनिकि 4:9

एला खान्‍धुरिगेलाइ ताताइमिता माया पाका बारेता हासुङ नेलाइहेङ हाइदोङ लेखेलि मागोयाङ। हाइपानु एमि भेनेङहेङ दाया पालि दोअ्‌का नेलाइ ताइमिङ बुङ परमेस्‍वरसो बिद्‍या निङका हिसुन्‍हा।

1तिमोथि 4:12

ना धाना हिन्‍हा दोअ्तेङ हासुङ बुङ नासेहेङ हेपेलि माद्‌वाको। कालाउ खान्‍धुरिगेलाइको माझाता नाङको धुइकाकथन, चालचलन, दाया, खान्‍धुर रो पुनित जेङका काथाता ना एअ्‌ नामुना जेङलि दो।

1तिमोथि 6:17

एला इदोइ दुनियाता गिर्‍हि जेङकालाइहेङ तुजुक मापालि दोअ्। कालाउ एम्‍बालाइको ताकाकाउरि दिनाङको भाअ्‌सिङ हितेङ माह्‍यावा। कालाउ केलाइको सुखको भाअ्‌सिङ गोताङ थोक होपाङ पिका परमेस्‍वरताङ भर ताअ्‌सु दोअ्‌तेङ एम्‍बालाइहेङ हुकुम पि।

1तिमोथि 6:9

कालाउ धनि जेङलि भोका द्‌याङ कुकरमता परेपाका काथाता वालाखे। वा निरबुदि रो हान्‍ति पाका लाल्‍सागेलाइको आस्‍तिता देखे। इदोइ आखेका लाल्‍सागेलाइ एम्‍बालाइहेङ बारबाद पाकाता रो मुअ्‌काता थुकापावा।

2 तिमोथि 3:12

ख्रिस्‍ट इसुको चाकर जेङतेङ ज्‍यान दोपालि भोकालाइहेङ सान्‍ताइका ते लोतेङसाङ ह्‍यावा।

2 तिमोथि 4:10

डेमास इदोइ दुनियाहेङ माया पातेङ कासेहेङ लाअ्‌तेङ थेसलोनिकेता हानेहि। कालाउ परमेस्‍वरको काम पालिको भाअ्‌सिङ क्रेसेन्‍सचाहिँ गलातियाता रो तितसचाहिँ दलमातियाता हानेका हि।

तितस 3:3

हाइदोनु केलाइ ताइमिङ बुङ ए पहर निरबुदि, हुकुममासाअ्‌का रो बिगारता वालाका हिघान्‍हाहि। केलाइ मारेम्‍का लाल्‍सासो रो गोताङ खालको भोगबिलासको बान्‍धाइगेलाइ हिघान्‍हाहि। केलाइ ताइको ज्‍यान आसाति रो डाहाता दोपाघान्‍हाखे। केलाइ आनादरि हिघान्‍हाहि रो एभेनेङहेङ आनादर पाघान्‍हाखे।

याकुब 1:27

परमेस्‍वर आबाहेङ मोन्‍दाताका जातिङको काथा इदोङ एइः तु:ता वालाका राँदि रो माउर्‍या माउर्‍याइनिहेङ सामर्‍हाइलि रो दुनियाको मारेम्‍का काथासो खेङन्‍हालि एइ।

२ पत्‍रुस 2:9

एसापा ताइको चाकरगेलाइहेङ आपतको दिनाता जोगाइतेङ तअ्‌लि रो दुरजनगेलाइहेङ साजाइ पिलि नियाको दिनाथिकापा ताअ्‌लि प्रभु गेखे।

२ पत्‍रुस 3:11

इदोइ गोताङ काथागेलाइ एसापा गाल्‍यावा दोअ्‌का गेतेङ पुनितता रो परमेस्‍वरहेङ लेङचापाका ज्‍यानता नेलाइ हिसिका खाल्‍को द्‍याङ हिलि गोयाङ दोअ्‌तेङ बिचार पासु।

१ युहन्‍ना 2:27

कालाउ नेलाइचाहिँ पुनित हाङसा ख्रिस्‍टता निङका हिसुन्‍हा रो नेलाइता पुनित हाङसा हितेङहिपाधाउ हासु बुङ नेलाइहेङ धिरपालिमागोयावा। हाइदोनु पुनित हाङसा दोङ नेलाइहेङ गोताङ काथा धिरपावा। कालाउ वाको धिरपाका काथा सत हिखे रो असत माहिखे। इङकोभाअ्‌सिङ पुनित हाङसाको पिका बिद्‌या मानितेङ ख्रिस्टता हितेङ हिसु।

१ युहन्‍ना 2:6

जाइ परमेस्‍वर दोफा हिघा दोअ्‌खे वा ख्रिस्‍टकोङ डेगआन्‍सार चलेलिगोइखे।

१ युहन्‍ना 5:19

केलाइ गेन्‍हाखे, परमेस्‍वरहेङ मानाल्‍का द्‌याङगेलाइ दियाबलसको खाबराता हिलाउ बुङ केलाइचाहिँ परमेस्‍वरको जाहान हिन्‍हाहि।