फिलिप्पि 2:1 - धिमाल

¹ एदि ख्रिस्‍टता हिका नेलाइको ज्‍यान नेलाइहेङ हिमत पिका हि पानु, वाको माया नेलाइहेङ थुमथुमाइ पिका हि पानु, नेलाइ पुनित हाङसाता सङगति पासुखेना पानु, नेलाइ ए भेनेङहेङ दाया रो माया पासुखेना पानु,

Dhimal NT

¹ हाइपालिपानु नेलाइ ख्रिस्टको हिनाङ नेलाइ हाउसाइका हिसुना, हाइपालिपानु नेलाइ ख्रिस्टको प्रेमसो सान्तावाना निङका हिसुना, हाइपालिपानु नेलाइको पबित्तरो आत्मा दोफा सङगति हि, हाइपालिपानु ख्रिस्ट नेलाइ दोफा मोनोइ कालाउ दायाका हि,

फिलिप्पि 2:1 Iomraidhean Croise

लुका 2:25

इङको पहर सिमियोन दोअ्‌का द्‌याङ यरुसलेमता हिघाखे। वा धरम द्‌याङ हिघाखे रो परमेस्‍वरको भक्ति पाघाखे। वा इस्राएलिगेलाइहेङ बान्‍चेपाका द्‌याङको आस पातेङ दामा खाङघाखे। पुनित हाङसा वाकोदोफा हिघाहि।

युहन्‍ना 14:18

का नेलाइहेङ माउर्‍या भाइपा मालाअ्‌ताङका। का आरोङ नेलाइकोता ल्‍वाङका।

युहन्‍ना 14:27

“सान्‍ति का नेलाइदोफा लाअ्‌ध्‍याङका। का ताइको सान्‍ति नेलाइहेङ प्‍याङका, कुलाउ दुनियाको पिकाभाइपा माको। नेलाइको कोन्‍धाङ बिकल माज्‍याको रो थिलिगोइका माज्‍याको।

युहन्‍ना 17:13

“एला का नाङकोता लोदोङखा। दुनियाता हिलाउ इदोइ काथा का धुइखा, एम्‍बालाइता काङको लेङ पोङघा ज्‍याको।

साल्न्हाका चात्या 2:46

एम्‍बालाइ ए मनको जेङतेङ थानता जोम्‍तेङ सङगति पाघाखे रो साअ्‌साअ्‌ता तोले पेङघाखे। एम्‍बालाइ लेङचातेङ पुनित कोन्‍धाङसो मिलितेङ प्रभु भतेर चाघाखे।

साल्न्हाका चात्या 4:32

खान्‍धुर पाकालाइ झाराङ एलोङ कोन्‍धाङको रो एलोङ आत्‍माको जेङका हिघाखे। एम्‍बालाइता हासु बुङ ताइ टाका काउरिको हाइदोङ माल इदोइ काङको ताइको एइ दोअ्‌तेङ मादोअ्‌घाहि। एम्‍बालाइको गोताङ थोम माझाको हिघाखे।

1 कोरिन्थि 12:13

केलाइ यहुदि हिलाउ बुङ, बो जात्‍या हिलाउ बुङ, बान्‍धाइ हिलाउ बुङ, फुक्‍का हिलाउ बुङ, केलाइ झाराङ एलोङदोङ पुनित हाङसासो चिभुअ्‌लि निङका हिन्‍हाहि। कालाउ केलाइ झाराङ एलोङदोङ पुनित हाङसा निङका हिन्‍हाहि।

1 कोरिन्थि 15:31

दादाओने बाइओनेगेलाइ, नेलाइ प्रभु इसु ख्रिस्‍टता खान्‍धुर पाका हिसुन्‍हा दोअ्‍तेङ का तुजुक पाखा। इदोइखातिर का नेलाइको भाअ्‌सिङ दिनाङ सिकाको खातारा मोलितेङ हिघा।

1 कोरिन्थि 3:16

नेलाइ परमेस्‍वरको थान रो वाको पुनित हाङसा दोङ नेलाइलिअ्‌ता बासा हिखे दोअ्‌तेङ हाइ नेलाइ मागेसुखेना?

