तितस 1:8 - धिमाल

⁸ इङको बान्‍सालाइहेङ मान पाका, रेम्‍का काम पालि मोन्‍दाताका, हुस ताअ्‌तेङ काम पाका, नियाइ, पुनित रो ताइमिङहेङ बसता ताअ्‌का हिलिगोयाङ।

Dhimal NT

⁸ कालाउ मन्डलिको आगुवा ताइको साअ्ता लोका बान्सालाइहेङ सेवा सात्कार पाका, आरुको भलाइ पाका, ताइमिहेङ काबुता ताअ्का, आसाल काम पाका, परमेस्वर दोफा समरपित हिका कालाउ आनुसासनता हिका हिलि गोइखे।

तितस 1:8 Iomraidhean Croise

लुका 2:25

इङको पहर सिमियोन दोअ्‌का द्‌याङ यरुसलेमता हिघाखे। वा धरम द्‌याङ हिघाखे रो परमेस्‍वरको भक्ति पाघाखे। वा इस्राएलिगेलाइहेङ बान्‍चेपाका द्‌याङको आस पातेङ दामा खाङघाखे। पुनित हाङसा वाकोदोफा हिघाहि।

साल्न्हाका चात्या 24:25

कुलाउ पावल धरम कामगेलाइ पालि गोयाङ, ताइको मनहेङ बसता ताअ्‌लि गोयाङ रो परमेस्‍वरको निसापपाका दिना लोदोङखे दोअ्‌का काथा हिम्‍पालाउ फेलिक्‍स थितेङ दोअ्‌हि, “जेङहोइ, नानि इदोइ झोको ह्‍याको, एला ना हानेलि द्‍वाना। माउका निङलाउ नासेहेङ आरोङ कायाङका।”

1 थेस्लोनिकि 2:10

खान्‍धुरिगेलाइको आगाता हेसापा केलाइको चालचलन पुनित, धरमाति रो दुसमान्‍थुका हिघाहि दोअ्‌तेङ परमेस्‍वर रो नेलाइ ताइमिङ दासि हिसुन्‍हा।

1तिमोथि 3:2

इसिका आगुवाचाहिँ हिदिङ दुसमान्‍थुका रो इङकोको बेअ् एलोङ खिनिङ हिलिगोयाङ। इङको ताइमिङहेङ रो ताइको मनहेङ बसता ताअ्‌लि दोका कालाउ रेम्‍का चालचलनको हिलिगोयाङ। इङको बान्‍साबुझाइका रो बोमिहेङ रेम्‍फा बिद्‌या पिका हिलिगोयाङ।

1तिमोथि 4:12

ना धाना हिन्‍हा दोअ्तेङ हासुङ बुङ नासेहेङ हेपेलि माद्‌वाको। कालाउ खान्‍धुरिगेलाइको माझाता नाङको धुइकाकथन, चालचलन, दाया, खान्‍धुर रो पुनित जेङका काथाता ना एअ्‌ नामुना जेङलि दो।

1तिमोथि 6:11

कालाउबुङ ना परमेस्‍वरको चाकर, इदोइ गोताङ मारेम्‍का काथागेलाइसो फारापाङ हि। ना परमेस्‍वरको आगा उचित ठर्‍हाइन्‍हाका काथाता, चाकरता, खान्‍धुरता, दायाता, धिरताता, नोइका जेङका काथाता ताइको मन लागाइ।

2 तिमोथि 2:22

इदोइभाअ्‌सिङ बोइसाता लोका मारेम्‍का लाल्‍सागेलाइहेङ लाअ्‌तेङ पुनित मनहोइ परमेस्‍वरदोफा साहेता र्‍हेतेङ वासेहेङ काइकालाइदोफा वाको आगाआगा उचित ठर्‍हाइन्‍हाका काथाता खान्‍धुर, दाया रो सान्‍तिता हि।

2 तिमोथि 3:3

हासुहेङ माया मापाका, निथुरि, एन्‍साङ चुक्‍लि चुका, फुका, थिलिगोइका, रेम्‍का काथा मोन्‍दामाताका जेनावा।

तितस 2:7

ना दोङ गोताङ काथाता रेम्‍का कामको नामुना जेङतेङ एम्‍बालाइहेङ तिम्‍पा। ना धिरपालाउ इमानि जेङतेङ हेन्‍जाङ ल्‍हिका काथा धिरपा।

१ युहन्‍ना 3:14

केलाइ गेन्‍हाखे, केलाइ ते सिकासो छुटकारा जेङतेङ ज्‍यानता सारेन्‍हाका हिन्‍हाहि। हाइदोनु केलाइ ताइको दादाओने बाइओनेगेलाइहेङ माया पान्‍हाखे। जाइ माया मापाखे, इङको सिकाता हितेङहिखे।

१ युहन्‍ना 5:1

इसु दोङ छुटकारा पिका ख्रिस्‍ट हि दोअ्‌तेङ खान्‍धुर पाका झाराङ परमेस्‍वरको जाहान एइ। कालाउ जाइ परमेस्‍वर आबाहेङ माया पाखे इङको चानहेङ बुङ माया पाखे।