फिलिप्पि 1:4 - धिमाल

⁴ कालाउ नेलाइ झाराङको भाअ्‌सिङ पुकार पालाउ का दिनाङ लेङचातेङ पुकार पाखा।

Dhimal NT

⁴ कालाउ काङको गोताङ प्रार्थानाता का नेलाइ झाराङको भाअ्सिङ आनान्दसोङ जेलाउ बुङ परमेस्वरको साघाइको भाअ्सिङ बिन्ति पाखा।

फिलिप्पि 1:4 Iomraidhean Croise

मर्कुस 5:5

इङको न्‍हिसिङ रो नितिङ दिनाङ तोमगेलाइ रो आरदाङगेलाइता र्‍हिकाइतेङ ताइमि ताइमहेङ उन्‍ठुइहोइ चेतेङ हिगिल्‍घाहि।

लुका 15:10

का नेलाइहेङ दोअ्‌ताङका, एन्‍साङ पातेङ ताताइको कुकरम मानितेङ परमेस्‍वरपाहा घुरिका एमि कुकरमिको भाअ्‌सिङ सादेलता सादेलचरगेलाइ हेन्‍जाङ लेङचावा।”

लुका 15:7

का नेलाइहेङ दोअ्‍ताङका, ताताइको कुकरम मानितेङ परमेस्‍वरपाहा घुरिपालि मागोयाङ दोअ्‌का द्‌याकुरिते क्‍वाहा धरम द्‌याङगेलाइ खान्‍तेङ ताताइको कुकरम मानितेङ परमेस्‍वरपाहा घुरिका एमि कुकरमिको भाअ्‌सिङ सादेलता हेन्‍जाङ लेङचावा।”

फिलिप्पि 2:2

कासेहेङ लेङचापालि नेलाइ एलोङदोङ मनको जेङतेङ, एलोङदोङ मायाता हितेङ रो एलोङदोङ बिचारको जेङतेङ हिसु दोअ्‌तेङ का नेलाइहेङ बिनइ पाखा।

फिलिप्पि 3:18

हेन्‍जाङ द्‌याङगेलाइ ताइको आनिबानिहोइ दोङ एम्‍बालाइ ख्रिस्‍टको कुरुसता पाका कामको खिलाप पाखे। का इसिका द्‌याङगेलाइको बारेता घुरिघुरि नेलाइहेङ दोअ्‌तेङ लोका हिघा। कालाउ एला बुङ खारतेङ नेलाइहेङ दोअ्‌दोङखा।

फिलिप्पि 4:1

इदोइखातिर काङको दादाओने बाइओनेगेलाइ, नेलाइ प्रभुता थिर जेङतेङ हिसु। का नेलाइहेङ माया पाखा रो दुसुलि भोखा। नेलाइ कासेहेङ लेङचा पासुन्‍हा रो नेलाइदोङ काङको कामको इनाम हिसुन्‍हा।

कलस्सि 2:5

हाइदोनु का नेलाइसो दुरे हिलाउ बुङ काङको मन ते दिनाङ नेलाइदोफाङ हिखे। कालाउ नेलाइ एलोङदोङ मन जेङतेङ हिका रो ख्रिस्‍टता नेलाइको खान्‍धुर हेन्‍जाङ बोल्‍याका हिका तिङतेङ का हेन्‍जाङ लेङचाखा।

1 थेस्लोनिकि 1:2

केलाइ नेलाइ झाराङको भाअ्‌सिङ परमेस्‍वरहेङ दिनाङ च्‍याबास चार्‍हाइन्‍हाखे रो पुकार पालाउ जेलाउ बुङ नेलाइहेङ फोमपान्‍हाखे।

२ युहन्‍ना 1:4

नाङको चान चामिन्‍दिगेलाइता हेअ्‌मि परमेस्‍वरको पिका हुकुमआन्‍सार तेका तिङतेङ का हेन्‍जाङ लेङचाघा।