गलाति 4:6

केलाइ परमेस्‍वरकोङ खाल एइ दोअ्‌तेङ तिङपालि वा ताइको चानको हाङसा केलाइको कोन्‍धाङता ताअ्‌पिका हि। इङकोङ हाङसा केलाइको कोन्‍धाङसो वासेहेङ “काङको आबा” दोअ्‌खे।

गलाति 5:22

कालाउ पुनित हाङसाको आधिनता हिगिल्‍कालाइको ज्‍यानता इदोइ काथागेलाइ हिखे : माया पालि, लेङचालि, बेराजा पालि, साहेलि दो:लि, दाया पालि रो भालाइ पालि, भर परेका जेङलि,

फिलिप्पि 1:8

का नेलाइहेङ दुसुलि इस्‍तुङ लाल्‍सा पाखा दोअ्‌का काथा परमेस्‍वर दोङ गिखे। हाइदोनु ख्रिस्‍ट इसु नेलाइहेङ जेसापा माया पाहि का बुङ नेलाइहेङ माया पाखा।

फिलिप्पि 3:3

कालाउ केलाइ जातिङकोङ खाताना पान्‍हाका हिन्‍हाहि। हाइदोनु केलाइ परमेस्‍वरहेङ पुनित हाङसासो पुजिन्‍हाखे। केलाइ हिदिङ द्‌याङगेलाइको चालचलनता माको, ख्रिस्‍ट इसुता भर पान्‍हाखे।

कलस्सि 2:2

नेलाइ आर निङसु रो मायाता दोफाङ धेउन्‍हासु दोअ्‌तेङ का एसा पाका एइ। एन्‍सा जेङलाउ नेलाइ हाङसाता हेन्‍जाङ बोल्‍याका जेङतेङ परमेस्‍वरको गोताङ लिअ्‌ताको काथा बुझिलि दोस्‍वाना। कालाउ इङको लिअ्‌ताको काथा चाहिँ ख्रिस्‍ट हि।

कलस्सि 3:12

इदोइखातिर परमेस्‍वर माया पातेङ नेलाइहेङ साल्‍हि रो पुनित जनगेलाइ बान्‍हाइहि। कालाउ नेलाइ तु:ता परेकालाउहेङ साघाइसु, दाया माया पासु, सोझाका जेङसु, नोइका रो धिर जेङसु।

1पतरुस 1:2

लाम्‍फासोङ परमेस्‍वर आबा ताइको उपाइआन्‍सार नेलाइहेङ ताइकोङ पुनित जन जेङलि साल्‍हि। इसु ख्रिस्‍टको हितिहोइ पुनित जेङतेङ वाकोङ हुकुम नेलाइ साअलि दोसु दोअ्‌तेङ वा नेलाइहेङ पुनित हाङसासो ताइको बान्‍हाइहि। कालाउ परमेस्‍वर आबा नेलाइहेङ इस्‍तुङ निगाहा रो सान्‍ति प्‍याको।

१ युहन्‍ना 3:24

परमेस्‍वरको हुकुम मानेकालाइ झाराङ परमेस्‍वरताङ ह्‍यावा रो वाता परमेस्‍वर ह्‍यावा। वा केलाइहेङ पिका पुनित हाङसासो केलाइ गेन्‍हाखे, वा केलाइता बासा ह्‍यावा।

१ युहन्‍ना 4:12

परमेस्‍वरहेङ हासुङ हेअ्‌लाउ तिङका मान्‍थु। एदि केलाइ एमि भेनेङहेङ माया पान्‍हाहि पानु परमेस्‍वर केलाइता ह्‍यावा रो वाको माया केलाइता पोङघाका हि।

१ युहन्‍ना 4:16

एसापा केलाइ ताइमिङ बुङ परमेस्‍वर केलाइहेङ माया पाखे दोअ्‌का काथा गेन्‍हाखे रो इङको मायाता केलाइ खान्‍धुर पान्‍हाखे। परमेस्‍वर माया हि रो जाइ मायाता हिखे इङको परमेस्‍वरता हिखे रो परमेस्‍वर वाता हिखे।