फिलिप्पि 4:15 - धिमाल

¹⁵ कालाउ का माकेडोनिया माउजा लाअ्‌तेङ हानेलाउ कासेहेङ साघाइका हुल नेलाइ खिनिङ हिघासुन्‍हा दोअ्‍का काथा नेलाइ फिलिप्‍पिगेलाइ ताइमिङ गेसुखेना। का नेलाइहेङ रेम्‍काबानाल हिङपाका लाङ पहरता ताका काउरिहोइ साघाइका मन्‍डलि नेलाइ खिनिङ हिघासुन्‍हा।

Dhimal NT

¹⁵ नाअ् फिलिप्पिको द्‍याङगेलाइ ताइमिङ गिसुखेना, कि नेलाइहेङ सुसमाचार प्राचार पाका दिनासो जेलाउ का नेलाइको थामेसो म्यासिडोनिया प्रदेसता हानिघा, कासेहेङ नेलाइ बाहेक आरु हिदोइ बुङ मन्डलि ताका पितेङ मासाघाइहि।

फिलिप्पि 4:15 Iomraidhean Croise

साल्न्हाका चात्या 16:40

थुनासो ओल्‍हेकान्‍हुअ्‌सो पावल रो सिलास लिडियाको साअ्‌ता हानेहि। इन्‍ता एम्‍बालाइ खान्‍धुरि दादाओनेगेलाइदोफा दुसुतेङ ओबालाइहेङ आट रो हाउसाला पितेङ इन्‍तासो दामा लाअ्‌हि।

फिलिप्पि 1:12

दादाओने बाइओनेगेलाइ, का र्‍हुता लोका तु: भोगेकासो रेम्‍काबानाल पारचार जेङलि दोहोइ दोअ्‌तेङ नेलाइ गेसु दोअ्‌का का भोखा।

फिलिप्पि 1:16

जाइ कासेहेङ माया पाखे, एम्‍बालाइ दोङ रेम्‍का बिचारहोइ ख्रिस्‍टको रेम्‍काबानाल पारचार पाखे। हाइदोनु एम्‍बालाइ गेखे, परमेस्‍वर दोङ कासेहेङ रेम्‍काबानालहेङ जोगाइलिको भाअ्‌सिङ खाटाइका हि।

फिलिप्पि 1:5

हाइदोनु नेलाइ कासेहेङ रेम्‍काबानालको कामता लाम्‍फासो एलाथिकापा साघाइतेङ लोका हिसुन्‍हा।

फिलिप्पि 1:7

नेलाइको बारेता इसिकाङ बिचार पालि कासेहेङ उचित लागेहि। हाइदोनु का नेलाइहेङ ताइको कोन्‍धाङसोङ माया पाखा। कालाउ का थुनाता हिलाउ बुङ, बाहार हिलाउ बुङ नेलाइ कासेहेङ रेम्‍काबानाल पारचारपालि रो इदोइहेङ जोगाइलि परमेस्‍वरको पिका इदोइ गोताङ निगाहाता नेलाइ कादोफाङ भाकर्‍हुका हिसुन्‍हा।

फिलिप्पि 2:12

इदोइखातिर काङको मोन्‍दाताका दादाओने बाइओनेगेलाइ का नेलाइदोफा हिलाउ नेलाइ दिनाङ काङको काथागेलाइ साअ्‌सुन्‍हा। झन का नेलाइसो दुरे हिलाउ बुङ नेलाइ काङको काथागेलाइ आरोङ हेन्‍जाङ साअ्‌लि गोइस्‍वाना। कालाउ नेलाइको निङका छुटकाराको काथा तिङपालि हेन्‍जा भेम्‍ति ह्‍याअ्‌पासु रो परमेस्‍वरहेङ मान पातेङ वाको थिकाता एसा पासु।