फिलिप्पि 1:6 - धिमाल

⁶ परमेस्‍वर नेलाइको माझाता एलोङ एल्‍का काम थालनि पाका हि। कालाउ वा दोङ इसु ख्रिस्‍ट घुरितेङ लोका पहरता इङको काम पोङघा पावा दोअ्‌तेङ का पाक्‍काङ खान्‍धुर पाखा।

Dhimal NT

⁶ का इदोइ काथाता पुरा खाङधुरि पाखा, कि परमेस्वर नेलाइकोता जेदोङ आसल काम सुरु पाहि, इङको वासेहेङ दोङ जेलाउ येसु ख्रिस्ट आरोङ ल्वाङ कालाउ पुरा पावा।

फिलिप्पि 1:6 Iomraidhean Croise

युहन्‍ना 6:29

इसु एम्‍बालाइहेङ दोअ्‌हि, “परमेस्‍वरको काम इदोङ एइ: जाइहेङ वा दिङगिल्‍हि वार्‍हुता खान्‍धुर पासु।”

साल्न्हाका चात्या 11:18

इदोइ काथा हिङकान्‍हुअ्‌सो एम्‍बालाइ सिपापा हि रो एसा दोअ्‌तेङ परमेस्‍वरहेङ बाखिन्‍हि, “एला ते परमेस्‍वर बोजात्‍यागेलाइहेङ बुङ हेअ्‌लाइ मासिका ज्‍यानको भाअ्‌सिङ कुकरम मानेतेङ घुरिलि बखत पिका हि।”

साल्न्हाका चात्या 16:14

कालाउ थिआटिरा पुरता हिका, जाङका बेङगाना रङको पाइकार पाका लिडिया मिङ हिका एमि परमेस्‍वरहेङ पुजिका बेबाल केलाइको कथन हिङहि। पावलको धुइका काथा रेम्‍फा हिनाको दोअ्‍तेङ प्रभु वाको कोन्‍धाङ हेपिहि।

1 कोरिन्थि 1:8

केलाइको प्रभु इसु ख्रिस्‍ट लोका दिनाता नेलाइ दुस मान्‍थुका जेङसु दोअ्‌तेङ वा नेलाइहेङ न्‍हुअ्‌थिकापाङ बोल्‍याका बान्‍हायावा।

गलाति 5:10

का प्रभुता खान्‍धुर पाखा, नेलाइ काङको माकोसिङ भेनेङ बिचार मार्‍हुस्‍वाना। नेलाइहेङ तु: पिका हासुङ हिलाउ बुङ परमेस्‍वर ताइमिङ इङकोहेङ दार प्‍यावा।

फिलिप्पि 1:10

एन्‍सा जेङनु खिनिङ नेलाइ झाराङखान्‍तेङ रेम्‍का काथाहेङ खेङलि दोस्‍वाना। कालाउ ख्रिस्‍ट लोलाउ नेलाइ पुनित रो दुसमान्‍थुका जेङस्‍वाना।

फिलिप्पि 1:29

हाइदोनु परमेस्‍वर नेलाइहेङ ख्रिस्‍टता खान्‍धुर पालिको भाअ्‌सिङ खिनिङ माको, कालाउ वाको भाअ्‌सिङ तु: पिर भोगितेङ वाकोङ चाकर पाका एल्‍का माउका बुङ पिका हि।

फिलिप्पि 2:12

इदोइखातिर काङको मोन्‍दाताका दादाओने बाइओनेगेलाइ का नेलाइदोफा हिलाउ नेलाइ दिनाङ काङको काथागेलाइ साअ्‌सुन्‍हा। झन का नेलाइसो दुरे हिलाउ बुङ नेलाइ काङको काथागेलाइ आरोङ हेन्‍जाङ साअ्‌लि गोइस्‍वाना। कालाउ नेलाइको निङका छुटकाराको काथा तिङपालि हेन्‍जा भेम्‍ति ह्‍याअ्‌पासु रो परमेस्‍वरहेङ मान पातेङ वाको थिकाता एसा पासु।

फिलिप्पि 2:13

हाइदोनु परमेस्‍वर नेलाइता दिनाङ काम पावा। कालाउ वा दोङ वाको काम पातेङ दोपाका मन रो सरबङ प्‍यावा।

फिलिप्पि 2:16

नेलाइ ज्‍यान पिका रेम्‍काबानालहेङ थिर जेङतेङ खान्‍धुर पासु। एसा पासुन्‍हा पानु काङको धाअ्‌का रो मिनेत एन्‍साङ बिथाको माजेङहि दोअ्‌तेङ ख्रिस्‍ट लोलाउ का तुजुक पाका माउका निनाङका।

कलस्सि 2:12

जेलाउ नेलाइ चिभुअ्‌का र्‍हुसुन्‍हा कोलाउ नेलाइ बुङ ख्रिस्‍टदोफाङ लिअ्‌न्‍हाका भाइकाङ हिघासुन्‍हा रो वा दोफाङ सिन्‍हुसुन्‍हा। हाइदोनु नेलाइ सिका ख्रिस्‍टहेङ सिन्‍हुपाका परमेस्‍वरको सरबङता खान्‍धुरि पासुन्‍हा।

1 थेस्लोनिकि 1:3

केलाइको परमेस्‍वर आबाको आगाता नेलाइको खान्‍धुरसो पाका काम रो मायाहोइ पाका मिनेत कालाउ केलाइको प्रभु इसु ख्रिस्‍टता ताअ्‌का आसता तु: साहेका केलाइ दिनाङ फोमपातेङ हिन्‍हाखे।

2 थेस्लोनिकि 1:11

इदोइभाअ्‌सिङ केलाइ नेलाइ झाराङको भाअ्‌सिङ दिनाङ पुकार बुङ पान्‍हाखे। केलाइको परमेस्‍वर नेलाइहेङ वाको काइकाको लाएक बान्‍हायाको, गोताङ रेम्‍का धेय रो खान्‍धुरको कामहेङ वाको सरबङसो पोङघा पालि साहेता पाको।

2 थेस्लोनिकि 3:4

केलाइको दोअ्‌का भाइपाङ नेलाइ पादोङसुखेना रो पातेङ बुङ हिस्‍वाना दोअ्‌तेङ केलाइ नेलाइको भाअ्‌सिङ प्रभुता दोङ भर पाका हिन्‍हाहि।

1पतरुस 5:10

हेन्‍जाङ निगाहा हिका परमेस्‍वर ख्रिस्‍टता ताइको असिम प्रतापको भाअ्‌सिङ नेलाइहेङ काइका हि। नेलाइ आतुइसा पहर तु: भोगेकान्‍हुअ्‌सो वा दोङ नेलाइहेङ आरोङ नावा बान्‍हाइतेङ अचल बान्‍हाइयावा रो सरबङहिका बान्‍हाइयावा।

२ पत्‍रुस 3:10

कालाउ प्रभुको नियपाका दिना ते खुकाभाइपाङ सिपापा ल्‍वावा। आदेलचाहिँ बाराका गाला पातेङ रामावा। आदेलता हिका बेला, तालि रो फुरुगेलाइ मेको रापसो गाल्‍यावा। सुमिङ रो इन्‍कोता हिका गोताङ थोक बुअ्‌सिरि ज्‍यावा।