फिलिप्पि 2:8 - धिमाल

⁸ वा द्‌याङ जेङतेङ इदोइ सुमिङता हिलाउ ताइमिङहेङ नोइका बान्‍हाइहि। कालाउ वा सिका पहर थिकापाङ परमेस्‍वरको हुकुम साअ्‌तेङ कुरुसता टाङगाइन्‍हातेङ सिहि।

Dhimal NT

⁸ कालाउ द्‍याङको रुपता जेङतेङ ताइमिहेङ मोनोइ बानाइहि, कालाउ परमेस्वरको आग्याकारिता, वा आपाराधि कोनिङ क्रुसता सिलि बुङ तियार जेङहि।

फिलिप्पि 2:8 Iomraidhean Croise

मत्‍ति 17:2

एम्‍बालाइको आगाता वाको गोताङ जिउ फेरेन्‍हातेङ र्‍हाइ बेलाभाइपाङ चिल्‍काहि रो वाको धाबा बुङ साने भाइपा जेल्‍हाल्‍हाहि।

मत्‍ति 26:39

कालाउ इसु आसा ओसो हानितेङ भोनोता पोम्‍भेलेतेङ एसा दोअ्‌तेङ पुकार पालि तेङहि, “ओइ काङको आबा, जेङलि दोनु इदोइ तु:को बाति कासो लाअ्‌ताको। कालाउ बुङ काङको लाल्‍सा भाइपा माको, नाङको लाल्‍सा भाइपा ज्‍याको।”

मत्‍ति 26:42

इसु आरोङ हानितेङ पुकार पालि तेङहि, “काङको आबा, का इदोइ तु:को बाति माआम्‍सा माज्‍याङ पानु, नाङकोङ लाल्‍सा पाका भाइपाङ ज्‍याको।”

लुका 9:29

वा पुकार पातेङहिका पहरता वाको र्‍हाइको आकार भेनाङ जेङहि रो वाको धाबा बुङ जेलाल्‍हातेङ जोल्‍हि।

युहन्‍ना 10:18

हासुङ कासो काङको बायु र्‍हुलि माद्‍वावा, कुलाउ का ताइकोङ लाल्‍साहोइ ताइको बायु चार्‍हाइखा। ताइको बायु चार्‍हाइका खाबरा कादोसा हि, कालाउ आरोङ र्‍हुका खाबारा बुङ कादोसा हि। इदोइ हुकुम का काङको आबासो निङका हिघा।”

युहन्‍ना 14:31

कुलाउ का आबाहेङ इन्‍ताना पाखा रो जेसापा आबा कासेहेङ हुकुम पाका हि इङकोङमाफिक पाखा दोअ्‌तेङ दुनिया ग्‍याको। ल्‍होसु, केलाइ इतासो हानाइने।”

युहन्‍ना 15:10

एदि काङको हुकुमगेलाइ साअ्‌सुन्‍हा पानु नेलाइ काङको इन्‍तानाता हिस्‍वाना। जेसापा का काङको आबाको हुकुमगेलाइ साअ्का हिघा रो वाको इन्‍तानाता ह्‍याङका।

युहन्‍ना 4:34

इसु एम्‍बालाइहेङ दोअ्‌हि, “कासेहेङ दिङगिल्‍काको लाल्‍सामाफिक पालि रो वाको काम पोङघा पालि दोङ काङको चाकाआनेमाने एइ।

साल्न्हाका चात्या 8:33

वा बादनाम जेङलाउ बुङ नियाँ मानिङहि। वाको खालको बाखिन हासु पाङ? हाइदोनु वाको ज्‍यान सुमिङसो चुमपुन्‍हाहि”

गलाति 3:13

नियम केलाइता साराप चुमाहि कालाउ ख्रिस्‍ट इङको साराप ताइमिङ र्‍हुतेङ केलाइहेङ छुटकारा पिहि। हाइदोनु धरमकिताबता इसिका लेखेन्‍हाका हि “जाइ सिङता तोइन्‍हाखे इङको साराप निङचाका हिखे।”

तितस 2:14

इसु ख्रिस्‍ट केलाइहेङ गोताङ खालको कुकरमसो छुटकारा पिलिको भाअ्‌सिङ दोङ ताइको सास पिहि। वा केलाइहेङ पुनित पालि ताइको बान्‍हाइहि रो रेम्‍का काम पालिको भाअ्‌सिङ बोल्‍याका बान्‍हाइलि एसा पाहि।

1पतरुस 2:24

केलाइ कुकरमको भाअ्‌सिङ सितेङ धरमातिको भाअ्‌सिङ बानच्‍याइने दोअ्‌तेङ ख्रिस्‍ट ताइमिङ केलाइको कुकरम फातेङ कुरुसता सिहि। एन्‍साङ पातेङ वाकोङ पेचारासो नेलाइ एल्‍का हिसुन्‍हा।

1पतरुस 3:18

हाइदोनु केलाइहेङ परमेस्‍वरकोता थुकापालिको भाअ्‌सिङ ख्रिस्‍ट धरमाति हिलाउबुङ अधरमातिगेलाइको कुकरमको भाअ्‌सिङ ए खे सिहि। वा जिउता सिहि कालाउ बुङ परमेस्‍वर वासेहेङ हाङसाको सरबङसो सिन्‍हुपाहि।