तितस 1:4 - धिमाल

⁴ कादोफा एलोङदोङ खाल्‍को खान्‍धुरता हिका काङको जातिङको चान तितसहेङ इदोइ चिथि लेखेदोङखा। परमेस्‍वर आबा रो केलाइहेङ छुटकारा पिका ख्रिस्‍ट इसु नासेहेङ निगाहा रो सान्‍ति प्‍याको।

Dhimal NT

⁴ का इदोइ पात्तारा तितसहेङ लेखेदोङखा, नाअ् काङको ताइकोङ चान भाइका हिना, हाइपालिपानु नाअ् बुङ येसु ख्रिस्टता खाङधुरि पाखेना। आबा परमेस्वर कालाउ केलाइहेङ मुक्ति पिका येसु ख्रिस्ट नासेहेङ आनुग्रह कालाउ सान्ति प्याको।

तितस 1:4 Iomraidhean Croise

लुका 2:11

हिङसु, दाउद जोन्‍मिका पुरता नानि मुक्‍ति पिका ख्रिस्‍टको जोलोम जेङकाहि। वा दोङ प्रभु जेनावा।

युहन्‍ना 4:42

इङको बेबालहेङ एम्‍बालाइ दोअ्‌हि, “एला नाङको दोअ्‌का काथाहोइ खिनिङ केलाइ खान्‍धुर पाका माको, कुलाउ केलाइ ताइमिङ हिङका खातिरहोइ जातिङको वा दुनियाको मुक्‍तिपिका हि दोअ्तेङ केलाइ गिका हिन्‍हाहि।”

गलाति 2:3

कालाउ तितस बोजात्‍या हिघाखे रो वा का दोफाङ हिलाउ बुङ इन्‍ताको खान्‍धुरिगेलाइ इङकोहेङ खतना जेङलि गोयाङ दोअ्‌तेङ हासुङ कर मालागाइहि।

गलाति 3:26

एला नेलाइ झाराङ खान्‍धुरसो दोङ ख्रिस्‍ट इसुता परमेस्‍वरको जाहान जेङका हिसुन्‍हा।

गलाति 3:28

एला यहुदि रो बो जात्‍या, बान्‍धाइ रो फुका, वाबाल रो बेबाल, एसामान हिसुन्‍हा। हाइदोनु ख्रिस्‍ट इसुता नेलाइ एलोङ दोङ जेङका हिसुन्‍हा।

कलस्सि 1:2

कलस्‍सि पुरता हिका परमेस्‍वरको पुनित जनगेलाइ रो ख्रिस्‍टता खान्‍धुर पातेङहिका दादाओने बाइओनेगेलाइहेङ इदोइ चिथि लेखेदोङन्‍हाखे। केलाइको परमेस्‍वर आबा नेलाइहेङ निगाहा रो सुकाका प्‍याको।

1तिमोथि 1:12

काङको कामता कासेहेङ बल पिका केलाइको प्रभु इसु ख्रिस्‍टहेङ का च्‍याबास चार्‍हाइखा। वा कासेहेङ खान्‍धुर पातेङ दोङ ताइको कामता लागाइहि।

2 तिमोथि 1:1

परमेस्‍वरको लाल्‍साहोइ ख्रिस्‍ट इसुता हिका ज्‍यानको कबोलको बारेता हिङपालिको भाअ्‌सिङ का पावल ख्रिस्‍टको साल्‍तेङ दिङगिल्‍का जेङका।

2 तिमोथि 1:2

काङको जातिङको चान तिमोथिहेङ इदोइ चिथि लेखेदोङखा। परमेस्‍वर आबा रो केलाइको प्रभु इसु ख्रिस्‍ट नासेहेङ निगाहा, दाया रो सान्‍ति प्‍याको।

2 तिमोथि 4:10

डेमास इदोइ दुनियाहेङ माया पातेङ कासेहेङ लाअ्‌तेङ थेसलोनिकेता हानेहि। कालाउ परमेस्‍वरको काम पालिको भाअ्‌सिङ क्रेसेन्‍सचाहिँ गलातियाता रो तितसचाहिँ दलमातियाता हानेका हि।

तितस 1:3

कालाउ उचित पहरता दोङ वा इदोइ रेम्‍काबानाल देखाल पाहि। इदोङ रेम्‍काबानाल हिङपाका जिमा केलाइहेङ छुटकारा पिका परमेस्‍वरको हुकुम आन्‍सार कासेहेङ पिहि।

तितस 2:13

एसापा केलाइ सहसाम्‍पाको आस निङका दिना र्‍हुम्‍तेङ हिन्‍हाहि। इङको दिना केलाइको बाराका परमेस्‍वर रो छुटकारा पिका इसु ख्रिस्‍टको बाराका प्रताप तिङन्‍हावा।

२ पत्‍रुस 1:1

का इसु ख्रिस्‍टको साल्‍तेङ दिङगिल्‍का रो चाकर सिमोन पत्‍रुससो, केलाइको परमेस्‍वर रो छुटकारापिका इसु ख्रिस्‍टको धरमातितासो केलाइको भइपाङ हेन्‍जाङ जाङका खान्‍धुर निङकालाइहेङ इदोइ चिथि लेखेदोङखा।

२ पत्‍रुस 1:11

हाइपानु एसापा केलाइको प्रभु रो छुटकारापिका इसु ख्रिस्‍टको असिम सारभिलिअ्‌ता नेलाइ गाजाबसो दुल्‍लि निङस्‍वाना।

२ पत्‍रुस 2:20

एम्‍बालाइ केलाइको प्रभु रो छुटकारापिका इसु ख्रिस्‍टहेङ नाल्‍तेङ बुङ दुनियाको आखेका पापाका काथासो खाअ्‌कान्‍हुअ्‌सो आरोङ कुकरमता वालातेङ इङकोको बसता परिखे पानु, एम्‍बालाइको न्‍हु हालत लाम्‍फाको खान्‍तेङ झन आखेका ज्‍यावा।

२ पत्‍रुस 3:18

कालाउ केलाइको प्रभु रो छुटकारापिका इसु ख्रिस्‍टको निगाहा रो आकिलता बार्‍हेतेङ हानेसु। वासेहेङ एला रो दिनादिनाङ प्रताप ज्‍याको। आमेन।

२ पत्‍रुस 3:2

लाङफोरतिको पहरता पुनित आगाधुइकालाइ दोअ्‌का काथा रो नेलाइको प्रेरितगेलाइसो पिका प्रभु रो छुटकारा पिकाको हुकुमहेङ नेलाइ फोम पासु।

१ युहन्‍ना 5:14

केलाइ परमेस्‍वरको आगाता हानेलाउ हाउसेन्‍हाखे, हाइपानु वाको लाल्‍साआन्‍सार जेदोङ र्‍हेलाउ बुङ वा केलाइको काथा हिङखे।