फिलिप्पि 3:3 - धिमाल

³ कालाउ केलाइ जातिङकोङ खाताना पान्‍हाका हिन्‍हाहि। हाइदोनु केलाइ परमेस्‍वरहेङ पुनित हाङसासो पुजिन्‍हाखे। केलाइ हिदिङ द्‌याङगेलाइको चालचलनता माको, ख्रिस्‍ट इसुता भर पान्‍हाखे।

Dhimal NT

³ हाइपालिपानु केलाइ परमेस्वरको आत्मासो आराधाना पानाखे, कालाउ येसु ख्रिस्टता गर्ब पानाखे कालाउ मानिमुइ कोसिसता भर मापरिनाखे, हाइपालिपानु केलाइ जातिङकोङ परमेस्वरको द्‍याङगेलाइ दोङ हिनाहि।

फिलिप्पि 3:3 Iomraidhean Croise

गलाति 5:25

पुनित हाङसा केलाइहेङ नावा ज्‍यान पिनाङसिङ वाको आधिनता ह्‍याइने।

गलाति 6:16

कालाउ जाइ इदोइ नियमता चलिखे, एम्‍बालाइहेङ परमेस्‍वर दायातेङ सुकाका प्‍यावा। कालाउ इङको द्‍याङगेलाइ दोङ परमेस्‍वरको ताइको द्‌याङगेलाइ जेनावा।

फिलिप्पि 1:1

ख्रिस्‍ट इसुको बान्‍धाइगेलाइ पावल रो तिमोथिसो, फिलिप्‍पि पुरता हिका मन्‍डलिको आगुवागेलाइ, डिकनगेलाइ रो ख्रिस्‍ट इसुता हिका परमेस्‍वरको झाराङ पुनित जनगेलाइहेङ इदोइ चिथि लेखेदोङ न्‍हाखे।

फिलिप्पि 3:12

का धेयता लाम्‍फादोङ थुकातेङ पुरा जेङहोइका दोअ्‌तेङ दोअ्‌का माको। कालाउ का ख्रिस्‍ट इसु भाइपाङ जेङलि हेन्‍जाङ चेस्‍ता पादोङखा। हाइदोनु वा इदोङ कामको भाअ्‌सिङ दोङ कासेहेङ साल्‍हि।

फिलिप्पि 3:14

इदोइखातिर का सादेलको इनाम जितिलिको भाअ्‌सिङ धाअ्‌दोङखा। परमेस्‍वर याको भाअ्‌सिङ ख्रिस्‍ट इसुसो असिमको ज्‍यान निङलि कासेहेङ काइका एइ।

कलस्सि 2:11

खाताना पालाउ जिउसो बिह्‍या खेङन्‍हाका भाइपाङ ख्रिस्‍टको खतनासो नेलाइको कुकरम पाका मनहेङ खेङपिका हि। इदोइ ते द्‍याङको खुरसो जेङका माको, कालाउ ख्रिस्‍टसो जेङका एइ।