फिलिप्पि 2:3 - धिमाल

³ नेलाइ ताइको खिनिङ भालाइ भोतेङ हाइदोङ मापासु। नेलाइ बारालि बुङ माभोसु रो बिथाता तुजुकि जेङलि हाइदोङ मापासु। कालाउ ए भेनेङदोफा नोइका जेङसु रो बोमिगेलाइ ताइमिखान्‍तेङ मानलाएक हि दोअ्‌तेङ फोमपासु।

Dhimal NT

³ स्वार्थ कालाउ घमन्डता हाइ दोङ मापासु, कालाउ मोनोइता एमिसो-भेनेङहेङ ताइमिहेङ खान्तेङ हेन्जा महत्व पुर्न थानेसु।

फिलिप्पि 2:3 Iomraidhean Croise

लुका 18:14

कालाउ इसु काथा दोपातेङ दोअ्‌हि, “का नेलाइहेङ दोअ्‌ताङका, इदोइ फरिसि खान्‍तेङ बुङ लेबि द्‌याङ परमेस्‍वरको नजरता धरम जेङतेङ ताइको साअ् घुरिहि। हाइदोनु जाइ ताइमिङहेङ बारा पालि खाङखे वा झाराङ खान्‍तेङ म्‍हुयावा। कालाउ जाइ ताइमिहेङ म्‍हुइ पालि खाङखे वा झाराङ खान्‍तेङ बारावा।”

1 कोरिन्थि 15:9

साल्‍तेङ दिङगिल्‍कालाइता झाराङखान्‍तेङ म्‍हुइका का दोङ एइ। का साल्‍तेङ दिङगिल्‍का दोअ्‌न्‍हालि लाएकको मान्‍थुघा। हाइदोनु का परमेस्‍वरको मन्‍डलिहेङ हेन्‍जाङ खेदो पाघा।

1 कोरिन्थि 3:3

एला बुङ नेलाइ ताइकोङ मनको लाल्‍सागेलाइ पोङघा पालि भाअ्‌सिङ खिनिङ लागितेङ हिसुन्‍हा। कालाउ नेलाइको माझाता एला बुङ दाहा रो चेरसुका हिदोङ हि। हाइ एन्‍सा जेङनु नेलाइ ताइको मनको लाल्‍सा आन्‍सार चलेका दुनियाको बो द्‍याङगेलाइ भाइपाङ माजेङसुन्‍हा कुनु?

गलाति 5:15

कालाउ नेलाइ ताताइमिता चेरसुतेङ एमि भेनेङहेङ चेर ताम्‍पापिसुखेना पानु हुस पासु, माकोनुते नेलाइ ताताइमिता मुअ्‌तेङ हानेस्‍वाना।

गलाति 5:26

केलाइ ए भेनेङदोफा तुजुक पाका, चेर ताम्‍पाका रो दाहा पाका काम हेअ्‌लाउ मापाइने।

फिलिप्पि 2:14

नेलाइ हिदिङ काम पालाउ बुङ गानगानमापासिङ रो माचेरसुसिङ गोताङ काम पासु।

कलस्सि 3:12

इदोइखातिर परमेस्‍वर माया पातेङ नेलाइहेङ साल्‍हि रो पुनित जनगेलाइ बान्‍हाइहि। कालाउ नेलाइ तु:ता परेकालाउहेङ साघाइसु, दाया माया पासु, सोझाका जेङसु, नोइका रो धिर जेङसु।

कलस्सि 3:8

कालाउ एला नेलाइ चेर दाहा पाका, दाहा पाका, सिकाका, निन्‍दा पाका रो ताइको नुइसो आखेका काथा पाका इसिका गोताङ बानिगेलाइ लाअ्‌लिङ गोइस्‍वाना।

1तिमोथि 6:4

वा हाइदोङ मागेसिङ एन्‍साङ तुजुकहोइ फुलिखे। वा ते झागारा पाका बिमार लागेका द्‌याङ। वा काथाङ काथाता झागारा खिनिङ पालि भोखे। इसिका काथागेलाइहोइ ते दाहा, झागारा, बादनामि रो मारेम्‍का साङका देखाल पापाखे।

1पतरुस 3:8

आखिरता दोअ्‌खा, नेलाइ झाराङ एलोङ मनको जेङतेङ एमि भेनेङहेङ तु:ता साघाइसु। ताइको दादाओने रो बाइओने भाइपाङ एमि भेनेङहेङ इन्‍ताना पासु। कालाउ नोम्‍का कोन्‍धाङको रो नोइका मनको जेङसु।

1पतरुस 5:5

एन्‍साङ पातेङ धानागेलाइ, नेलाइ बुङ मन्‍डलिको आगुवागेलाइको आधिनता हिसु रो नोइतेङ एमि भेनेङको चाकर पासु। हाइपानु धरमकिताबता इसिका लेखेन्‍हाका हिः “परमेस्‍वर तुजुकिगेलाइको खिलाप पावा, कालाउ नोइकालाइहेङ निगाहा पावा।”