फिलिप्पि 1:7 - धिमाल

⁷ नेलाइको बारेता इसिकाङ बिचार पालि कासेहेङ उचित लागेहि। हाइदोनु का नेलाइहेङ ताइको कोन्‍धाङसोङ माया पाखा। कालाउ का थुनाता हिलाउ बुङ, बाहार हिलाउ बुङ नेलाइ कासेहेङ रेम्‍काबानाल पारचारपालि रो इदोइहेङ जोगाइलि परमेस्‍वरको पिका इदोइ गोताङ निगाहाता नेलाइ कादोफाङ भाकर्‍हुका हिसुन्‍हा।

Dhimal NT

⁷ नेलाइ झाराङको भाअ्सिङ का इसिका बिचार पालि ठिक हि, हाइपालिपानु का नेलाइ झाराङहेङ हेन्जा प्रेम पाखा, हाइपालिपानु का कैदि हिलाउ नेलाइ सुसमाचारको सुरिक्स्या कालाउ इदोइहेङ सत्ये प्रमानित पाका या न्हेनोङ दोङ कामता काङको दोफा परमेस्वरको आनुग्रहता झ्वाइनाका हिसुना।

फिलिप्पि 1:7 Iomraidhean Croise

साल्न्हाका चात्या 20:23

का इदोइझोको ते गेखा, गोताङ पुरगेलाइता थुना रो पिर यरुसलेमता भोगेलिगोयाङ दोअ्‍तेङ पुनित हाङसा कासेहेङ गिपाका हि।

साल्न्हाका चात्या 21:33

रोमि पलटनपति पावलहेङ रिम्‍हि रो न्‍हेलोङ झिन्‍झिरिहोइ धेउलि लागाइहि कालाउ द्‍याङगेलाइहेङ हिअ्‌हि, “इदोइ हिताको द्‍याङ? या हाइ पाहि?”

1 कोरिन्थि 13:7

माया पाका द्‌याङ गोताङ काथा सहिखे, गोताङ काथाता खान्‍धुर पाखे, गोताङ काथाता आस ताअ्‌खे रो गोताङ काथाता थिर हिखे।

1 कोरिन्थि 9:23

रेम्‍काबानालसो सहसाम्‍पा निङलि द्‌वाको दोअ्‌तेङ दोङ रेम्‍काबानालको भाअ्‌सिङ का इदोइ गोताङ थोक पादोङखा।

गलाति 5:6

हाइदोनु खाताना पालाउ बुङ मापालाउ बुङ ख्रिस्‍ट इसुता हाइदोङ फारा माजेङखे। कालाउ मुल काथा ते केलाइको खान्‍धुरको खातिर बोमिगेलाइहेङ माया पान्‍हाखे।

फिलिप्पि 1:12

दादाओने बाइओनेगेलाइ, का र्‍हुता लोका तु: भोगेकासो रेम्‍काबानाल पारचार जेङलि दोहोइ दोअ्‌तेङ नेलाइ गेसु दोअ्‌का का भोखा।

फिलिप्पि 1:13

का ख्रिस्‍टको बारेता रेम्‍काबानाल पारचारपानाङ थुनाता परेका एइ दोअ्‌का काथा दारबारको झाराङ सिपाल्‍हाइ रो बो द्‍याङगेलाइ बुङ गेका हि।

फिलिप्पि 1:14

का थुनाता परेका हिनाङसिङ हेन्‍जाङ दादाओने बाइओनेगेलाइ प्रभुता बोल्‍याका जेङका हि। कालाउ एम्‍बालाइ माथिसिङ रेम्‍काबानाल हिङपालि हिम्‍मति जेङका हि।

फिलिप्पि 1:5

हाइदोनु नेलाइ कासेहेङ रेम्‍काबानालको कामता लाम्‍फासो एलाथिकापा साघाइतेङ लोका हिसुन्‍हा।

फिलिप्पि 2:22

कालाउ तिमोथि हिसिका लाएकको खामाल हिघाहि दोअ्‌का काथा नेलाइ दोङ गेसुखेना। जेसापा एलोङ चान आबाको चाकर पाखे, एन्‍सा दोङ इङको रेम्‍काबानाल पारचार पाका कामता कादोफाङ चाकर पाहि।

