तितस 1:11 - धिमाल

¹¹ एबालाइको नुइता बिजाला मालागाइसिङ माज्‍याङ हाइदोनु एम्‍बालाइ ते धिरपालिङ माएल्‍का काथागेलाइ धिरपातेङ पुराङ साअ् जाहानता उपदर्‍या माचाइका हि। खालि ताकाकाउरि कामाइलिको भाअ्‌सिङ एम्‍बालाइ एसा पाका एइ।

Dhimal NT

¹¹ इसिका धाताइका सिक्स्या द्‍याङगेलाइहेङ धिरपालि मापि। हाइपालिपानु इम्बालाइ धिरपालि मागोइका धिरपातेङ पुराङ साअ्को जाहानको खाङधुरिहेङ नासा पापिका हि। इम्बालाइ ताका कामाइलिको भाअ्सिङ इन्सिका पाखे।

तितस 1:11 Iomraidhean Croise

मत्‍ति 23:13

“धिकार धरम मास्‍टर रो फरिसिगेलाइ! नेलाइ चिम्‍काटा हिसुन्‍हा। हाइपानु नेलाइ सादेलको सारभिको फिनु गिअ्‌का हिसुन्‍हा। नेलाइ ताइमि बुङ लिअ्‌ता मादुल्‍सुखेना रो लिअ्‌ता दुल्‍लि ना ताइमिङ दुल्‍सुखेना ना भोकालाइहेङ बुङ दुल्‍लि पिसुखेना।

लुका 20:40

इङकोन्‍हुअ्‌सो द्‍याङगेलाइ वासेहेङ आरोङ हिदि बुङ काथा हिअ्‌लि लुर दोङ मापाहि।

युहन्‍ना 10:12

किराइको द्‍याङचाहिँ ताइकोङ घोकाभाइका माको। इङको ते झारखियाहेङ लोका तिङतेङ भेडागेलाइहेङ लाअ्‌तेङ खाअ्‌खे। इङकोन्‍हुअ्‌सो झारखिया भेरागेलाइहेङ झाअ्‌मेरेतेङ चुम्‍पुखे रो इसोउसो पापिखे।

1तिमोथि 5:13

कालाउ बोइसाहिका रान्‍दिगेलाइको मिङ चार्‍हाइनु ते एम्‍बालाइ बोमिको साअ्‌साअ्‌ता घुराइका बानि जेङतेङ कुर्‍ह्‍याइनि जेङखे। इङको खिनिङ माको बोमिको काथा पाका, झागारा पापाका रो धुइलिङ माएल्‍का काथा बुङ धुइका हिखे।

1तिमोथि 5:4

कालाउ चान चामिन्‍दि माकोनु वाजान चुअ्‌ बेजना चुअ्गेलाइ हिका रान्‍दिगेलाइहेङ चाहिँ वाकोङ चान चामिन्‍दि रो वाजान चुअ् बेजान चुअ्‌गेलाइ दोङ पोसेतेङ ताइको पालि गोइका जिमा पुरा पालि धिराको। एसा पातेङ एम्‍बालाइ ताइको आबा आमाइको पाका गुन तिर्‍याको। हाइपानु परमेस्‍वर एसा पाका मोन्‍दाताखे।

1तिमोथि 6:5

इसिका द्‍याङगेलाइ ते एकोर्‍ह्‍या जेङतेङ गनगन खिनिङ पातेङहिखे रो इन्‍सिकालाइको आकिल दोङ बिगिरका हिखे। एम्‍बालाइ सत दोङ राम्‍पाका हिखे रो परमेस्‍वरको बारेता बिद्‌या पिलिचाहि ताका कामाइका रेम्‍का दामा दोअ्‌तेङ एम्‍बालाइ फोमपाखे।

2 तिमोथि 2:18

एबालाइ सतहेङ लाअ्‌का हि रो सिकासो सिन्‍हुका काम लाम्‍फा दोङ जेङहोइ। एला माज्‍याङ दोअ्‌का बिद्‌या धिरपातेङ एम्‍बालाइ हेअ्‌मिको खान्‍धुर दोङ बिगिरपापिहि।

2 तिमोथि 3:6

एम्‍बालाइको माझाता हेथे द्‍याङगेलाइ साअ्साअ्‌ता हानेतेङ कुकरमकुकरमहोइ रो कुकरमकोङ लाल्‍सा ताअ्‌का बेबाल द्‌याङगेलाइहेङ ताइको बसता ताअ्‌तावा।

तितस 1:7

हाइदोनु मन्‍डलिको आगुवा परमेस्‍वरको कामको जिमा र्‍हुका हिखे। इदोइभाअ्‌सिङ इङको हिदिङ दुस मान्‍थुका द्‌याङ हिलिगोयाङ। इङको ताइमिङ पाका, मारफाङ चेरताम्‍पाका, म्‍हाका, चेरसुका रो मारेम्‍का काम पातेङ टाका कामाइका हिलिमागोयाङ।

तितस 1:9

ताइमिको निङका जातिङको बिद्‍याता लागेतेङ हिका रो बोमिहेङ बुङ इदोइ बिद्‍या पितेङ बल पिलि दोका जेङलिगोयाङ। एसापा इदोइ बिद्‌या धिरपाका माफिक हिलिगोयाङ कालाउ याको खिलाप पाकालाइको बिरामहेङ तिम्‍पापिलि द्‍वाना।

तितस 3:10

बेमेल चुमाका द्‍याङहेङ एखे न्‍हेखे गावाइ रो मासाअ्‌हि पानु इङकोदोफा हाइदोङ सामान्‍दा माताअ्।