फिलिप्पि 4:14

कालाउबुङ का तु:ता परेका पहर नेलाइ कासेहेङ साघाइतेङ रेम्‍काङ पासुन्‍हा।

फिलिप्पि 4:15

कालाउ का माकेडोनिया माउजा लाअ्‌तेङ हानेलाउ कासेहेङ साघाइका हुल नेलाइ खिनिङ हिघासुन्‍हा दोअ्‍का काथा नेलाइ फिलिप्‍पिगेलाइ ताइमिङ गेसुखेना। का नेलाइहेङ रेम्‍काबानाल हिङपाका लाङ पहरता ताका काउरिहोइ साघाइका मन्‍डलि नेलाइ खिनिङ हिघासुन्‍हा।

फिलिप्पि 4:3

काङको खान्‍धुरिलाएक सानाइति, इङको बेबालाइहेङ साघाइसु। हाइदोनु रेम्‍काबानाल हिङपालिको भाअ्‌सिङ एम्‍बालाइ कादोफाङ काम पाका हिघाखे। कालाउ कादोफा खिनिङ माको, एम्‍बालाइ क्‍लेमेस रो बो सानाइतिगेलाइ दोफा बुङ काम पाका हिघाखे। जाइको मिङ ज्‍यानको किताबता बुङ लेखेन्‍हाका हि।

कलस्सि 4:18

का पावलसो नेलाइहेङ इदोइ सेउपाका ताइकोङ खुरहोइ लेखेतेङ पिगिल्‍दोङखा। का थुनाता परेका हिघा दोअ्‌का काथा बुङ नेलाइदोङ गेसुखेना। कालाउ नेलाइता परमेस्‍वरको निगाहा ह्‍याको।

कलस्सि 4:3

का रेमकाबानाल पारचार पानाङसिङ थुना निङचाका हिघा। कालाउ ख्रिस्‍टको बारेता म्‍होअ्‌न्‍हातेङ हिका काथा दोअ्‌पिलि रो वाको रेम्‍काबानाल पारचार पालिको भाअ्‌सिङ परमेस्‍वर केलाइहेङ माउका प्‍याको दोअ्‌तेङ पुकार पापिसु।

1 थेस्लोनिकि 5:5

हाइपानु नेलाइ झाराङ फाइसालाम्‍काको रो दिनाको चानचामिन्‍दि। केलाइ दिलिमाको रो कितिकितिकाको चानचामिन्‍दि माको।

2 तिमोथि 1:8

एन्‍साङ केलाइको प्रभुको दासि पिलि रो का वाको भाअ्‌सिङ थुना निन्‍चाकाता मालेदेर भुरुङ ना बुङ परमेस्‍वरको सरबङता रेम्‍काबानाल हिङपालि तु: ल्‍होपा।

2 तिमोथि 2:9

इङकोङ रेम्‍काबानाल पारचार पाका हिनाङ का तु: भोगेका। इङकोझोको खिनिङ माको, आपराधि भाइपाङ झिन्‍जिरिता धेउन्‍हातेङ का थुना निङचाका हिघा। कालाउ रेम्‍काबानालचाहिँ थुनिन्‍हाका मान्‍थु।

1पतरुस 4:13

कालाउ ख्रिस्‍टको तु:ता नेलाइ बुङ भागर्‍हुलि निङलाउ लेङचासु। वाको प्रताप देखाल जेङलाउ नेलाइ बुङ हेन्‍जाङ लेङचालि दोस्‍वाना।

1पतरुस 5:1

एला का नेलाइकोता हिका मन्‍डलिको आगुवागेलाइहेङ एलोङ काथा दोअ्‌ताङका। ख्रिस्‍टको भोगेका तु: का ताइमि दोङ तिङका हिघा। कालाउ देखाल जेङलि तोम्‍का प्रतापता का बुङ भाग र्‍हुकाङका। का बुङ मन्‍डलिको आगुवा हिनाङसिङ नेलाइहेङ दोअ्‌दोङखा,

२ पत्‍रुस 1:13

का बान्‍चिपाधाउ नेलाइहेङ इदोइ काथागेलाइ फोम पापातेङ सजक पालि का मुनासिप चिताइखा।

१ युहन्‍ना 3:14

केलाइ गेन्‍हाखे, केलाइ ते सिकासो छुटकारा जेङतेङ ज्‍यानता सारेन्‍हाका हिन्‍हाहि। हाइदोनु केलाइ ताइको दादाओने बाइओनेगेलाइहेङ माया पान्‍हाखे। जाइ माया मापाखे, इङको सिकाता हितेङहिखे।